·
ياسمين رجعت تخدم عادي ..كل يوم روتين قاتل .. اول ماتكمل تروح وين ساكنة تدخل وتبلع ..وتشد صورة خوهااا فيصل وايمان وتبكي حتى تشبع .. مع انو ماشي الغلطة نتاعهااا ..تتحسر لانها درات الكونفيونس في واحد مايحشمش قتلهااا وهي حية ..
من جهة اخرى نسيم كان يخمم في هدرة ياسمين .. حسها جرحاتو فالصميم .. وبقاا يتفكر كي بنتو كانت مكبشة فيهااا .. وكيفاه تكالمات اول ماحضنتهاااا .. هو جرب زهرو مع بزاف حاضنات وكل خطرة سمرة بنتو كانت تدابز معاهم وطردهم ومرات حتى يصيبهاا تضرب فيهم ..وش رح يخسر يجرب وخلاص .. Manel manoula
كانت ياسمين تخدم .. لامة شعرها لفوق بفولار .. ودايرة شوية كحل وشوية روز خلا الي داخلين كامل يبهتو فيهااا .. كانت من طابلة لاختهااا .كانت عيانة وصاري فيها لباطل اما ماهتمش لمهم تاكل خبزتها بالحلال .. كانت تخدم حتى شافتو وقف فوق راسهاااا .. عينيها توسعو من الصدمة اصلا وجه نسيم من المستحيل اي واحد ينساه .. جات فايتة عليه ماعبراتوش اصلا الكف الي كلاتو خلاها تبعد ليه
نسيم جبدهاا من يدهاا ..راني حاب نحكي معاك
ياسمين كي دارت خبط في صدرو .. هبطت عينيهااا .. مابيناتنا حتى هدرة طلقني خليني نروح حمبوك
نسيم زاد زيرلهاا على يدهااا وهمسلها بلعقل بحذا وذنهاااا .. اذا حابة تكملي هنااا لازمك تسمعي هدرتي والا في دقيقة تصيبي روحك بره ..
ياسمين اول ماهبط نسيم بحذا وذنهااا شمت برفان الي ح ط منو ..حست بدافا صوتو ..
قاعدين مقابلين بعض .. هي تلعب بصباعتيها على الطابلة ..اهيه قولي واش حاب مني بلخف ..
نسيم بقاا يتكيف ويخزر فيهااا من الفوق لتحت .. ممم شوفي كي جيت اخر مرة لهنااا شفتك كي كالميتي ناز .وهاذي اول مرة تصرى .. جبت مربيات بزاف وكامل خرجو ق*** وطردتهم وكي شفتك نتي كي سكتيهم قلت اكيد هي رح تقدر للمهمة هاذي
ياسمين طلعت حاجبها نتاا مريض واقيلا شكون قالك رح نقبل ولا رح نجي لعندك ..
نسيم نسف الدخان مانيش نطلب ..اعتبريه امر فهمتي ..
ياسمين من كثر ماتعجبت من نسيم والاستباد الي هو فيه حتى ضحكت .. وناضت قربت منو وذنو .. راك تحلم نجي عندك ..
نسيم ناض ..كان اطول منهااا وهي توصلو للكتف .. مالا غير قولي باي باي لخدمتك صحااا ..جا فايت ماشي حتى مقيمهاااا .. حتى سمع صوتهاا
ياسمين .. مغضمة عينيهااا .. صحااا قبلت قبلت ..
نسيم تبسم ابتسامة لنصر على وجهو .. وكمل الطريق .. وهي قعدت ودارت يدها على خدهااا تخم في واش جايهااا ..
طول الطريق كانت حاطة راسها على الزجاج .. تخمم في مكتوبها الي جاي ..قلبها معمر بزاف .. متوحشة حياتهاا القديمة متوحشه حتى ياسمين القديمة .. من جهة لخرى نسيم كان يسوق ويرحي فالدخان متررد من الخطة الي درالهاااا ..اما قاغد يقول اذا هاذي المرة فشلت نتزوج وخلاص ..
ياسمين كانت سارحة في عالم اخر حتى سمعت وصلنااا ..تلفتت لقات روحهاا قدامم فيلا .. لالا قصر . نزلت بلعقل تتمشى وهي تشوف في صوالح عمرها لاشفاتهم .. فتحتلهم الخدامة الباب وهو دخل حاط يدييه في جيابو ... دخلو للصالون قعد على الفوتاي وحط رجل على رجل .. Manel manoula
عيط للخدامة ... وقفت قدامو ..روحي عيطي لسمرة وجيبي ناز وجاد واياد ... دار لياسمين الي كانت باهة فالصوالح ... فالثريا الكبيرة الي مزينة الصالون ... الديكور تقول راك في عالم اخر ..
نسيم شعل سيجار .. اولا نحكو في امور الخدنة قبل مايجو الاولاد ..
ياسمين درات ليه .. اوكي تفضل ..
نسيم بقااا يشوف فيهااا .. شوفي اول حاجة نوصيك عليهااا .. نحب ولادي يكون ديما نظاف .. نتي وخبرتك ديريله جدول ..تاع غداء تاع لعب وقت الرقاد وخصوصا ناااز نحبك تتهلي فيها مليح وتعامليها معامله خاصة..
ياسمين بقات تكتب وش كان يقولها وبمعنى اخر هربا من عينيه الي كانو ياكلو فيهااا ..
نسيم نسف الدخان .. مانحبش الدخول والخروج بزاف .. تبقاي هناا معاناا فالفيلا .. والخلصة 5 ملايين وحس عينك تمدي يدك على واحد من ولادي .. نقتلك فهمتي
ياسمين كي سمعت تاع تبات فاليفلا ..شوالا لالا جامي علاش نبات في داري وصباح نجي
نسيم طلع حاجبو .. نتي واقيلا حمارة .. ياخي سمعتيني صباح انا نأمر ونتي تسمعي فهتي ..
كانو يحكو حتى جابت الخدامة الذراري وسمرة جاية .. كانت عينيها على ياسمين .. وتقح بالنار ..تبسمت بخبث .. " هاذي ثاني رح نطيرهااا " ..
نسيم نقدملك ولادي .. وهاذي اكبر وحدة سمرة بنتي لكبيرة تقرا 1er ليسي قعدا سمرة فوق الفوتاي وحطت رجل على رجل وتلغب بالتيليفون تكونكتي تحكي مع صاحبتها صورتلعا ياسمين وكتبتلها هذي الضحية التالية هههههع
أنت تقرأ
حب يخذلنا واخر يذيبنا عشقا من تاليف منال وسمرة
Romansaبقي يوهمها الحب ويغرقها في الاوهام ومرت السنوات لتجد نفسها في موقف حرج امام اسرتها وخصوصا انها باتت ترفض كل خطيب يتقدم لها فتطلب منه التقدم اليها وخطبتها فيقوم باهانتها وصفها بابشع الكلمات لتجد نفسها وحيدة تماما وعندما ارادت نسيانه والتخطيط مجددا لح...
