حببت تائباً ..
**************
_ عارفه يا داليا نفسي اتكلم اوي مع اسماعيل .. واقوله أنا أد اي بحبه .. لو بس يشوف كميه الحب اللي من نحيتي ليه .. هيبطل اللي بيعملوه ده .. نفسي يبطل يا داليا .. نفسي اوي بجد
- يبطل اي يا ياسمين مش فهمه
_ يبطل يقتل في الناس .. يبطل ظلم فيهم .. أنا حباه بشخصيته التنيه .. بشخصيته اللي أنا نفسي يتغير ليها .. حقيقي لو اتغير أنا هبقى اسعد انسانه في الدنيا
- يا ستي سيبك انتي من اسماعيل ده .. اسماعيل ده عمره ما هيتغير علي فكره يا بنتي ده الفتوه عوزاه يبطل اللي انتي بتقوليه ده ازاي بس .. اسكتي يا ياسمين
_ ايه يا داليا في اي مش يمكن يا ستي
- لا يا ياسمين مش يمكن خالص وانتي عارفه ده كويس جدا .. انتي عارفه يا ياسمين لو اسماعيل عرف أن اهلك هم السبب في أن جده يموت .. عارفه يا ياسمين لو عرف
_ خلاص يا داليا كفايه خلاص .. وبعدين أنا ايه زنبي أنا في غلطه اهلي .. أنا بحب اسماعيل ونفسي بس ياخد باله اني موجوده مش اكتر .. كأنه مش شايفني يا داليا .. مش شايفني يا داليا ..
- خلاص يا ستي .. أنا هقوم اروح لحسن الوقت أتأخر
_ ماشي سلام
- سلام
*قعدت سرحت لو أن شخصيه اسماعيل دي اتغيرت ممكن يبصلي ساعتها .. اي اللي أنا بقوله ده هو مستحيل يتغير .. طب ليه مستحيل .. مستحيل عشان لو عرف مشكله اهلي وان اهلي هما السبب في قتل جده هيكرهني اكتر اساسا .. اووووف كفايه تفكير أنا هقوم انام*
_ شوفتي يا داليا اي اللي حصل
- اي في اي ...
_ في بت كدا اسماعيل شوفته قاعد معاها انهارده وبيتكلمو راح بصلي وضحك وادير وشه تاني ..
- الله بجد !
_ الله اي بس يا داليا بقولك كان قاعد مع واحده
- ايوه يا ستي فيها اي هو مش بصلك .. وانتي كان نفسك ياخد باله منك ويشوفك صح .. واديه ضحكلك يا ستي كمان عايزه اي تاني!
_ عندك حق .. لا بس برضو كان قاعد معاها ليه دي
- هي حلوه يا ياسمين؟
_ حلوه اي بس يا داليا
- تبقا حلوه طالما انتي بتتكلمي كدا ههههه
_ اه بصراحه البت غيظاني اوي يا داليا اوي اموت واعرف كانو بيتكلمو في إيه
- وانتي مالك انتي ما يقولو اللي يقوله يا ستي انتي مالك
_ تعرفي تقومي تمشي دلوقتي
- طيب يا ستي هغور .. الحقي يا ياسمين
_ ايه في اي
- اسماعيل ...
*فجأه لاقيت اسماعيل داخل عليا أنا وداليا استغربت اوي قلت جاي ليه وجه في دماغي مليون سؤال كنت بحاول اني اظهر كل قوتي ومش ابينلو اني متوتره لما شوفته واني ابان قدامه اني قويه جدا ... دخل علينا وقال احم احم*
_ اتفضل يا استاذ اسماعيل .. خير في حاجة؟
- اه في عاوزك في موضوع
_ بس كدا اتفضل ..
- لوحدنا .
*اتوترت اوي قلت ليه مش عاوز يتكلم في وجود داليا .. وموضوع اي اللي عاوزني فيه .. طولت اوي وانا سارحه*
- هو انتي روحتي فين
_ اه .. معلش .. تمام اتفضل .. ماشي يا داليا هجيلك بليل سلام .. خير يا استاذ اسماعيل؟؟
- انا حبيت اتكلم معاكي لوحدنا عشان افكرك بالفلوس اللي وكان واخدها مني اخوكي ..
