جزء من الحنين مفقود

جزء من الحنين مفقود 1. بقلم تنزيل عابدين

وكنت راقدة مغمدة عيوني😴بفكر في لييه ابوي بفرق بيني وبين اختي وكان بتجيني لقطات كدا م بعرف من وين كنت بتذكر ناس كانو بسلمو علي زمان وهم ببكو وبقولو لي تمشي معانا؟!
م قدرت احدد المكان الانا كنت فيهو وم عارفة اصلا هل انا عشت الايام ديك مع الناس ديلاك ولا لأ 🤷🏽‍♀
(اعرفكم  اسمي اميرا عمري 20سنة بقرا قانون وشريعة في تانية جامعة شعري طوييل مايل للبني ولوني حلبية كدا عندي  وجنات عيوني كمان مايلة للبني ومن انا وعمري 13سنة الاولاد بشاغلوني وبخش معاهم في حوارات كتيرة هي دي حياتي كل يوم مع ولد جديد وشكل جديد م بتهمني الاشكال كتير كنت ببحث عن الحنان جوا اي ولد عن الاهتمام المهم م اكون ناقصة شي عندي اختي الكبيرة اسيل  عمرها 23سنة بتقرا طب اسنان في  سنة رابعة هي وعندي اخوي امجد اصغر مني ممتحن السنة دي امي اسماء وابوي متولي  دي هي عائلتي وانا احلاهم واجملهم طبعا طبعا😌 ...)
اسيل:مسهية وين هاا🤔
اميرا:في حاجة
اسيل:ماما قالت ليك تجي تغسلي العدة😌😏
اميرا:علي اساس انو الليلة دورك 😒
اسيل:مصدعة انا 🤦‍♀
اميرا:وانا عندي مغص وانتي عارفة😒
اسيل:ي ماما قالت م جاية
اسما:اميرا ي بتي م تجي
اميرا:ي ماما اليوم دورها هي تغسل العدة  وبعدين انا عندي مغص
اسيل:ماما انا مصدعة
اسما:خلاص خلوها بغسلها اصلو م منكم فايدة ولادة السجم😠
متولي:اميرا قومي حيلك ساعدي امك دي😠
اميرا:بابا..
متولي:البو قومي حيلك م منك فايدة اصلو طوالي معديها نوم وطلعات لا قراية لا شغل بيت😡 دي شنو البلوة دي ربنا يحلنا منك  قومي
اميرا:طيب
(كالعادة الحاج عصبي وعلي انا بس التقول جايبني بالحرام استغفر الله العظيم واتوب اليه 🤦‍♀
مشيت غسلت العدة وعملته ليهم الشاي  ودخلت غرفتي لقيت اسيل ماسكة تلفوني..)
اميرا:اسيل خير في شنو
اسيل:عايزة اشوفو شغال ولا لأ
اميرا:كيف يعني🤔 عايزة منو شنو وريني
اسيل:عايزة تلفون النور
اميرا:م عندي ولا انا مسجلاهو
اسيل:طيب تمام
(طبعا النور دا ولد حلتنا مكسر البنات وعسل شديد وجا من الامارات ليهو اسبوعين كدا في يوم انا واسيل ماشين البوتيك م نحس ليك الا بزول متابعنا بي عربيتو وفجاة وقف قدامنا ونزل القزاز
النور:السلام عليكم
اسيل:وعليكم السلام
النور:ممكن مساعدة لو بتعرفو بيت مصعب السر
اميرا:امشي قدام شوية واكسر يمينك....لا لا شمالك وامشي طويل
النور:شكرا  بي غمزة كدا
اميرا:علي الرحب😊
واسيل تشيل وتتبسم وتقرص فيني
اسيل:وحات الله شارد من الجنة عدييل 😍
اميرا:😹😹م بعيد

