💕أنت قلبي٢💕

الحلقة ١٦(حلقة استثنائيه)

#انت_قلبي٢
#بوسي_مصطفى

_____الحلقة ١٦_____

في فيلا اسر
اسر : و جه امتى؟؟
سهر : الصبح.
اسر : هشام مقاليش يعني؟؟!
سهر : لا ما هو اصل هشام ميعرفش.
سهر : ازاي يعني ميعرفش مش فاهم
سهر : هو مقالش لحد إنه جاي
أمل اتفاجئت بيه وهو واقف مع اخواته وبيسلموا على بعض
اسر : انا مش فاهم حاجه
سهر : ولا انا
ومعرفش ليه ساب دراسته ونزل مصر؟؟
على العموم هو حر المشكلة بقى في هشام يتخانق معاه
م انت عارف هشام مبيحبش الغلط
ومن وجهة نظره ان اللي عمله هشام دا غلط.
اسر : ايه رأيك في الموضوع اللي كنت كلمتك فيه قبل كده
سهر :"قصدك يعني موضوع ارتباط هشام ب مليكه؟؟
اسر : انا بقول نفاتحها في الموضوع ونسمع رأيها.
سهر : بصراحه يا اسر انا شايفه ان مليكه لسه صغيرة
وحوار الارتباط دا دلوقت عاملي قلق
انا عايزاها تركز في دراستها الأول وتثبت نفسها كده
وبعد م تتخرج تشتغل
يعني من الاخر كده تبني نفسها وشخصيتها الأول علشان الاختيار يبقى صح.
اسر : في حاجه قلقاكي من ناحية هشام.
سهر : بصراحه بحسه انه مندفع ومتهور شويه
لسه دماغه منضجتش كفاية
علشان يتحمل المسؤلية
وانا مش هجوز بنتي غير وانا واثقه ومتأكدة ان اللي
هترتبط بيه دا
إنسان هيقدر يسعدها ويبقى في ضهرها وفوق كل دا
يكون حنين اوي عليها.
اسر ببتسامة : بتبصيلي ليه
سهر : هههههههه هو غلط اني أملي عيوني منك
يا حبيبي
اسر : طب اقولك ايه دلوقت
سهر : تقول نامي يا سهر علشان هتصحي الصبح بدري.
اسر : هههههههه اشمعنه.
سهر : قررت اني اعمل دايت من بكره وهروح النادي ألعب رياضة مع العيال.
اسر :"هههههههه ايه القرارات المفاجأة دي
وبعدين دايت ليه يا سهر
انتي جميله كده بلاش دايت علشان خاطري.
سهر : تخنت يا اسر
اسر : هههههههه لا مش معقوله تخنتي ايه بس يا حبيبتي
م انتي زي م انتي اهو
سهر : لا بقولك ايه متضحكش عليه
انا عارفه نفسي كويس اوي
وبعدين عيونك هي اللي جميله علشان كده شايفه الحلو
بس
اسر : كلك على بعضك حلو يا سهر
سهر : دا غزل دا ولا ايه
ههههههههههههه
اسر : لا دا روح اتعلقت بروح تانية
عارفه انا اكتر راجل في العالم الناس ممكن تحسده
علشان معاه زوجة زيك
سهر : بتبالغ يا اسر
علشان انا تعبتك كتير اوي
فاكر لما كنت بتقعد سهران جنبي لما كنت بتعب
فاكر لما اتحملتني وانا منهاره وبكسر كل حاجه عيني
توقع عليها
حضنك كان هو العلاج اللي بيداويني
ياما اتحمل ضرب مني كتير اوي هههههههه
وبتمسح دموعها.
اسر : ادتيني كتير اوي يا سهر
انا اخدت أضعاف دا كله
حب وإخلاص ورعاية لولادي
وإحترام ليه ومحافظه على بيتي .
سهر وحدفت نفسها في حضنه.
اسر بتنهيده قوية تنفس ب ارتياح وببتسامة : بقول نقفل النور ونام بقى.
سهر : خليك انا هقفله
قفلت النور ورجعت احتضنته مرة تانية لحد م غمضت عينها ونامت
شغل اسر نور الابجوره اللي جنب سهر ونظر ليها وهو بيملي عينه من ملامح وجهها وبلمسه رقيقه من يديه يمررها
على وجهها
ثم طبع قبله على جبينها
اسر : تصبحي على خير يا روحي أنا.
_____________