_ هو انت جاي عشان تفكرني بالفلوس اللي واخدها منك اخويا ؟
- *بإستهزاء وسخريه* هههه امال هاجي عشان اي يعني مش فاهم؟
_ *بعصبيه* اه .. لا تمام هقوله .. اي حاجه تنيه؟
- لا بس كدا .. علي فكره البيت محتاج يتروق ههه سلام
_ حاضر هنروقه شكرا
*تاني يوم كلمت داليا وطلبت منها تيجي عشان اقولها اي اللي حصل*
- ها يا ياسمين اي اللي حصل امبارح ؟
_ كان اسود يوم يا داليا فعلا
- ليه في اي ..
_ مفيش كان جاي عشان يقولي ان محمد اخويا لازم يدفع الفلوس اللي كان مستلفها من اسماعيل
- بس كدا ؟
_ وقالي البيت محتاج يتروق
- اي هو ده وهو ماله هو .. بيتريق يعني !
_ أه بيتريق
- خلاص سيبك انتي .. المهم قولي لاخوكي يدفع الفلوس بدل ما يروح يقتله ولا حاجه
_ طيب خلاص هقوله
*فضلت افكر في الكلام اللي قالهولي اسماعيل وحسيت بإحساس غريب اوي يعني كنت مبسوطه وزعلانه من طريقته كلامه في نفس الوقت وكنت فرحانه اني شوفته .. أنا قررت قرار .. أنا هروح لاسماعيل وهقولو كل حاجه .. هقولو كل اللي في قلبي .. هقولو اني بحبه واني بشوف الدنيا في عنيه أنا هروح بكره واقوله كل ده*
*تاني يوم لاقيت الباب بيخبط*
_ ايوه مين ؟
- اسماعيل علي الباب
_ اسماعيل ! طب.. طب .. استني ثواني
- انتي بتقولي ثواني لسه بقولك افتحي
*من كتر توتري وزعيقه عليا فتحت وأنا متوتره وكل الكلام اللي في دماغي راح*
_ خير يا استاذ اسماعيل؟
- أنا بحبك ...
_ ايه .. ازاي .. بتحبني .. أنا .. هو حضرتك صاحي؟
- انتي بتقوليلي أنا انت صاحي ولا لا ؟
_ ينهار ابيض .. أنا .. انا اسفه والله بس انا متوتره جدا وكنت هجيلك انهارده
- ههه بجد كنتي هتيجي ليه بقا ؟
_ عشان كنت عاوزه اقولك ..
- طب أنا مش عاوز اسمع حاجه اسمعيني وقولي اللي انتي حابه تقوليه تمام ؟
*سرحت وفضلت بصاله*
- انتي معايا ؟
_ اه .. اه معاك .. اتكلم
- بصي .. انا بحبك من اول يوم شفتك فيه .. في وسط كل البلد دي انتي الوحيده اللي كنتي خطفاني من نفسي .. وعارف كل حاجه .. الحاجة اللي أنا معرفهاش .. انتي شيفاني زي منا شايفك ولا لا؟
_ أنا بحبك يا اسماعيل وبقالي كتير اوي نفسي اقولك كدا .. بس احنا مش هينفع نكون لبعض ..
- ليه يا ياسمين ؟
_ هما لسببين الصراحه
- ههه لا مش عاوز اعرف أنا ماشي سلام
_ اسماعيل استني..
*مش عارفه حسيت اني ندمانه اني قولت كدا مع اني كنت فرحانه اوي .. فضلت افكر اعمل اي بس وصلت لحل .. وهقوله كل حاجه عشان نبقا علي نور انا مش هينفع اخبي عليه موضوع جده ده هو مسيره هيعرف ف لما يعرف مني احسن ما يعرف من حد تاني وبكدا اكون خسرته لو معملتش كدا*
_ احم ازيك يا اسماعيل
- خير ؟
_ كنت عاوزه اقولك اني بحبك ومش عوزاك تبعد لمجرد اني حابه اقولك اي السببين اللي منعني .. اسماعيل أنا مش عاوزه اخاف منك .. ممكن تسمعني
- سمعك ..
