#ماضي_لا_ينتهي
#بوسي_مصطفي
_____الحلقة ١٣_______
في منزل والد هيثم
حنان : وهي بقى اللى ملأت دماغك بالكلام ده؟؟
هيثم : ياماما محدش ملا دماغي بحاجه
انا شايف ان وجودها هنا شيء
غريب بجد
بس ساكت علشان دا مش بيتي لوحدي
ومينفعش وحضرتك موجوده اقول مين يقعد ومين يمشي
لكن هتعملي مشاكل في بيتي
يبقى ميلزمنيش البيت خالص
واللي عايز يقعد هنا يقعد براحته
وانا من حقي اخد مراتي وولادي ونشوفلنا مكان تاني نعيش فيه
حنان : انت بتهددني ياهيثم
هيثم : مش تهديد ياماما بس بجد وجودها هنا هيوصلني للقرار دا
ما هو انا مينفعش اطلع اقولها ايه اللي مقعدك هنا ولا ينفع كمان اطردها من البيت انا عامل على الصله اللي بينا وبينها وهي ابن اخويه
لكن غير كده مفيش حاجه تربطنا بيها.
حنان : يعني اقولها روحي شقتك تروح واخده الواد معاها
هيثم : حقها ياماما دا ابنها
ومن حقنا إننا نشوفه وملهاش حق تمنعه عننا
لكن إننا نقعدها هنا وحضرتك عارفه ان الموضوع له أبعاد تانية
هي اولا متجوزه يعني مبقتش ارملة اخويه
تاني حاجه اني غلطت واتجوزتها ودي جرحت رانيا ومعاها حق فيها
لاني لما اتجوزت ميار محصلش اللي حضرتك كنتي عايزاه
هي عملت اللي عملته ومش عايز افتكر اللي حصل وقتها لكن في النهاية طلقتها وراحت اتجوزت
يبقى مينفعش بعد كل اللي حصل دا تيجي تقعد هنا بحجة ابنها
ازاي احافظ على مشاعر مراتي وميار موجوده معانا هنا
ازاي تعيش هنا وهي متجوزه ولو جوزها عرف كمان هتحصل مشاكل كتير
ياريت حضرتك تفكري في الكلام اللي قولته
ولو شايفه إن في مصلحة من وجودها هنا معانا في البيت
يبقى انا اخد بعضي وأخرج بولادي ومراتى منعا للمشاكل وحفاظا على بيتي
حنان : طيب اقعد بس رايح فين
هيثم : طالع انام.. تصبحي على خير
حنان : وانت من اهل الخير ياابني
استنى طلع الاكل دا معاك ل رانيا والولاد وعلشانك كمان تلاقيك م اكلتش حاجه من الصبح
هيثم : لا انا أكلت بره ورانيا والولاد زمانهم ناموا دلوقت.
هيثم طالع على السلم.. ميار بتفتح باب الشقة
ميار : مساء الخير يا بشمهندس
هيثم نظر لفوق
ميار : ايه قلقان تكون رانيا فوق وتشوفنا مع بعض
هيثم : نعم!
حاسبي على كلامك وخدي بالك من اللي بتقوليه... ايه تشوفنا مع بعض دي؟؟
ميار : خلاص متزعلش.. تشوفنا واقفين مع بعض.. حلو كده
هيثم : لا مش حلو... وبعد اذنك علشان طالع استريح.
ميار : رانيا عملت معايا مشكلة النهارده علشان تطبخ الاكل
وازاي بقى هي متعملش الاكل مع ان مامتك هي
يقاطعها هيثم : وانا مش ناقص وجع دماغ
عايزه تطبخي انتي اطبخي
لا انا ولا ولادي هننزل ناكل تحت
ميار : ياااه كل دا ليه يعني؟؟.. علشان انا اللي هعمل الاكل
خلاص مش عامله حاجه وهقعد في شقتي واقعدوا انتوا في بيتكم براحتكم
هيثم : شقتك!
