لبس تشندا(كيطمة) بينات لعضلات ديالو او تم ماشي هوا وياها حتا لقدام دارها باش تبدل او تهز لي خاصها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#ميار# بدلت شويا شدني وجع خفيف فكرشي عرفت هديك قربات تجيني حليت لمجر ولكين ملقيتش لفوطة صحية خاصني ضروري نشريها ليوم حيت غدا مغنسليش ولكن صقر تفو على بلان خرجة او بقينا غادين حتى وصلنا لكاغفوغ بدينا كنضورو هوا هز شي مناضة اما انا هزيت عندي اندومي او شبس بقينا غادين هزيت واحد لبكية حطيتها فشبكتي او بقيت تابعاه مشا لجيهة لحوت او انا بعت عليه شوي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
صقر : مالك مبعدة شكون حسن هاد نوع ولا لاخر ميار : تا واحد مزوين صقر : فايتليك كليتيهوم ميار : لا صقر : او كدوي ايوا باز ميار : وراه مكنحملش لحوت كيجيني كاملو خايب صقر : او مخلياني كنتشاور معاك ميار : مفيها باس عندي تاخد لمعلومات مني او تستافد صقر :😒 شكرا ستافدت او بزاف ميار : لعفو ههه صدق مخدا والو من دكشي مشا لواحد جيها فيها لgارو او شراب خدا واحد لبكيا ميار : خصك تبعد من لgارو راه ممزيانش ليك صقر : ان شاء الله ميار : (شافت تمانو)😱😱😱 مالك على حالتك 200 لبكية وحدة شري غا كازا و لا مربورو راه نفس لحاجة صقر : امنخافش عليك حافضة سمياتهم مزيان ، حتى مذاقهم عارفاه ميار :(عرفات راصها اتقول شي حاجة كتر) لا غبر كنسمع بيهوم بقاو زايدين شوي حتى بانو ليها شي قراعي تاع شراب او نسات راصها ميار : باقية هاد لماركة كتباع يسحابلي سلاة صقر : هيا ناخدليك شي قرعة ميار : لا مداقها مكيعجبنيش حسن منها تاع لكنيطة صقر : اهاه زيدي فاجئيني حتى هوا غا عودو ليك على مداقو ياك ميار : (يلاه عاقت براسها اش قالت) لا .... هو.....دبا... صقر : غا دوي راه خبارك نجيبو نجيبو ميار : وراه هدشي مشحال هدي اما دبت عفا عليا الله صقر : خلي حتى نخرجو او تعاودي ليا شي نهار تصدميني او تقوليليا صنعتي شي نوع دشراب مشينا باش نخلصو صبقتو هوا لول او مخليتوش اخلص عليا خلص دكشي لي شرا او حتى انا معا بغيت نتحرك نتبعو جيت صبقني بشوي سمعت لموضفة كتعيط لموظفة : انسة راك نسيتي هادي ميار :(ضرت انا وصقر لقيتها هازة ديك لبكية او جيا عندي تفو علا زهر مكوز تاع بصح خديتها منها او درتها فلميكة) شكرا ختي صقر :(باغي اشد فيها) دكشي علاش مخلتنيش نخلص ميار : مخليتكش تخرا يلاه واش انباتو هنا كنا غادين فطريق حتى زغبني ربي او هضرت على واحد دري هاز لgارو بلعوجية ميار : شوف داك دري مشادش لgارو مزيان دابا يحرقو من يدو صقر :(وقف فاش سمع هضرتهت) او كفاش خصويهزو ميار : خصو يحط يديه قريب لفمو باش يتحكم مزيان صقر : تبرك الله على لباطرونة سيري عندو او وريه ميار : وراه نسيت راسي صقر : باقة كتكمي ميار : لا قطعتو هادي 5 سنين صقر : شحال ونتي كتكمي ميار : شي 4 سنين او نص صقر : وعلاش كنتي كتكمي ميار : فاش تزوجات لوليدة لمرا تالتة ولي هوا براهيم كانت فعمري 14 رعام او فاش كان كيسكر كان كيبزز عليا نكمي دازت واحد عماين حتى ولفتو صقر : او شراب هوا ميار : كان كيجيب صحابو باش اسكرو او لي خسر كيخصني نشرب فبلاصتو مي شراب كان غا مرا مرا ولgارو حتى نتاقلت من دار او قطعتو صقر : او فخبار دراري بهدشي ميار : نو واخة كتشوفنا صحاب من مشحال هدي شي حوايج مكنبغيش نقولهم حيت مكيعجبنيش لوتحد اشوف فيا شوفة تاع شفقة وخا من غير قصد صقر : او انا مكتخفيش نشوف فيك ديك شوفة قربات ليه حتى تلاقاو عنيهم او هضرات ميار : حتى فاش عرفتي لماضي ديالي gاع متغيرات شوفتك ليا على قبل يمكن فعنيك نضرة ليا كتخليني انا براسي عاجزة على فهمها ولكين عارفة بلي ماشي شفقة #صقر# من بعد هضرتها مكرهتش نقول ليها انو ديك نضرة انا براسي معرفهاش تعاش ميار : ونتى