صدف لا تنتهي

البارت 21

رجعو لبنات من لحمام او بداو اهضرو او يشحكو من غير صقر لمغدد شوية بدا كيصوني تليفون لميار كانت باغة تنوض تجاوب سعا شدها صقر
صقر : هضري هنا
ميار :واخ(جاوبات) الو ماما
ماما : واش باقي مهداك الله اديك لبنت باش تسيفطي شي فلوس
ميار : معندي كيف ندير اصلن غدا انهبط لكازو ونشوف واش دوزولي سالير
ماما : ايوا عالله
صقر : هنيا
ميار : غا لوليدة سولات امتا نهبط لكازا
بقاو مجمعين حتى سلات صهرتهوم او بغاو ارجعو فحلاتهوم
منير : ميار يلاه نوصلك معانا
صقر : معندا فين تمشي تنوصلها معايا
ميار بقات دير براصها لا حيت عارفة اش ايتسناها لبنات فهمو لقالب
اسماء : راه انا و لبنى انباتو عندها هاد نهار
وافق معا بغات تمشي ميار جرها صقر لعندو حتى تلاسقات معاه
صقر : يكما يسحاب ليك نسيت هدشي تاع هاد نهار قانك تخلصيه بدوبل
مشاو لبنات لدار
لبنى : زعمى اينسا غدا
ميار : ينسااااا هههه ضحكتيني هداك كيوجدلي قبري او صط لما ، راه كل مزادو ليامات كل مجهل
اسماء : او يختي ملي عارفاه مكيعجبوش تلبسي لمعري لاش لابساه
ميار : وراه gاع حويجي هكاك ، او زتو نتوما غرقتوني معاه فاش جبتو لائحة رجال
دخلو تكاو فنفس لبت
لبنى : زعما يكون كيغير
ميار : اخر واحد اغير هوا داك سلgوط
اسماء : انا متافقى معا لبنى انا شفت صقر معا بزاف دلبنات مي تاوحدا مدار عليها لي دار عليك
ميار : هانتي قلتيها دوز بزاف تاع لبنات باش انكون مختالفة عليهوم ، او نزيدك معاملتو راه بحال عندو شي حاجة غيخدمها او يقضي بيها غراضو او يلوحها
لبنى : ونتي زعما مكتبغيهش
ميار : راه انا وياه بحال لما او لعافية ميمكنش نتلاقاو او دبا خليوني نعس راه تابعنا سفار غدا
ضارت ميار لجيها لوخرة او هيا شادة فقلبها كتكدب مشاعيرها لمتخالطة او كتحاول تقنع راسها بلي مخصهاش تتوقع منو تا حاجة من بعد ما تسالي هاد لعبة بقات تتهضر بينها او بين راسها
ميار : (كتضرب قلبها) باركة متضرب بجهد فاش تسمع سميتو ولا تفرح بمواقيفو من جيهتك حيت غا غتجرح فلخر وتخليني مألمة معاك مبغيتش نكون طرف لخاسر فاش تسالي هاد لعبة دكشي علاش باركة متبني احلام ليقضة
ستسلمات لنعاس او من بعد ليلة كاملة جا صباح جديد لب ناض فيه كل عضو من ابطالنا باش يجمع حوايجو دازت شي 2 سوايع عاد كان كلشي لتحت كيتسنا صقر اجي حيت هوا لي غيديهوم بطونوبيلتو لكبيرة لي تقدر تهزهوم كاملين مهيا الا لحضات حتى وقفات طنوبيل قدامهوم حطو جويجهوم فلكوفر بقات غا ميار لي كانت يلاه باغة تركب ساعا جرها صقر او بعدها على طونوبيل
ميار : مالك اصقر لاش جارني
صقر : كنقسم ليك بالله يوديري شي حاجة ماشي هيا هديك يتنوريك وجهي لاخر
ميار: باش من حق تبقى تأمر فيا واش بنتليك لعبة باش تبقى دير فيها مبغيتي شتي انا مبقيتش باغة نكمل معاك هاد لعبة
