#ماضي_لا_ينتهي
#بوسى_مصطفى
____الحلقة العاشرة_____
في شقة سليم.. في التليفون📞
سامية : وانتي رديتي قولتيله ايه
ليلى : مردتش ياماما اتبرجلت لما قرأت الطلب الغريب بتاعه ده
سامية : اكيد طلبه غريب ونيته مش تمام
هو ايه اللي عايز يشوفك ويقابلك
ماهو لو عايزك في شغل يكلم جوزك
ليلى : ماهو انا الكلام مدخلش دماغي علشان كده معرفتش ارد عليه
سامية : لا لازم تردي عليه وتقوليله هكلم سليم واشوف رأيه ايه وبعدها اقفلي
ليلى : ماما ثواني وهبقي اكلمك
سامية : في حاجه ياليلي
ليلى : اللي اسمه فهد دا واقف تحت البيت
سامية : ايه... واقف يعمل ايه يعمل ايه
هو ميعرفش إن سليم مسافر
ليلى : اكيد ياماما يعرف
سامية : طب م تفتحيش الباب
ليلى : متقلقيش ياماما
سامية : ليلى انا عارفه دماغك.. بقولك متفتحيش الباب
ليلى : طيب ثواني وهكلمك
وقفلت ليلى مع مع مامتها وقربت من الباب نظرت من العين السحريه
كان فهد وقتها بيظبط الجرفته
ليلى : ورد وشيكولاته رايح فرح بنت اختك حضرتك
يرن الجرس تشاور ليلى لولادها اللي جم جرى
ليلى تهمس ليهم : اششش أوقفوا هنا ومتجوش إلا لما اقولكم.. مفهوم
هز الولاد راسهم
تفتح ليلى الباب
فهد ببتسامة : مساء الخير يااستاذة
ليلى : مساء النور... في حاجه يااستاذ فهد
فهد : طب ممكن ادخل ونتكلم جوه
ليلى : معلش اصل صاحب البيت مش موجود ومقدرش اقولك تدخل
فهد : اه م انا عارف.. بس سليم يعني لو هنا مش هيعترض
ليلى : علشان هو صاحب البيت
فهد : وانتي ست البيت والكل في الكل يااستاذة برضو ولا ايه
ليلى : ايوه ماهو علشان انا ست البيت مش راجل البيت مقدرش ادخل راجل هنا برضو
فهد : م انا كلمتك قبل كده وقولتلك نتقابل وفي مكان عام علشان بس دماغك متروحش لبعيد لكن انتي مردتيش
ليلى : ممكن حضرتك تكتبلي ع الفون وتقولي ايه هو الموضوع اللي حضرتك عاوزني فيه وانا اقدر اقرر إذا كان ينفع ولا لأ
فهد : طب حتى مش هتشربيني حاجه
ليلى : آدم
آدم كان واقف جنب الباب خرج دماغه : نعم يامامي
فهد ببتسامة : ايه دا انت لسه صاحي ياحبيبي
ليلى : هات لعمو كوباية مياة
آدم : حاضر
فهد : طب اتفضل الشوكليت ده
ليلى : مريم خدي من عمو ياحبيبتي الشيكولاته
مريم : حاضر يامامي
فهد ببتسامة : ومامي تاخد الورد بقى
ليلى : لا متشكره الورد دا المدام أحق بيه
يلا ياادم بتعمل ايه كل دا
آدم : اتفضل حضرتك
يشرب فهد كوباية المياة وهو واقف على الباب
آدم : محتاج حاجه تانيه
فهد : لا متشكر تسلم ايدك
آدم : طب احنا عاوزين ننام
فهد وهو بيحاول يداري الحرج : في سنه كام ياحبيبي
آدم : في كي جي
فهد : هههههههههه ياحبيبي انت لسه صغير
آدم : لأ انا راجل
بابي ومامي بيقولولي اني راجل
فهد : طبعاً راجل... طيب تصبحوا على خير
وحضرتك من اهله
وقفل آدم الباب.. وليلى بتمسد على شعره
مريم : مامي مين دا
ليلى : ثواني تيته بتتصل
📞
ليلى : ايوه ياماما..
احنا كويسين ياحبيبتي
لا اطمني مفيش حاجه
ايوه طلع لحد هنا وانا......
_________
أنت تقرأ
ماضي لا ينتهي
أدب نسائي_______المقدمة ________ سرعان ما تمر الأيام وتمضي السنين. القصة تتحدث عن خمس أبطال لقصص قديمة دمجتهم مع بعض نبذة مختصرة عن ماضي كل قصة معانا :_ 💓ندى ومازن ندى من أسرة بسيطه احبها شقيق مازن الدكتور يوسف ولكن بعد معرفته بحب أخيه البشمهندس مازن ب...
