قصة ..... ❤ كان حلم ❤
الفصل الثاني
تحركت بصعوبة التقطت هاتفها ..
نظرت إلى اسم المتصل فى صدمة جلية وداخلها يؤكد ..
لن تمر الأمور بسلام .. نهايتها قريبا
تلعثمت : ده .. ده .. دى ريم صاحبتى
وقف فجأة والتقط هاتفها ونظر على شاشته ليفوجىء برقم غير مسجل ، نظر لها بعصبية : ده رقم مش متسجل وبتكدبى عليا وتقوليلى صاحبتك ؟!
وقفت سما بينهم لتهدئته : سليم اهدى بس واسمعها
نظرة من عينيه اخرصتها ..
فتح الهاتف وتملى الرقم على هاتفه وانتظر الرد
جاءه صوت شاب : الو .. مين معايا ؟
سليم بعصبية : انت إللى مين يا حيوان ؟!
اخيرا تمكنت الجرأة منها ، نزعت هاتفه واغلقت المكالمة
اهتز جسدها وهى تبرر موقفها : سليم اسمعنى .. ده رامى أخو ريم صاحبتى ، ريم أوقات كتير مش بيبقى معاها رصيد فبتتصل من عنده
أضافت بدموع : والله يا سليم دى الحقيقة ، وارجوك كفاية بقى ، هتخسرنى كل إللى حواليا
لوى ذراعها خلف ظهرها وهو يتوعد : أقسم بالله لو عرفت ان مش دى الحقيقة لادفنك ومش هاخد فيكى يوم
هبطت دموعها وهى تؤكد : والله دى الحقيقة
تدخلت سما وهى تسلك فرح من بين يد سليم : سليم سيبها بقى ، ايديها هتنكسر ف ايدك
نزع يدها بعنف
احتضنتها سما قائلة : حبيبتى ادخلى اغسلى وشك وتعالى كملى اكلك
هرولت من امامه خوفا من نظرات عينيه ..
تكلمت سما بهدوء : سليم .. مينفعش تعامل فرح كدة
سليم بعصبية : قلتلك مليون مرة متدخليش ف إللى ملكيش فيه
سما بهدوء : حبيبى اسمعنى .. كدة هتكرهك ، انت كدة بتضيعها مش بتحافظ عليها
سليم وهو ينظر بعيدا : انا بعد الايام إللى اخلص منها وتتجوز بقى
سما : وهترتاح لما تتجوز ؟!
سليم : أيوة هرتاح .. ع الاقل هتبقى ف عصمة راجل ، مش هتبقى مسئولة منى
سما : انت فاهم مسئولية البنات غلط يا سليم
نظر لها بحدة : كفاية انتى فاهمة .. وربنا هيستجبلى ان شاء الله وهيطلع ولد إللى ف بطنك مش بنت
سما بحزن : كل إللى بيجيبه ربنا كويس يا سليم
سليم وهو يرفع سبابته : صدقينى لو جت بنت هتتمنى الموت ومش هتطوله
قال كلمته وذهب ..
قال كلمته وتركها مصدومة مما تفوه
مشيت على استحياء وهى تتساءل بتوتر : مشى يا سما ؟
التفتت اليها بضحكة مصتنعة : اه يا حبيبتى مشى .. يلا اقعدى كلى
فرح : خلاص شبعت
سما وهى تربط على كتفها : حبيبتى لازم تعرفى انى واثقة فيكى وف اخلاقك واعرفى ان مهما حصل هفضل جنبك وسندك .. وعارفة ان لو فيه اى حاجة هتيجى تحكيلى
فرح بدموع : كان نفسى اسمع الكلمتين دول من سليم يا سما
سما بإبتسامة : احنا استرونج وهنقول الكلام ده لنفسنا عادى
فرح بابتسامة : ربنا يخليكى ليا يا سما ، انا لازم امشى دلوقتي عشان عندى محاضرة الساعة 10 ويادوب ألحقها
سما : معاكى فلوس ؟!
فرح : قوليها بطريقة تانية يا سما
قوليلى .. خدتى الفلوس إللى اخوكى رمهالك ؟!.. عموما اه خدتها ، سلام
تحركت من امامها وكأن طفلها سمع الحوار فنغز نغزة خفيفة فى بطن وكأنه يريد الخروج حالا ليثآر من ابيه المتحجر
ضحكت ضحكة خفيفة على حركة طفلها فتحركت يدها بتلقائية على بطنها وهى تؤكد له : إن شاء الله تبقى بنوتة وانتى إللى تغيرى بابا وتفكيره
........................
القبة يا نجيبة .. العريس يا نجيبة .. ركزى فى القبة .. العرييييس
وقفت امام قبة القاهرة وهى تتذكر ذاك المشهد الكوميدى الذى شاهدته يوما مع والديها
ابتسمت أكثر حين تذكرت سؤالها لوالديها حينئذ : يعنى القبة ولا العريس
كان رد والديها فى آن واحد : العريس طبعا
تجهم وجهها عند ذكر تلك الكلمة (العريس) .. ذكرتها بكلام أخيها الصباحى
* انا بعد الايام إللى اخلص منها وتتجوز بقى
* أيوة هرتاح .. ع الاقل هتبقى ف عصمة راجل ، مش هتبقى ملزومة منى
قطع شرودها صوت صديقتها المميز : انتى لسه هنا ، المحاضرة هتبدأ والدكتور مش هيدخلنا
فرح بحزن : يلا بينا
.........................
بعد ساعة و نصف خرجا من المحاضرة
ريم : الدكتور ده عشان عارف ان محدش بيطيقه ، فبياخد الحضور عشان يلزمنا نحضر ..
فرح بتهكم : مهو لو ما الزمكيش هتقضيها كافيتيريات زى غيرها
ريم : انتى إللى خايبة .. لازم تحضرى كل المحاضرات ولازم تيجى على المحاضرة بالظبط ، وتروحى بالظبط ، ده احنا مبنلحقش نقعد سوا
فرح بحزن : مش عايزة مشاكل مع سليم يا ريم .. ده انهاردة لما كلمتينى من فون اخوكى مكنش مصدق أنه انتى وكان هيضربنى واتصل ع رامى و..
ريم مقاطعة : هو سليم اخوكى إللى كلم رامى الصبح ؟!..
فرح : معلش يا ريم اعتذرى لرامى بالنيابة عنى ، و يسجل الرقم عشان لما يحصل موقف زى ده ميردش لو انتى مش جنبه
ريم بتأفف : حاضر يا ستى ، اى أوامر تانية ؟!
فرح : معلش يا ريم استحملينى .. صاحبتك بقى
ريم : ده رامى اتنرفز اوى وحاول يتصل تانى بالرقم بس كان مغلق
فرح : اسفة سامحوني
ريم : هسامحك بس بشرط
فرح : شرط ايه ؟!
ريم : نقعد سوا انهاردة لحد آخر النهار
فرح : ......
#يتبع
تفتكروا فرح هتوافق ؟
يلا ..
10 فوت والحلقة الجديدة تنزل ❤❤
ومتنساش تعملوا فولو ليا عشان كل جديد يوصلكم ♥️✨
تفاعلكم بيفرحنى ... فرحونى ❤❤
#S_A_G ❤
