الخيانه

الخيانه الزوجية

الخيانه
كلمه سهله النطق لكن تدمر الشخص تقتل احلامه. تفقد ثقته بالناس تدمر حياته. تجعله يعيش في كذبه الى ان تكشف امامه الحقيقه فيصتدم بالواقع.

كُن صبوراً أحياناً
يجب أن تمر بالصعوبة حتى تصل للأفضل🖤🔐

هلاو بعد غياب دام اشهر رجعت وياكم
بس بموضوع والموضوع مهم جدا واتمنه تقروه زين. حته متوگعون بالخطا. 
اتمنى لكم قرائه ممتعه ...
،
،
،
الإهمال يقتل أي علاقه مهما ڪانت قويه
والاهتمام يصنع أي علاقه مهما ڪانت مستحيله ..🧡

          الخيانه
شنو هيه الخيانه؟؟
وليش دائما نسمعها بمجتمعنه ؟؟
وليش دتدمر هواي علاقات اسريه
وليش تحدث باغلب البيوت بالمجتمع
وليش كثرت نسبه الطلاق
وليش انعدمت الثقه بين الاشخاص
وليش الزوج بطل يحب زوجه وبده يبحث عن اخرئ
وليش الزوجه دائما تعاني من اهمال زوجهه
وليش قلت نسبه الزواج بالمجتمع
وليش اغلب البنات او الشباب ابتعدو عن شي اسمه زواج
وليش ولش وليش
هواي امور مذكرتها كلها سببها الرئيسي الخيانه
اي نعم الخيانه ...
هسه البعض يفكر يكول الضروف المعيشيه او الماديه الها سبب ودور فعال بهاي المشاكل

تمام اوافقكم الرئي ان الامور المعيشيه والماديه الها دور بس برئيكم اليحب حب صادق تمنعه هل امور المعيشيه من الزواج بحبيبته ؟؟؟!
الامور الماديه تمنع الزوج عن انو يهتم بزوجته ؟؟
تمنع الشباب عن الزواج والارتباط بالشخص المناسب ؟؟
تره اليحب يسوي كلشي حته ياخذ اليحبهه. يشتغل يجمع فلوس في سبيل ياخذهه تره ماكو شي مستحيل...
نرجع للخيانه
وشنو سببهه وليش تصير الخيانه اصلا. اذا انته شخص كد المسؤليه وكد كلمتك ليش متكدر تكتفي بزوجتك ليش تباوع لغيرها ليش تسمح لشخص ثالث يخرب علاقتكم اذا كانت زوجتك بيهه قصور صارحه گولها انتي بيج هيج وهيج وهيج. وهيه من تسمع هل كلام راح تعدل نفسها وترجع احسن من قبل واذا مسمعت النصيحه مره مرتين يحق الك انو تهددهه اذا مسويتي ازوج عليج هيه هنا راح تخاف وتصير احسن من قبل واذا مسمعت بالحجي حته من هددتها هنا يحقلك تزوج عليها. بس لتخونها. الخيانه بيهه امرين الاول هم تكسر گلب زوجتك والثاني الحتمي هو غضب ربك عليك. ...
هواي اكو طرق بدل الخيانه

طبعا هواي زوجات يشكون من ازواجهم من هذه الموضوع انته تعرف من راح تخون مرتك شنو تكون نضره  اطفالك الك  وشلون تصغر بنضر زوجتك
وشلون غضبت الله عليك ...

الخيانه دمرت الاسر زادت نسبه الطلاق بالمجتمع. تدمرو الاطفال بسبب الطلاق والعيش بعيد عن امهم او ابوهم وبالتالي ينشئ،الطفل ببيئه مشتته بيئه متعرف شنو معنى الاسره بيئه خاليه من عطف الاب وحنان الام بيئه مابيهه حب ومن يكبر الطفل يوصل حد البلوغ راح يكون ضحيه الطلاق مال اهلهم. ميعترف بشي اسمه حب او اسره يبدي يحب هاي ويعوف هاي في سبيل ميزوج ويتكرر الموقف الصار بين امه وابوه ويصيرون اطفاله مشتتين لذالك يبتعد عن موضوع الزواج وبالتالي يؤدي الئ دمار هذه الطفل البريئ الكان ضحيه الخيانه. 

ليش انعدمت الثقه،بين الناس وهل للخيانه دور ؟
نعم للخيانه دور مهم وفعال بهاي القضيه
الشخص اليخون حبيبته او زوجته او خطيبته. مكان ميسعدهه ويهتم بيهه يروح يخونها  ويكسر گلبها حته تتعذب وهيه اتكول ماريدك عوفني بعد مادمرها وكسر كلبها وفقدت ثقتهه بكل شخص هنا راح يگول انتي الطلبتي اعوفج روحي الله وياج وهو يرجع لشخص الخان حبيبته علمودها.  زين انته من خنت حبيبتك او خطيبتك مفكرت انو الدنيا دواره وراح يجيك يوم وانته هم يخونوك ؟؟؟ كما تدين تدان دائما هل عباره خلوها ابالكم. 
وهنا نجي لخطيبته او حبيبتهه نلگاها مكسوره وفاقده الثقه وتكره شي اسمه زواج

- هُم يُمثلون وأنا أُصدق ، والحياة فنانة !

اهمال الزوجه او الحبيبه وما السبب وراء هذه الاهمال ؟
السبب الاساسي للاهمال هوه دخول طرف ثالث
وخيانه الزوجه
انتي من تشوفين شخص مزوج وعنده زوجه وعائله ليش تدخلين ع حياتهم وتخربيهه اريد الجواب ع هذه السؤال.  شنو قحط زلم ليش ترحين ع المزوج او الخاطب او المرتبط
وانته ليش تفرط بزوجتك وتسمح لطرف جديد بالدخول ع حياتكم ليش متكتفي بزوجتك فقط تره الزوجه متريد منك بس الاهتمام والحب

ليش قلت نسبه الزواج بالمجتمع
بسبب عدم الثقه الشخص ميزوج حبيبته ليش لان ماعنده ثقه بسبب كثره العلاقات والخيانات راح ياخذ نضره انو من يزوج راح تخونه او ميريد يرتبط اصلا لان يريد يعيش الحريه ويوميه يحب وحده ويعوف وحده.

طبعا اتكلم عن البعض مو الكل اقصد البعض
اكو اشخاص كفو منهم كد المسؤليه وكد الحجايه وزوجته بنضره ملكه هذوله فقط اليتسمون رجال

وفي الختام اسئل الله ان اكون قد وفقت لكتابه هذه الموضوع المنتشر بشكل فضيع بالمجتمع واتمنه انو يقل ويسود الحب والصدق بالمجتمع. حته نحافظ ع عوائلنا واطفالنه يتربون تربيه صحيحه بوجود الام والاب. ونقلل من نسب الطلاق ونبتعد عن الخيانه الزوجيه.
وانتي هم بدورج اهتمي بزوجج حته ميروح لغيرج

والحمدلله رب العالمين

اذا عجبكم الموضوع اكتبولي بالتعاليق حته ابدي اكتب عن المشاكل التحصل بالمجتمع ونطرحهه ع منضمه الحقوق. حته نكدر نعالجها وننطي الحلول البديله حتى نحافظ ع المجتمع من التفكك 

واذا حابين نطرح موضوع معين اكتبوه الي بتعليق حته اطرحه
😘😍😍
في امان الله