برنامج #كاتبك_معانا
إعداد و تقديم : ريان
حلقة : 4
.
مساكم خير يا حلوين و صحة فطوركم ، ماشاء الله الايام تجري اليوم الحلقة الرابعة و مزال الاحلي ما جاش
اليوم ضيفي كاتب شاب ، يعتبر من اوائل الكتاب الشباب يلي نشهروا ، رواياته ما نقدرش نقول عليها رومانسية و لا نقدر نقول إجتماعية لانها خليط بين الاتنين و يلي نقدر نقوله ان رواياته دائما قوية
تميز بطرح مواضيع ممكن تكون حساسة و جريئة متل رواية ( ادمان ) و ( شهوة عابرة ) فكل رواية ليه تحمل موضوع مختلف و قوي
.
ضيفي هو الكاتب #مروان فرج ،
سألت مروان بعض الاسئلة بس قبل ما نبدا في أسئلتي
رح نقوللكم معلومات محبين مروان يعرفوها بس فيه ناس ما يعرفوهاش
.
الاسم : مروان فرج / مواليد : 1996 / اعزب
( بداياته : 2018 / و اول رواية ليه كانت ( استغل طيبتي )
متله الاعلي في الكتابة : الكاتب الحاصل علي نوبل " نجيب محفوظ "
افضل اكله له هي " الرز "
.
نبدا الحلقة ❤️
ريان : جاهز مروان
مروان : جاهز
.
ريان : السوال الاول : ما الذي جعل مروان يدخل عالم كتابة الروايات ؟
مروان : تجربة حياتي الشخصية مريت بطروف صعبه في بدايه حياتي الشي يلي خلاني نقرا قصص مشابه للطروف يلي نعيش فيها وجربت نكتب روايه واول روايه نزلتها لقيت عليها تفاعل واقبال ماكنتش نتوقعا ومن هنا دخلت لعالم الروايات ❤️
.
ريان : مروان يعتبر نفسه كاتب محترف او هاوي كتابة ؟
مروان : انسان يحب الكتابة
.
ريان : الحالة الاجتماعية حاليآ ؟
مروان : اعزب
.
ريان : طموح مروان ، ؟
مروان : نكمل قرايتي بعد الجامعة ماجستير صيدله
.
ريان : مروان فرج يأمن بلاصدقاء ؟ او لا يوجد في هذا الزمن ؟
مروان : اكيد يوجد اصدقاء في الزمن هدا بس قليل انك تحصل صديق بمعني الكلمة ❤️
.
ريان : تأمن بلصدف و الحظ ؟ او خدعة اخترعها المغفلين ؟
مروان : اكيد نومن وعلي تجربه
.
ريان : مروان من النوع يلي يبكي او دمعتها عزيزة جدا ؟
مروان : مافيش يستحق نبكي عليه ولو بكيت مافيش حد يشوف دمعتي❤️
.
ريان : مبدر او بخيل ؟
مروان : مبدر بمعنى مافيش حد وقف عليا ورديته ❤️
.
ريان : من القصة يلي تاترت او عشت فيها و انت تقرا ؟
مروان : روايه حياة يتيمه
.
ريان : هل فيه حد في عائلة مروان ما يعرفش ان مروان كاتب مشهور ؟
مروان : اكيد في وللعلم انا حاليا قاعد مانعتبرش في روحي مشهور انا انسان نكتب ونعبر علي يلي في داخلي❤️
.
ريان : من المنافس لمروان فرج ؟ كا كاتب شاب ؟
مروان : مانشوفش في حد منافس لياا انا بديت نكتب من وقت ماكانش في هلبا كتاب يعني بالاخص شباب يكتبو
.
ريان : ممكن نشوفوا مروان طالع بشكله كامل او تفضل ان شكلك ما يبانش ؟
مروان : اكيد حنطلع بس في الوقت المناسب يلي نحدده انا
.
ريان : الحياة من غير حب كيف يشوف فيها مروان ؟
مروان : راحه نفسيه
.
ريان : تعرض مروان للخيانة ؟ مش شرط من حبيب ممكن صديق ؟
مروان : الي حد الان مافيش اي حد خاني❤️
.
ريان : افضل فنان و افضل فنانة عند مروان ؟
مروان : نسمع الي كاظم الساهر ❤️
.
ريان : هل تعتبر رواية ادمان و شهوة عابرة للكبار فقط ؟
مروان : لا الروايه فيها عبره ومافيهاش اي شي يمنع من اي حد يقراها♥️
.
ريان : ماذا يشتغل مروان حاليا ؟
مروان : حاليا مزالي سنه ونكمل دراستي وشغلي محلاتي تجاريه ليا
.
ريان : تحب اللمة او تفضل الوحدة ؟
مروان : الوحدة لانا اغلب أوقاتي حياتي عشتهم بروحي
.
ريان : سوال ممكن ما تجوبش عليه ؟ كيف عشت معظم الوقت بروحك ؟
مروان : فوتي السوال هدا لانا يرجع بيا للماضي ونا نسيتا
ريان : تمام
.
ريان : طقوس يومك في رمضان من الفجر للمغرب ؟ بمعني ماذا تفعل ؟
مروان : النوم الي الساعه12 نطلع نشوف شغلي شوي الي العصر نصلي ونقعد في الجامع نقرا في قران الي ادان المغرب
.
ريان : اول حاجة لازم في سفرة رمضان ؟
مروان : اكيد الشربه
.
ريان : كلمة لصفحة MBC LIBYA ?
مروان : صفحه كويسه ونا نشوف فيها في المسار الصحيح وانشاء الله رح تكون صفحة ممتازه في المستقبل
.
لهذا نكون وصلنا لنهاية الحلقة ، استمتعت بلحوار مع مروان جدا بس حسيته شخص كلاسيكي جدا و غامض ، حاولت اني نطلع منه اكبر عدد من المعلومات
نتمني لمروان النجاح و الاستمرار لانه يستاهل ، نتلاقوا حبايبي غدا و كل ايام رمضان بأذن الله مع كاتب و كاتبة جداد
.
نتلاقوا غدا مع الكاتبة شيراز الشريف ( القطة الشريرة ) و حوار شيق . و مزال في كتاب حلوين جدا و مشهورين و تحبوهم اكيد ❤️❤️
أنت تقرأ
كاتبك معانا ( كل كتاب ليبيا )
عاطفيةMBC LIBYA 🇱🇾 تقدم برنامج #كاتبك_معانا .. مع الادمن #ريان برنامج حواري كل يوم سيكون معنا كاتب او كاتبة و سنساله اسئلة لم تخطر علي البال ، لنتعرف اكتر عليه و علي شخصيته ، و سيتم طرح الحلقات كل ليلة في رمضان . يتكون البرنامج من 20 حلقة ، 20 كاتب...
