هشام: حس بصوتها تغير حس بحزنها تمنى انها تشتكي له تمنى يجلس ساعات معاها وتفضفض الي في قلبها بس عرف انها راح ترفض قالهاالله يسلمك وانتبهي لنفسك هجير واي خدمة انا موجود دقي على جوال وان بغيتي اعطيك اياه انا حاضر
هجير:ماردت عليه الا بكلمة مشكور وسكرت السماعه
هشام: يناظر السماعه وتنهد الى متى ابظل بعيد عنك متى ربي يحلها واقرب منك متى اكون الحضن الي ترتمين فيه هجير ااااااااااه قدامي وماقدر اقرب منها قريبه ومبعدينها عني مسك شعره الى متى اظل بالعذاب هذا متى القى جراة اصارحهم متى اقولهم كل شي بقلبي الى متى ياهشام تكون خواف وجبان من نورة ووتخليها تتحكم فيك ببمرة الثانية الى متى تسكت وخليها تقودك كانك خروف مالك راي ولامشاعر
هجير: سكرت السماعه ونزلت دموعها بغزارة لعلها تطفي لهيب قلبها ليه طلال ماتصلت فيني كم جلست انتظرك حتى نومي ماتهنيت فيه وانت ماوصيتهم يكلموني حنين مستحيل توصيها وتتركني انت صحيت ليه ماخذت جوالك ودقيت علي مو تقول انا احبك ومامل من صوتك ليه طلال معقولة خلاص رجع لك شوفك وتركتني معقولة نسيت حبي لك وحبك لي معقولة تنسى الايام الي بيننا
___________________________________
في المانيا
طلال: قام من العمليه وهو فرحان لان الدكتور بشره بنجاحها بس فرحته ناقصه لان حبيته مو جنبه زوجته ما سمع صوتها ماكان ينتبه لكلام حنين وفرحتها فيه ولا سواليف رنا ونورة فوق راسه لف جهة حنين قال دقيتو على هجير تطمنونها
نورة: سمعته اقطعت كلام رنا قالت بكل ثقه دقيت الف مرة على جوالها ماترد قلت لجولين تعلمها بس فاجاتني انها تقولي جولين انها قالت لها وان هجير سكرت منها ودقت تطلب تكلم هشام وهشام كلمها
طلال: عصب وبغى يجلس بكل عصيته بس حنين مسكته
حنين: تناظر بأمها بعتب ليه تألم وتجرح أخوها وهو توه صاحي من العمليه وتعبان حيل ومايصلح له أي عصبية الدكتور محذرهم
طلال: وايش تبغى بالعفن زوجك
نورة: اهي عفنه وماتستحي تكلمه وتخون زوجها مو هو المفروض انها تدق عليك جوالك مافيه ولا مكالمة منها ليه ماهتمت ليه ماسالت وانا قبل ماطلع معطيتها رقمك الثاني
طلال: ورقمي الاول وينه
نورة: بكل ثقه وحبكه لخطتها ماقالت لك حنين اننا انشغلنا يوم عمليتك وانسرق بس جبت لك جوالك الثاني وماقصرت عطيت جولين تعطيه الزفته زوجتك بس الظاهر بنات الفقر ماعندهن شيمه ولا اخلاص لرجالهم اول مايطيح واحد تخيط خيوطها على الثاني زي العنكبوت لان نسبة نجاح عمليتك خمسين بالمية ظنيتك رحت فيها راحت تخطط لهشام
طلال: كأن أمه تطعنه بسكاكين وكان يمسك مفرشه بكل قوته
رنا: بكل نعومه خلونا من هالسيره أهم شي طلولي قام بالسلامه ويومين وهو فاك الشاش ويشوف الي حوله
طلال: بعصبية مابغى أشوف احد اطلعوا وخلوني لحالي مابغى اسمع أي كلام لأحد
حنين: ناظرت بأمها بعتب وطلعت
نورة: تخفي ابتسامة خبث وانتصار الشر على الحق تخاف حنين تلاحظ وتعلم اخوها وطلعت معاها
رنا: حاسه الدنيا مو واسعتها من الفرح
حنين: عجبك ماما كذا نكدتي عليه فرحته
نورة : وهي تمشي مايهم لازم يعرف انه تزوج وحب وحدة حقيره وخاينه
حنين: بس ماتوقع هجير تخونه ابدا
نورة: يعني انا اكذب
حنين: لاحاشاك ماما ماتكذبي بس انا اعرف هجير واعرف أخلاقها ومتأكدة عشقها لطلال ومستحيل تخونه
نورة: لاحبيتي خانته وراح تثبت لكم الأيام إن أمكم فراستها ماتروح كذا وإنكم حطيتو ثقتكم بوحدة ماتستاهل