(شلته فوني واتصلت علي الياس ودا صحبي وفردتي شديد ساكن جنبنا برضو بس قطع الظلط اتعرفته عليهو من انافي الثانوي وكنا مربطين وهيك😹🙈 بعدين كسرتا حنكو لاني كنت ممتحنة اركز في قرايتي وكدا😌 وبي الصدفة لاقيتو في الجامعة معاي😍
اميرا:وين يا
الياس:يعني ي منقة انتي عايشة الدور هسي في الذمة انتي تشبهي نور 🧐
اميرا:لا لا لا شوفي ليك دكتوور 😹😹  دي منو كمان
الياس:دي فطومة اللصقة دي كرهتني الجامعة ياخ😹🤦🏻‍♂
اميرا:وااي لأ 😹😹💔بس م تقول لي غايب اسبوع عشانا 🤦‍♀
الياس:تصدقي بس يعني عشان شاقلتها اليوم داك لصقت فيني وطلعت اشاعة اني بحبها 😹
اميرا:تستاهل عشان تاني تشاغل 😹😹
الياس:المشكلة انها بتغيز دعاء 🤦🏻‍♂😹 ودعاء غيوورة
اميرا:كبست فيك اسمعني اختصرها
الياس:انسيها بس اها انتي اخبارك شنو
اميرا:تمام والله طبعا اتشاكلت مع احمد
الياس:طبيعي متشاكلين انتو
اميرا:المرة دي شكلة واحدة اخيرة وانفصلنا
الياس:مالو قال
اميرا:لقيتو منزل في حالتو غنية افتريتي وسمعتي لي كلام صحباتك قمتع سالتو دي منو قال لي انتي والمعاك والمعاك  قلته ليهو كيف يعني افتريت عليك قال معاهو خيانةكمان سالتو خنتك مع منو قال لي ايمن بالنسبة ليك شنو قلت ليهو والله ايمن صحبي وشريكي في مشاريع الجامعةوكدا قال لي بس قولتع ليهو اي وانت بتعرفو من وين قال لي انا مراقبك وتحركاتك مع الشباب وحتي مع الياس انتي اقرب لي الياس مني
الياس:غيرة😳
اميرا:استنة قال لي شنو افصلي علاقتك مع الاولاد وخليك معاي قولته ليهو في قلبي في انت بس والباقين زملائي في الجامعة وايام وبتنتهي وانت من م عرفتني عرفت عندي اصحاب وم مانعتني نهايواسي جاي تغار قال لي انتي حرة قلته ليهو  انا حرة لحدي م انت تجي البيت وتتقدم لي غير كدا م بخرب علاقاتي قال لي شنو افصليها ي منقة قلته ليهو اصلا حافصلها م بلزمتي زول حاقد وغيور😌طبعا خلاص بكون فار من الكلمتين ديل 😹😹
الياس:😹😹🤦🏻‍♂حقارة
اميرا:هو زاتو عندو علاقات علي فكرة 😏 واحدة بواحدة🤝🏻
الياس:اسمعيني بكرة جيبي لي الشيت حقك اذاكر بيهو الامتحانات كبست
اميرا:طيب تمام يلا باي
الياس:مع السلامة
(عاينت لقيت الساعة 2صباحا😹🤦‍♀ رقدته نمته 😴صحيت الصباح وكالعادة مغمدة عيوني وبتذكر مواقف لي زمان وانا صغيرة كان عندي صحبتي بتلعب معاي بالطين متذكرة الموقف وكان في ولد بسكنا وانحنا بنجري حولين شجرة كبيرة كدا. قدر م حاولت اذكر اساميهم م قدرته..)
اميرا:معقولة دي ايام الروضة وكدا🤔معقول ياخ انا ذاكرتي ضعيفة كدا🤦‍♀ معقول م متذكرة الناس الكانو معاي في الروضة...)
اسما:صباح الخير ي بنات قومن م عندكن دوام الليلة ولا شنو 
اسيل:ماما شوية بس
اسما:يبت الساعة 8
اميرا:واي لا انا اتاخرته
نطيت من السرير ومشيت صبحته علي بابا ولقيت أمجد مشا المدرسة شربته الشاي وطلعته تاني لي غرفتي عشان اجهز نفسي لبسته عباية سودا ومعاها بنطلون اسود واسع وحتي العباية واسعة وفيها بالرمادي كدا ولبسته معاها طرحة بالرمادي والاسود وشنطة وجزمة رماديات عملته كحل رمادي ووردي شفايف وطلعته(بالمناسبة العباية الواسعة مع البنطلون الواسع بتديك هيبة محامية محامية كدا😌)
اميرا:اسيل لسا انتي
اسيل:عايني انا محاضرتي الساعة 10 م طالعة اسي
اميرا:اوووف بابا ممكن توصلني معاك
متولي:م بوصلك ولا اي حاجة اقيفي زيك وزي باقي الناس احسن منهم في شنو 😒
اسما:انت ي متولي مالك كدا البت قالت ليك وصلها م قالت ليك حاجة تانية
اميرا:مافي مشكلة بضرب لي الياس يغشاني ✋🏻😒
(وطلعته مشيت طبعا اسيل عندها عربية وانا م عندي وكل مرة بتتحجج لي وم بتوصلني وحتي بابا عصبي م بوصلني معاهو كنت بمشي مع الياس احيانا واحيانا بالمواصلات الياس بقا كل يوم يجيني بدون م اضرب ليهو بابا م بسالني عن علاقتي مع الاولاد ولا الياس بشوفني راكبة معاهو بس ولا كانو شايفني...اهو ابوي كدا عصبي ومتعصب م حصل شفتو بضحك لي...)
الياس:ي مززة😉
اميرا:هلا هلا

وركبنا وصلنا الجامعة والطريق كلو يحكي لي عن دعوية زعلانة وضربته ليها واتونست معاها وكدا وصالحتهم المهم وضحته ليها😹...المحاضرة كانت 9 مشينا الكافي اول طلبتا عصير منقا وقعدنا ...المحاضرة  بدت وانتهت لي 11ونص ورجعتا البيت مرهعقة😴

#دي رواياتي التانية 🥺بتمني تنال اعجابكم ومتابعة حلوة ليكم واي انتقاد انا جاهزة😉