صقر : عتابري راسك كيف ما بغيتي لعبة ولا طعريجة شغلك هداك لموهيم عندي هوا انك ديري لي كنقوليك ، او بنسبة لهادشي لي بدينا فراه دكشي بيدي انا فاش نبغي نساليها انساليها
ميار تزيرات كي مبغاتش تبين ضعفها قدامو
ميار : انكم هاد لعبة تال لخر وتشوف من بعد ، علاه شنو كنتسنا من واحد معندوش لقلب
صقر : ايوا ملي عارفاها لاش كتقلبي عليا
ميار مشات تركب طونوبيل لقات كولشي شاد بلاصتو بقات غا هيا كانت بلاصتها حدا صقر لقدام ضورات راصها لجيهة شرجم لي حلات مخلية شمش تضرب فوجها او ريح تنشف دموعها لي كانو هابطين غا بوحدهوم فصمت شوية حسات بلبرد حبس شافت لقات صقر سد شرجم بلا متشوغ فيه هضرات
ميار : علاش سديتيه
صقر : غيضربك لبرد
ميار : بحالا كيهمك ، حلو راه تخنقت
صقر : محالوش واش باغة تمرضي
تزايدو فلهضرة حتى نفاجرات ميار بلبكا كانو لوخرين غا كيشوفو مقدو يقولو والو حيت صقر كان جاعر
صقر : لاش كتبكي دبا
ميار : ماشي شغلك حل شرجم راه تخنقت
#صقر#
كانت كتبكي فهدوء او حالة شرجم حالتها الصحية gاع متقد تتحمل اصبتها بلبرد سديت شرجم من بعد تزايت انا وياها غلهصرة حتى نفاجرات بلبكا حسيت بتأنيب الضمير شوي مي هدشي فمصلحتها مهية ايلا شوي حتى ترعفات وقفت طونوبيل فجنب
صقر : هدكشي لي كنت كنقول
لبنى : ميار اش دكشي
ميار : كسكسو بلحم ، راه كيسميوه الدم ادكتورة
مدات ليها لبنى كلينكس مسحات او كملو طريقهوم دازت دابا ساعة باش خرجو من لفيلاج بقاو كيهضرو
معاذ : صقر ديك لوحة لي رسمتي هادي شهراين دارن بوم فروسيا
منير : و شنو طيسحابليك راه ولدي هدا وانا نعرفو كيشبه ليا
معاذ : ياك اسيدي هوا زوينة وخا مفهمتش علاش كتهضر
منير : وايلي ساهلة راها زيزونة مكتهضرش
الكل : هههه
اسماء : وريو هتنا gاع مشفناها
بقات هيا ولبنى اشوفو ولكين مقشعو وتلو من غير انها حمقاتهوم منير مد لميار
منير : ميار هاكي شوفي نتي يكما تفهمي
شدات طابليط او بقات كتشوف فيها او هضرات بهدوء
ميار : هاد لخيوط لي علا شكل سكة او فنفس لوقت مختارقين بنادم براصو او متكون من هوم كتعني لمصير او لقدر تاع بنادم فحين انو لانسان كيكون غادي علا داك لمصير ولكين هاد لمصير كيتقسم لتلاتة
دوك لخيوطة لمربوطين فيد ليسر بلون دم كتعني انو لقدر يمكن يمشي على حسب لمشاعر تاع بنادم ولي كتكون فلقلب اما لخيوطة تاع لحديد لي فراص فهية مكدل علا انو لعقل هوا لي بدل داك لمصير فحين دوك لخيوطة تاع لحديد فهية كدل على مدا تشبت لعقل بافكارو على خلاف لخيوطة تاع لمشاعر لي رطبين او يمكن يتحركو ولا يتقطعو بزربة باش يبقى اخر اتجاه لقدر عن طريق روح دبنادم لي كتعبر على توازن الشخص او عنطريق هاد توازن كتحدد مدى سهولت او صعوبت لمصير ديالو
