ماضي لا ينتهي

الحلقة ١٤

#ماضي_لا_ينتهي
#بوسي_مصطفي

____الحلقة ١٤_____

في منزل ابراهيم (والد يسرا)
يسرا : لا عندها الليلة
عاليه : مش فرحان بقى بالحمل لازم يفضل عندها
يسرا : هو دا اللي غيظني ياماما
عاليه : اعملي زيها
يسرا : اعمل زيها !!
هو انا قادرة على حنين لما هجيب عيل تاني ياماما
عاليه : يااختي جيبي وانا هربيه ملكيش دعوة
شوفتي هي بتفكر ازاي
اول م ردك راحت فكرت في الحمل
امال ايه.. علشان تربطه بيها اكتر
يسرا : يعني كان جوزي انا قبل م تدخل حياتنا تقوم
تبقى اهم مني دلوقت
انا بنت خاله يعني أقرب ليه منها
عاليه : وعمتك طبعا هايصه وفرحانه دلوقت
يسرا : اكيد طبعا مش ابنها هجيب عيال لازم تفرح
كلهم شمتانين فيه اصلا
والست أميرة هناك عند امها
عاليه : يااااه أميرة!!
عارفه مشوفتهاش من امتى؟؟
يسرا : وهتشوفيها ليه ياماما
بلاش احسن
بس بنت الايه حلويت اوي عن زمان..
بستغرب دي ازاي عايشه مع اخته الصغيرة دي
وعمري م سمعت من عمتي انها بتشتكي مثلا منها
بالعكس بيقولوا بتحبها اوي
والبنت دي مرتبطه بيها كمان
عاليه : سيبك من كل دا
اسمعي اللي بقولك عليه
اعملي زي ضرتك ومتاخديش حاجه
علشان تحملي يابنتي
يسرا : انا مبقتش عارفه انا عايزة ايه
ولا فرحانه اصلا إن فادي رجعني
مفيش اختلاف بين قبل وبعد
بالعكس لما رجعني اعصابي تعبت اكتر
لاني بقيت اعرف اخبارهم اكتر من الأول
عاليه : حاسه بيكي يابنتي
يسرا : انا كنت متهوره اه وكنت اوقات بستهبل وحاطه في دماغي انه بيحبني واستحاله يفكر انه يتجوز عليه
بس اللي حصل دا فاجئني بيه
وعرفني اني مش لازم اثق في حد اوي
علشان متوجعش كده.
عاليه : طيب اهدي واشربي شوية مياة
الندم ع اللي فات معدش يجيب نتيجة يابنتي
فكري في اللي جاي وازاي تحافظي على بيتك
يسرا : فادي مبقاش يحبني ياماما خلاص
ومهما اعمل مبقاش يعجبه علشان مش انا اللي في قلبه
بقى مشغول بناس تانية غيري انا وبنته
وانا بقيت غبيه اوي مع حنين
بسببه.. تعبانه اوي
عاليه : يابنتي بطلي عياط
بقى... قلبي بيوجعني لما بشوفك كده.
______________

في شقة فادي
ماجده : هي لعبه يافادي شويه ترميها وتكسرها وبعد كده تلزقها
انت رجعتها يبقى خلاص
مش كل شويه بقى لا هطلق لا ارجعها
لا مبقاش ينفع اعيش معاها !!
فادي : غريبه افتكرتك هتفرحي
ماجده : افرح على ايه
انت فاكرني يعني إني هبقي مبسوطه لما تظلمها
ما هو الظلم دا هيتردلك ووقتها مش هينفع افرح
ياابو فارس.
فادي : مش فاهمك ولا فاهم دماغك ياماجده
ماجده : حنين صعبانه عليه اوي
واللي عندها دا اكيد له سبب
ياريت تحاول تحتويها وتاخدها في حضنك
فادي : هي مين؟؟ يسرا !
ماجده : دي  حاجه تخصكم انتم انا مليش فيه
انا بتكلم عن بنتك
فادي : الوضع في البيت هناك توتر وتعب أعصاب
ويسرا مش مستريحه
من الاخر كده عايزانى ابقى ليها هي وبس
ومش عاجبها اي حاجه بعملها
لانها طبعا عارفه ان تفكيري وحياتي مبقاش ليها لوحدها
وبتطلع غلبها بقى ع البنت
ماجده : طب وبعدين
فادي : معرفش...
انا افتكرت انها هتبقى كويسه بعد م رجعنا لبعض لكن العكس اللي حصل
ماجده : طب ليه انت مبتحاولش تبقى كويس معاها
ما هي مراتك برضو وليها حق عليك
فادي : مين قالك اني مش كويس معاها
انا بعاملها كويس وكل حاجه
بس بقولك هي في دماغها اني مبقتش ليها وبقي ليه حياة تانية وأسرة تانية فهمتي؟؟
ماجده : يعني الحل انك تطلقني؟؟
فادي : لا طبعاً
ماجده : امال ايه الحل
فادي : معرفش... سبيني انام دلوقت واريح دماغي من التفكير شويه علشان تعبت..
تصبحي على خير
ماجده : وانت من اهل الخير
___________