هي فين شقتك دي ولا هتاخدي حق الشقة مرتين
انتي اخدتي نصيبك خلاص والشقة بقيت ل ابنك
يعني قانونا انتي مش قاعدة في ملكك اما من ناحية الشرع ف انتي ملكيش حق تقعدي هنا ولو اتكلمنا من ناحية حتى الأصول
فوجودك هنا ميصحش.. تحبي اقولك ايه كمان
ميار : خلاص خلاص انا من الصبح هاخد بعضي وامشي من هنا بس كمان من حقي اخد ابني معايا والقانون بيقول ان أكرم يعيش مع ماما
هيثم : مفيش مانع خديه معاكي واحنا كمان لينا حق فيه لانه ابننا
ومش من حقك تمنعيه عننا
ميار : لا بقى طالما المعاملة هتبقى بالشكل دا يبقى ملكوش حاجه عندي
دا ابني وزي م اطردت من البيت هنا من حقي امنع ابني إنه يشوف ناس بتكره مامته
هيثم : احنا مبنكرهش حد
كون إن مش من حقك تعيشي هنا دا كمان ميدكيش الحق تمنعي الولد عنا
مش لوي دراع هو
ولو الذوق منفعش في قانون ومحامين ومحاكم الدنيا سايبه زي م حضرتك فاهمه.. تصبحي على خير
ميار تخبط باب الشقة بكل وقتها قبل م هيثم يطلع شقته
رانيا بتفتح باب الشقة وهو لسه كان هيفتح الباب بالمفتاح
هيثم : رانيا!
رانيا : ايه شوفت عفريت
هيثم : ليه بتقولي كده
رانيا تركته ودخلت جوه
هيثم بتنهيده : هي دي مقابله تقابليني بيها
رانيا : اسمع بقى علشان انا جيبت أخرى خلاص
هيثم مسك ايدها اللي كانت بتحركها وهي بتتكلم : طب ممكن تهدي
رانيا بتبكي : انا تعبت خلاص
هيثم : طب خلاص اهدي.. حقك عليه
رانيا : من الصبح هرجع شقة بابا ياهيثم
هيثم : ليه يارانيا ايه السبب
هو انتي هنا معندكيش شقة تقعدي فيها
مالك بقى بباقي البيت
رانيا : مش هقعد انا واللي تحت دي في بيت واحد
هيثم : ومين قالك إنها هتقعد هنا
رانيا : يعني ايه
هيثم : يعني من الصبح هتاخد بعضها وتمشي من هنا
رانيا : واللي عملته مامتك النهارده دا تسميه ايه
هيثم :"خلاص يارانيا اقعدي في شقتك ومتنزليش تحت وملكيش دعوة خالص بحد
رانيا : كرامتي وجعتني اوي النهارده
هيثم : خلاص ياحبيبتي حقك عليه
رانيا : مامتك معاملتها ليه تغيرت خالص ياهثيم
هيثم : معلش م انا بقولك اقعدي في شقتك ومتنزليش
رانيا : ومامتك هتقدر تخدم نفسها
هيثم : ياستي ملكيش دعوة انا هجيب واحده بنت حلال تعمل كل حاجه ملكيش فيه يعني
رانيا : يعني ايه تجيب واحده بنت حلال دي.. بترمي كلام صح؟
هيثم : انا اسف مقصدش حاجه بس انا عايز ابعد عن المشاكل خالص واريح دماغي
وطالما نزولك تحت بقى عامل مشاكل خلاص نحل الموضوع وكل واحد يلزم مكانه
رانيا : حتى وانت بتحاول تراضيني لازم توجعني بكلامك دا
هيثم : كلامي مفيهوش حاجه تزعل يارانيا
انتي بتقولي ماما معاملتها معاكي تغيرت وانا بحاول اريحك وقولت هشوف واحده تنضف البيت وتساعد ماما وانتي يابنت الناس اقعدي في شقتك
رانيا : خلاص براحتك
هيثم بتنهيده قويه : هدخل انام علشان خلاص مش قادر
تصبحي على خير
___________
أنت تقرأ
ماضي لا ينتهي
أدب نسائي_______المقدمة ________ سرعان ما تمر الأيام وتمضي السنين. القصة تتحدث عن خمس أبطال لقصص قديمة دمجتهم مع بعض نبذة مختصرة عن ماضي كل قصة معانا :_ 💓ندى ومازن ندى من أسرة بسيطه احبها شقيق مازن الدكتور يوسف ولكن بعد معرفته بحب أخيه البشمهندس مازن ب...
