#ماضي_لا_ينتهي
#بوسي_مصطفي
____الحلقة ١٢____
في شقة سعيد(والد ندى)
فريدة : هي ندى هتتأخر ياست نبيله
نبيله : زمانها جايه
فريدة :"طب هي فين
عند الدكتور؟؟
نبيله ب ارتباك : زمانها جايه عقبال م تشربي الشاي كانت جات
فريدة : هي معهاش تليفون ولا ايه
نبيله : لا معاها بس نسيته هنا
فريدة : طيب انا همشي لما تيجي ابقى قوليلها اني جيت علشان اشوفها
ندى بتفتح باب الشقة وتدخل
تنظر ل فريدة : سلام عليكم
يرددوا : وعليكم السلام
فريدة : ازيك ياندي اتأخرتي ليه
ندى : الحمد لله..
فريدة : كنتي فين ياندي
نبيله تغمزلها
فريدة تنظر لنبيله وتاخد بالها
نبيله ب ارتباك : كانت عند واحده صاحبتها مش كده ياندي
ندى : عادي ياماما وفيها ايه يعني لما اقول اني كنت نازله ادور ع شغل
فريدة : شغل..!
شغل ايه ياندي؟؟
انتي مش هتعقلي بقى وترجعي بيتك
ندى : ارجع بيتي لمين ياطنط
فريدة : اخس عليكي بقيت طنط كمان
ترجعي بيتك علشان ولادك ملكيش دعوة خالص ب مازن
نبيله : ازاي لامؤاخذه ملهاش دعوة بيه
معلش ياست فريدة بس الكلام دا ميدخلش العقل
هو دا مش مفروض جوزها برضو ولا ايه
ولما يبقى بيعاملها بالشكل دا مفروض منها تيجي على كرامتها وتفضل قاعدة في بيته
فريدة : كنت فاكراكي هتعقليها وتقوللها ترجع بيتها
الست بتزعل اه مع جوزها بس متسبش بيتها ياست نبيله
ولما النفوس تهدأ هو هيجي يصالحها.. لكن خروجها من بيتها دا أكبر غلط وهيزود المشكلة اكتر
ندى : طنط فريدة المشكلة عند مازن مش عندي
هو مبقاش متقبل فكرة وجودي في حياته بعد الكلام اللي الأستاذة سحر ملات دماغه بيه
فريدة : خرجي سحر من الموضوع يا ندى
لو مازن بيرمي ودانه ل اي كلام
اظن مكانش اتجوزك
ندى : كانت غلطة ياريت يصلحها بقى
فريدة : كلامك بيقول إنك مش ناويه
تكملي ياندي
ندى : اكمل مع مين ياطنط
طب روحي اسألي ابنك كده
هو عايزني ولا لأ
فريدة : مازن زعلان من حاجه ابني وانا عارفاه هو لما يهدي صدقيني هيصالحك
ندى : وانا سيباه لما يهدأ ياطنط
مش ههرب ولا هروح اي مكان
هيجي يلاقيني هنا
فريدة : ماهو خروجك من البيت هيكبر المشكلة اكتر
ندى : طنط انا آسفه بس انا مش قادرة اقعد مع ابنك في بيت واحد وهو بيعاملني بالشكل دا
انا بني آدمه واكيد بحس يعني
فريدة : طيب ياندي براحتك
توصل ندى لعند باب الشقة
فريدة تمسك ايد ندى وفي ايدها فلوس
ندى : ايه دا؟؟!
فريدة : انا عارفه إني مينفعش انا اللي اعمل دا
بس معلش قدري الظروف
ندى : قولي
لمازن كتر خيرك انا مش عايزة حاجه
فريدة : ندى انا عارفه إن الموضوع دا محرج قد ايه بس معلش خدي من ايدي ومتكسفنيش
ندى : انا اللي آسفه مش هقدر
وعلشان خاطري كفايه بقى كرامتي... مش قادرة
فريدة : كرامة ايه دا حقك يابنتي
ندى : اخده بالطريقة دي
فريدة : مش عارفه اقولك ايه
انتي معاكي حق اكيد
ندى : بوسيلي الولاد... وحشوني اوي
فريدة : طب م تيجي معايا
ندى : مش قادرة... ارجع ازاي مش هينفع
فريدة : طيب براحتك... سلام
ندى : مع السلامة
وقفلت ندى باب الشقة
نبيله : تعالي استريحي ياندي
قوليلي عملتي ايه
ندى : ولا اي حاجه
نبيله : معقوله مقبلتيش
ندى : صاحب الشركة بصلي كده وقالي هنشوف ونبقى نكلمك
اللي هو بيوزعني يعني
نبيله : وعليكي بكل دا ايه بس يابنتي
ندى : رجوع ياماما مش راجعه
نبيله : وابوكي هتعملي معاه ايه
جرس الباب يرن
ندى : ادخلي استريحي جوه انا اللي هفتح
تدخل ندى جوه.. تسمع مامتها بتنادي عليها
ندى : في ايه ياماما
رامي : ازيك ياندي
ندى : رامي!
______________
أنت تقرأ
ماضي لا ينتهي
Genç Kız Edebiyatı_______المقدمة ________ سرعان ما تمر الأيام وتمضي السنين. القصة تتحدث عن خمس أبطال لقصص قديمة دمجتهم مع بعض نبذة مختصرة عن ماضي كل قصة معانا :_ 💓ندى ومازن ندى من أسرة بسيطه احبها شقيق مازن الدكتور يوسف ولكن بعد معرفته بحب أخيه البشمهندس مازن ب...