بقاو دوك ربعة حالين فمهوم فيها
لبنى : صقر بصح هدشي
صقر : واه
نقز معاذ من لور
معاذ : صافي قررت ميار تبغي تزوجي بيا
الكل : ههههههه
ميار : ونا نلقى حسن منك
منير : يختي مسهلاش معضر صقر فيك هههه
وصلو لكازا او بضبط لفيلا تاع صقر كولشي هبط
منير : انا ولبنى فنفس لبيت
معاذ جر اسماء عندو : حتى حنا
ميار : تبركلاه على خوت مايا خليفة غا هيا تابت ونتوما نضتو عندي دار تاع ضعارة هنا كلا يشد بيتو بوحدو
صقر :(باغي يفقصها) مالك بقا فيك لحال اجي نعسي معايا فلبيت ايلا بغيتي
ميار : زيد حتى نتا على هاد زوامل
معاذ : وراه ايوليو علياتنا
ميار : ايوا حتا يوليو طراميكم او نعسو حتى فلقبر بجوج
طلع كل واحد لبيت جات بيت ميار مقابلة معا تاع صقر ، كانت يلاسلات تستاف او لعومان كانت خارجة غا بفوطة فوق ركبة او ملوية عليها كانت شقا تاع سدرها كتبان شوي بقات كتقلب على شيشوار ساعا والو قالت تمشي تقلب فبيت صقر فاش سمعاتو طالق دوش دخلات او بقات كتقلب حتى حسات بشي حد محاوطها من لور او خاشي وجهو فعنقها عرفاتو غامن ريحتو
#صقر#
كنت كندوش حتى ساليت لبست شورط قصير او خرجة حتى بنتليا ميار لاوية غا لفوطة او كتقلب فبيتي هادي كاتقلب عليا نيت مشيت عنقتها من لور ونا كنشم ريحتها لي كتخليني فعالم اخر
صقر : علاش كتقلبي
ميار : شيشوار ديالي مبانش ليك
صقر : راه لهيهة حدا لبريزة
ميار : اه صافي شتو
كتنت باغا تمشي ساعة شده او زير عليها كان وجهوم مقابل معا بعضياتهوم
صقر : واش دخول لحمام بحال خروجو
ميار : راه يلاه خرجة من لحمام
صقر : واش بغاني ندير غيك شي فضيحة
ميار : علاش ، جيت ندي غا ششواري
صقر : واش كاينة شي بنت بعقلها كتلبس غا فوطة قسيرة او تدخل لبيت دري ممزوش او بوحدو
ميار : واسمح ليا منعاودش
صقر : غا عوديها مي حتى نتزوجو (قرب حدا ودنيها او هضر) لهضرا تاع قبيلا غا حيت كنت كاعي متديش عليها اوكي
ميار : (صوتو لي كيخليها دوب فبلاصتها او ملامساتو لي كترفعها لعالم اخر تماما )
محسات بيه هاد لمرة حتى خشى يديه فعنقها او حط شفايفو على شفايفها او بقى كيدمج فيهوم هاد لمرة بحالا كيقول ليها نتي ديالي او بوحدي قطع لبوسة ديالو او شافها كانت حمرى بحال مطيشة او فمها حمر او منفوخ بكترت لبوسان دغيا هربات منو او هيا مارgة من لموقف لتحطات فيه ، صقر لي كان كيقيص فمو ويضحك على هبالها
صقر : نمشي نعاود شي دوش اخر يلاه نبرد سخناتني بنت لحرام (الكاتبة : برد برد او حمد الله مجاتكش فرمضان كون راك صمتي قرنين متتاليين - صقر : علاه فيها شك ، ياختي مالك علا حالتك عطياها ديك لفورمة تاع لهلاك - الكاتبة : نستاهل انا لي قلت نبرعك -صقر : تبرعيني كون زوجتيها ليا من لول gاع منبقا نبرد بلما دبا خفت غا ليدخلني لبرد )