امتى بديتي كتكمي وعلاش صقر : فاش كنت عندي 15 رعام كنت فبلاد لغربة بوحدي حتى ايلا غلط مكاين لي ينصحني كان خاصني نتحمل مسؤوليتي او نهزي راصي براصي كنت كنطيح او نوض حتى قديت نمشي بلا منطيح كميت شربت ضربت سرقة او تقاتلة باش ندير بلاصتي حتى لقيت انو هدشي مغيديني فين كانت حاجة وحدة لي درت مزيانة انو متخليتش على قرايتي رغم انو بعت على شحوايج خيبين مي باقي لgارو او شراب مرا مرا ايلا كعيت ميار : وقلتي لمفيوزيين شي مدرتوه ههههه(كانت باغا تلف لموضوع) عنقها من لور او خشى راصو فعنقها خلى انفاسو تضرب بشرتها او تخلق قشعريرة فكامل انحاء جسمها ضارت عندو اوزادت تخشات فيه يمكن هيا كانت محتاجة حضن بحال هدا لي تقدر تحمي راصها فيه فصلو داك لعناق او دخلات ميار #فجيهة خرا# كان لحاج الاسماعيلي معا مرتو او بنتو سميرة وراجلها كيهضرو سميرة : شنو غيوقع ايلا تزوج صقر بميار فعلا لحاجة : نموت او منخليش موسخة بحال هديك تدخل عئيلتي راجل بنتها : باليا بحالا غا كيدوز بيها لوقت لحاج : مضنيتش اعتمان لي كنت خايف منو وقع بحال داك نوع كيكون حافض صواريه سميرة : نتا عارف ابا الا مخداش صقر هناء لاملاك لي عندو فعئيلة الاسماعيلي مغيبقاوش تحت ادينا لحاجة : صقر ماشي هبيل باش ميعيقش بدكشي لاش كنخططو يمشي حتى يتزوجها غيكون نفد شروط لوصية لحاج : خصنا نلقاو كفاش نلويو ليه يديه من بعد ما نبعدوها عليه ، صقر اياخد هناء او ورت لاسماعيلي ايبقا عند الاسماعيلي خرجاة سميرة او رجلها او بقاو دوك جوج فلبيت لحاجة : زعما يكون باغي ينتقم على دكشي لي فات لحاج : دازت 17 رعام او gاع منتاقم اما دبا فراه gاع ميقدر لحاجة : لي مفهمتش هوا علاش كيدير هدشي كامل رغم انو عندو لفلوس gاع ميحتاج لهدشي لحاج : بنسبة ليه كتهمو حاجة وحدا لحاجة : وتش شيحاجة كتعلق بلقيس لحاج : (حرك راصو بئيه) #عند صقر# وصل لدار دوش او تم طالع لدروج لطابق الرابع لي حد مكيمشي ليه من غيرو هوا بقا غادي فلكنوار حتى وقف قدام واحد لبيت فيه لوحات كتار و لكن و حدا لي كانت متميزة بزاف كانت تاع واحد شابة عنيها بحال تاع صقر كان كيشبه ليها من غير لون تاع شعر حيت كان بحال تاع ميار هز واحد لكاس او خوا فيه تلج او لويسكي gلس مقابل معا لوحة فاش مرسومة رغم انو ضلام الى ضو خافت كان مركز عليها بوحدها صقر :(كيهضر بهدوء) فينما كنشوفها كنتفكرك كبرياءها او برئتها ، ابتسامتها او حزنها كاملين كيشبهو فيك ابلقيس هههه كنحس بيها اول وحدة من بعدك قدرات تفهمني بلاما ندوي ، اه اما كون تشوفي دوك لي حرموني منك كيف عيشين بحالا مدارو والو كنتسنا نرجع اما غا دكشي ديالك او انخليهوم يبكيو دم كتر من لي بكيت على فراقك اما (كان صوتو غادي او كيضعاف او كيتخلط بدموع ) صقر اما لي دار من قلبو حجر او حلف ميهبط دمعا خرا مقدرش على فراقك اما مقدرش يصبر بلا بيك اما ناض او حط لكاس او خرج من لبيت او هوا محطم كتر من لول دخل لبيتو او هز تيليفونو بانت ليه تصورتها شعل لgارو او بدا كيكمي مهيا الا شوي حتى بدات كتصوني عليه صقر :(جاوب بصوت باينة فيه لعيا) الو ميار : صقر واش مريض مال صوتك هكاك صقر : لا غاحيت كنت ناعس ميار : متأكد مكتكدبش ياك صقر : واش هانية تا صنيتي ميار : غا بغيت نقوليك بلي منير عرضنا لعشا قليك بغا يقول شي خبر صقر : صاف واخة ميار : شرب دلبران ايلا كان ضارك راسك او طفي داك لgارو لي شعلتي قطعات او هوا مبغاش يطفي لgارو حيت يلاه شعلو قبل ميوصلو لفمو سمع مساج وصلو شاف لقاه من عندها *راه قتليك زعما طفي لgارو او شرب دوا او سير تنعس اولا* بتسم لا اراديا حيت عاقت بيه انو مدارش لي قتليه ، نفد اومرها او مشى ينعس كيما دارت هيا رغم انو عارفاه كدب عليها او حتى لمرض ايكون بسباب شي حاجة قلقاتو نعسات او هيا مشوشة عليه
