بسم الله قبل ما نبدا ..
الرواية دي قيد الكتابة يعني اول ما الكاتبة تنزل انا بانزل باذن الله تعالى ..
فما تسالوا عن الباقي ..
قراءة ممتعة
ــــــــــــــــــــــــــــــــــــــــ
ورجعنا تاني بي روايه جديده🌚❤❤مشتاقين جدا متابعين رواياتي💛✋🏻🐸اخباركم وصحتكم ان شاء الله طيبين😁
يلا نبدا ....قصه من نسج الواقع وبعض الاختطافات الخياليه
.
.
.
.
في المغارب كدا قاعده بت عمرها ما يقارب ال16 سنه قاعده في نص المطر ورجولها حافيه
...:ي بت تعالي خاشه المطر ده يوم بقتلك
(وهي سارحه في المطر وم جايبه خبر لي كلام زول)
...: خليها ساي دي في المطر ده م بتتفاهم مع زول
...: البرد ده بمرضها لكن
...:م بجيها شي اتعودت تقعد كدي لمن تبرد بتجي راجعه😂
(جات علي امها وهي في قمة الفرح)
...:يمه م شفتي الليله المطر جا زي م قلت ليك مش قلت ليك بكره بجي مطر 😍ياخ بحبببو انا الليله ح انوم بره سمح
...:ي بت انتي جنيتي تنومي بره كيف بتموتي في المطر ده
....: لالا م بجيني شي خلييني 😭
...:الا ينتهي المطر
...: طيب بس ينتهي طوالي بنوم بره ان شاء الله براي بس وبكره كان صبت طوالي بنوم بره وهي صابه🌚
...:اصلك كان موتي الا يكتلك المطر ده
(بعد ده طلعت ليها كرسي بره وقعدت تلعب بي المطر بعدها اتزكرت انو الدعاء مستجاب اثناء المطر قعدت تدعي ...)
#*اها نعرفكم علي المجنونه دي😂 اسمها فاطمه بت حلبيه وقصيره🐸عايشه في الريف بت جميله شديد عيونها م شاء الله قدر الفنجان الوحده😂😍جسمها مقسم خشمها صغير ووردي حلبيه لمن بهناك الساخنه بتبقي وشها زي الطماطم اها نخش في القصه وبعدين بتعرفو باقي الشخصيات اها فاطمه دي كانت ممتحنه تالت شهاده سودانيه ايام امتحاناتها كانت جايطه شديد ومضغوطه وم بتلقى ليها فرصه تحك راسها اها خلصت من الامتحانات وهي شااطره خلصت الامتحانات وكان فيها الصعب وكان فيها الساهل بعد انتهت في اخر يوم صبت المطره وهي راجعه علي البيت وكان اليوم داك امتحان الهندسيه طبعا قاريه هندسه كان نفسها تقرا هندسه طبيه ...مجرد م صبت بالله البت زي الجنت😂 طلعت جزمتها وبقت تنططت زي الشفع وبتقول ي مطره صبي لينا 😂🐸بالله شافها واحد شاب كدا في الشارع اشك انو اتشرطت بالضحك وادردق في الواطه😂😭من شاف البت زي الجاتها هستيريا قال يمكن تكون مجنونه بس استغرب من انها نظيفه وسمحه🐸 اها رجعت البيت وطمنت امها انو الامتحان كان ظااابط واشتغلت فيهو تمااام
(معليش بس ح نمر مرور سريع لحدي م يوزعو ليهم النتايج...لانو الباقي م يهم في القصه)
يوم النتايج قاعدين امها (عوضيه) واختها الاكبر منها متزوجه (ريم) وعندها طفل عرسوها من خلصت من تالت واخوها (خالد ) اكبر منها ب5 سنين ...بشوفو في المؤتمر الصحفي وهي بتستحمى وتكورك في الحمام اها بدا المؤتمر ؟؟ وتقول هوي كان بدا كلموني ..وهي متوتره شديد بعدين سمعت الزغاريد وامها تكوروك اها فاطمه طلعت وفجأه صبت😍
فاطمه قعدت تدعي وتقول ي رب اجيب نتيجه كويسه ي رب
دخلت امها جاتها تبوس فيها وتقول ليها مبروك فطومه حبيبتي عقبال نفرح بيك اكتر واكتر
خالد(اخوها) : مبروك ي السجم نجحتي لا وكمان اتفوقتي رفعتي راس اخوك انا كنت عارف انك بتقدري تكملي دراستك 💛💛