_ السبب الأول أن ..
- اي ؟
_ أن اهلي هما السبب في قتل جدك
- جدي مين ؟ مرزوق؟
_ *هزيت راسي بخوف* اه يا اسماعيل
-*اسماعيل قام وقف وبصلي بنظره .. أنا مكنتش حباها أو أشوفها* انتي اي اللي بتقوليه ده هه أهلك انتي .. انتي يبقو السبب في قتل جدي .. جدي أنا
*كنت متوقعه رده فعله وكنت هستحمل اي رده فعل منه*
- اطلعي برا يا ياسمين أنا مش عاوز اشوف وشك تاني ابدا
_ طب ممكن تسمعني ..
- *بزعيق* اخرجي برا يا ياسمين بقولك
*مشيت وأنا بعيط لأني مليش زنب في كل حاجه حصلت .. كنت عاوزه اقوله اني مليش زنب .. وإن محدش بيختار أهله .. بس هو مدنيش فرصه .. مدنيش فرصه أقوله اي حاجه فضلت اسبوع في البيت مش بخرج مش بقابل حد ولا حتي داليا بس انا مش هسيب اسماعيل مهما كان وهعرفه كل حاجه حتي لو هيضايقو ... حكيت لداليا كل اللي حصل وقررت اني ابعت رساله لاسماعيل مع داليا علشان لو شاف وشي هيكرهني*
_ بصي يا داليا أنا هكتب رساله لاسماعيل عشان يفهم كل حاجه وتخديها وتروحي تديهالو
- خلاص تمام هاجي بكره اخدها منك
_ خلاص تمام .. الرساله هي *ازيك يا اسماعيل .. بقالي اسبوع معرفش عنك حاجة وده مضايقني جدا .. عارفه انك مضايق بسبب اللي أنا قلتو وانت عندك حق تزعل طبعا بس عاوزه افهمك حاجه .. إن محدش بيختار اهلو مهما كان وإني مليش زنب في اللي حصل يا اسماعيل أنا كنت متقبله اي رده فعل منك لأن ليك حق وأنا مش زعلانه منك .. اول مره جتلي فيها اتوترت اوي .. بس برضو انت بجح اوي يا اسماعيل.. كنت بحاول احافظ مساحه كسوفي منك بس كنت عاوزه اتكلم واقولك كلام كتير في نفس الوقت .. بس صدقني يا اسماعيل أنا ماليش زنب .. بحبك*
*كنت كل كلمه بكتبها كانت من قلبي وعيني في نفس الوقت كنت بعيط وأنا بكتب*
_ خدي يا داليا الرساله اهي .
- ماشي هروح اهو هدهالو واجي
_ *وانا بدي الرساله لداليا عشان تديها لاسماعيل لاقيته في وشي* ..
_اسماعيل!!! أنا كنت لسه ااا...
- *بكل هدوء* اششش مش عاوز اسمع حاجه .. أنا ظلمتك وغلطت ولازم اصلح غلطي لانك ماليش زنب في اللي حصل ده انا بحبك يا ياسمين ومش عاوز غيرك مع أنك دبش بس علي قلبي زي العسل ههههه .. عارفه أنا اتغيرت عشانك انا بطلت كل حاجه تغضب ربنا عشانك انتي .. بقيت اخاف ان ربنا يبعدني عنك .. أنا بحبك يا ياسمين .. وعلي فكره انا لما جتلك عشان اقولك أن اخوكي لازم يجيب الفلوس .. كنت جاي اشوفك واعصبك شويه وعارفه البنت اللي انتي شوفتيني قاعد معاها دي واتوترتي لما شوفتيها دي كانت هاجر صحبتك كنت بسالها عن اي اللي بتحبيه واي اللي بتكرهيه أنا بحبك يا ياسمين مقدرش اعيش لحظه من غيرك .. تتجوزيني؟
_ بجد مش عارفه اقولك اي .. أنا بحبك يا اسماعيل .. وأنا موافقه اكون زوجه الملك *اسماعيل الحسيني* وافتخر بيك قدام الكل انك جوزي 💕
*لو علي قلبي داب في هواك وكفايه .. ليل وسهر وعناد*♥️