انا: امي وخالد وريم في شنو طمنوني جبت كم
ريم(اختها): ي جنو جبتي 92% جبتيها من وين دي
انا: كضاااابه😳😳😳
(وقعدت تغني وتكورك وتنططت 😍😍وتحمد في ربنا انو استجاب لي دعاها ي جماعه احلى شي انو تحقق نجاحك من اول مره وتثبت قدراتك وتثبت لي نفسك انك بتقدر تحقق حلمك وتواصل في نجاحاتك💛)
اها. بعد ده بقت في انو تقنع اهلها كيف يخلوها تقرا الجامعه وخصوصي انو الا تسافر الخرطوم...💔
في الصباح...💛
جيت لقيت امي وخالد وريم شربو في الشاي قعدت معاهم وقلت ليهم يسعد صباحكم حبايبي
امي: دام بقت فيها حبايبي دي الموضوع وراهو كان وان😂💔
انا: اصلا اصلا بس استحمى ي واجيكم
امي: ربنا يجعلو خير بس منك م بتجي الا المصايب انتي
انا: انا ي امي بجيب المصايب?😭😭كويس بس تاني م تتكلمو معاي☹(استحمت فاطمه وجات علي امها )
انا: ي ماما انتي عارفه انو انا م قريت الثانوي ده عشان اقيف علي كدا وانو عندي احلام لسه جاريه وراها عايزه احقق الانا عايزاهو وعايزاكم تقيفو معاي ي امي
امي: كييف؟
انا: امي انا عايزه اقدم لي الجامعه🙂وانا جبت نسبه كويسه اكيد ح يقبلوني
امي: ي بتي ابوك لو عرف بقطع رقبتك نحنا بعد تعب خليناك تقري الثانوي ده واسي يمكن جاب ليك العريس زاتو ...
خالد: ي امي م تقولي ليها ابوك وبتاع ابوها لو بالجد كان ابوها م كان مشى وخلاها قبل يشوفها
امي: ي ولد م تقول عن ابوك كدا ...كدي الموضوع ده خليهو اسي
انا: طيب ي امي وبعد اسبوع بالكتير ياريت توروني عشان اقدم🙂💔(وعيونها رقرقت لانها انسانه طموحه جدا وبتحب تعمل الفي راسها وقامت مشت خالد بدأ يتكلم مع امها عوضيه ويقنع فيها هو اصلا الوحيد الكان واقف معاها جد نعم الاخ ليها💛)
خالد: ي امي البت دي اجتهدت وجابت نسبه زي دي م تحطموها ياخ خلوها تعمل العايزاهو
امي: ي خالد انت عارف انو انا م عندي مشكله المشكله من ابوك
خالد: ي امي هو اصلا م عندو بينا شغله ولا سؤال مننا م قعد يسأل دخلو شنو في انو يقرر عنها مصير قرايتها واختي ح تكمل قرايتها كان رضا كان ابا
امي:كدي نسأل خيلانك و الفيهو خير ربنا يسويهو
خالد: تمام يلا انا ماشي علي الشغل
امي: الله يسهل عليك
(طبعا ابو فطومه من خلال المحادثه عرفتو انو انفصل عن امها وده كان لمجرد انو اتزوج وحده تانيه وفي الزمن داك كانت عوضيه حامل بي فاطمه وفاطمه للان م شافت وش ابوها وابوها صعب وزول تقليدي شديد يعني م عندو بت بتقرا جامعه لو عرف ممكن عادي يسن ليها سكينتو وامها بتخاف منو شديد...)
اها الناس جو يباركو ليها وجابو الحلاوه والبارد
بعدها امها بالعصر كده مشت لي خيلانها وكلمتهم بالحاصل ووافقو وكان رايهم من راي خالد
بس كان الخوف من رده فعل ابوها لمن يعرف امها اتصلت عليهو...
يتبع....💛
*_كسره_* :-
لربما كانت لحياتي مجرى اخر ضحكتي لا تختفي من شفتاي لا اقاوم جنوني يظن الجميع انني ربما فقدت عقلي بحبي الزائد للمطر لكنهم لا يعرفون انه الوقت الوحيد الذي استطيع تفريغ كل حزني فيه والبكاء دون ان يعلم احدهم بذلك كنت دائما تلك الكتومه التي لا تظهر للعالم غير ضحكتها وجنونها وكان ذلك الحزن يسيطر في داخلها فقط وتفرغه عند نزول المطر💔
#Loooza💕
