البارت الثامن....
.................
اليوم التاني البعد الطلعه صحيت زي الساعه تلاته عصر كده(ما عشان رمضان وكده😂😂).. استحمست وصليت ونزلت لي ماما تحت...
ماما صباح الخير
تغريد(ام يارا)... صرنا المساء ي دلوعه بابا
ماما انتي لي دايما معصبه استكيني
تغريد.....😒😒😒😒
مشيت فتحت تلفوني لقيت اسيل مرسله لي خمسين رساله وانا اصلا عامله ليها Pin (تثبيت الدردشه عرفتوهو) المهم خشيت لقيتها كاتبه لي الحقيني مجد دخل لي م عارفه اقول شنو يارا تعالي وم خلت نبز م نبزتني بيهو طوالي ضربت ليها انا
اسيل.... يارا يعني لحدي الان نايمه بالجد بقيت بكرهك..
قلت ليها تمام اكرهيني المهم مجد رسل ليك شنو وفي شنو انطقي سريع..
رسل لي عادي واتونس معاي
انا طوالي قلت ليها حتربطو متين
قفلت الخط في وشي😂😂😂😂😂😂
رسلت ليها في الواتس....
قافله الخط في وشي لي ي وسخه؟؟؟
اسيل....استخسرت فيك حروف اللغه والله
قلت ليها ياخ اها وريني الولد ظريف ولا كيف؟؟
اسيل..... ظريف ماشي حالو
قلت ليها غايتو انتي ي اسيل م بعجبك شي😒😒
اسيل....كدي خلينا منو التقديم بعد اربعه يوم ونحن م قررنا نقرا في ياتو جامعه ي سمحه😂😂😂
قلت ليها اجي ي اسيل نحن من المدرسه متفقين نقرا في فيوتشر (المستقبل) مالك دايرا تسوي لي حركات؟؟
اسيل.....خايفاها تطلع وهميه ي يارا ياخ
قلت ليها والله وهمي غيرك ماف انتي بس اتبعيني واسكتي😂😂😂
اسيل......اصلا انا المسقط حجري شنو غير اني مباريك
قلت ليها تمام نتفاهم بعدين حمشي خلاص المغرب قرب يأذن لانه
اسيل......تمام انقلعي
..............................................................
الايام مشت سرييعع وخلاص التقديم الخاص بعد يومين...
انا واسيل بي ونستنا العاديه دي
مجد علي تواصل دائم معاييي
وعلاقت اسيل بي مجد كويسه نوعا ما مجد بحاول يتكلم معاها ويرسل ليها كتير لكن اسيل م مدياهو وش شدديدد اصلا لو م انا ضاغطه عليها عشان ترد عليه م بترد😂😂😂😂
.........................
فجاءه وانا قاعده فالصاله تلفوني ضرب م شفت الاسم طوالي رديت
........الو
انا اول م سمعت الصوت طوالي كوركت اسسسيههه ي قلبي كيففكك اشتقت ليك وسخه
اسيه.....المشتاق بسأل والله
قلت ليها وانتي مالك محننه لمن م بتسالي
اسيه......كدي اسكتي انا بكره جايه من الاردن
انا هنا اتصدمت ووقعت من السرير احححححلللفييي ي اسسسيييهههه احلللففففففيي؟؟؟؟؟؟؟؟؟؟
اسيه.......😂😂😂😂😂😂ما تعملي لي درامات رخيصه انا اصلا مورياك حجي اقرا معاك الجامعه في السودان
انا م صدقت طوالي قلت ليها وتجي تسكني معاي عليك الله ي اسيه
اسيه........ي بنت انتي مجنونه انا مش وريتك اخوي الكبير فالسودان ومؤجر شقه في الرياض حقعد معاهو طبعا
قلت ليها ان شاءالله تسكني في الكوشه الورى الدكان الجمبنا المهممم تجي انتي بسسس اها يعني بكره اجيك فالمطار
اسيه......مطار شنو حوصل تلاته صباحا انا نتلاقه بس في الجامعه بعدين السودان د م غريبة علي انا عايشه فيها اكتر منك ي عفنه بجيكي في الجامعه نقدم وخلاص مش لسا ثابته على رأيك فيوتشر ولا غيرتيها؟؟؟؟
قلت ليها هي زاتها ي قلب خلاص ي زوله نتلاقه
اسيه....زابط يقلبي بعد بكره بشوفك واول م اصل بديك تلفون من رقمي السوداني
قلت ليها تصلي بالسلامه يلا امشي نومي خلاص
اسيه..... تمام يلا باي..
........................................................
طوالي رسلت لي اسيل وكالعاده لقيتها اون لاين قلت ليها ي جزمه اتخيلي بكره منو جاي السودان وحيقرا معانا في الجامعه؟؟؟
اسيل....... اها ي يارا والله عذبتيني عذاب فالدنيا د م خليتي زول م جبتيهو الجامعه دي😂😂😂😂
قلت ليها اسيه صحبتي متذكراها؟؟؟
اسيل..... دي مش الفي الاردن؟؟؟
قلت ليها يااصصص ياها زاتها
اسيل.....اجيي؟؟ جايه من هناك عشان تقرا معاك وحتقعد هنا مع منو
قلت ليها اي قالت عندها اخوها هنا مؤجر شقه فالرياض حتقعد معاهو..
اسيل....لالا كان كدي تمام
بعد خمسه دقايق....
اسيل....يارا وينك
قلت ليها دخلت الانستا وجيت وزاتي نعست يلا اقطعي وشك ومشيت نمت.....
...................................................................
اسيل كانت حتقفل النت لكن جاتها رساله من مجد كاتب ليها نمتي؟؟؟
اسيل.....لسا
مجد....اها
اسيل....اها شنو
مجد.....انتي ي بت لي م بتتكلمي نفسي يوم القاك رسلتي لي لينا كم بنعرف بعض هسا م حصل يوم رسلتي لي..
اسيل.....😂😂😂ارسل اقول شنو يعني
مجد......المهم انا داير افتح معاك موضوع
اسيل اتوترت....اها
مجد.....اسيل يارا حكت لي عن حسام
اسيل......لو سمحت م دايرا اتكلم فالموضوع دا واصلا يارا كيف تحكي حاجه زي دي لي زول غريب المهم تصبح علي خير وقفلت النت ونامت.....
..............................
في الجانب التاني مجد زعل من طريقه كلامها لكن عذرها لمن اتزكر كلام يارا انه اسيل لمن تتعلق بي زول م بتنساهو سريع...
...................................
اليوم التاني صحيت بدري لانه خلاص بكره التقديم وفي حاجات مفروض اجهزها شلت تلفوني ضربت لي اسيل اول م ردت قلت ليها اها جاهزه لي بكره
اسيل...........لي بكره بنشوف
قلت ليها مالك انتي
اسيل........مالي؟؟؟
قلت ليها اسيل عليك الله اتعدلي فالكلام
اسيل......يارا عايني انتي منو السمح ليك تحكي لي مجد عن حسام
قلت ليها الموضوع عادي يعني ومجد صحبي فيها شنو يعني؟؟
اسيل..........صحبك انتي تحكي ليه عنك انتي م عني انا ي يارا تمام؟؟
قلت ليها خلاص تمام وي ستي معليش عشان حكيت ليه مع اني م شايفاهو سبب يستاهل زعلك انا بس كنت دايرا اساعدك
اسيل........الحصل حصل ي زوله المهم هسا بكره نتلاقه الساعه كم
قلت ليها عشره قالت تمام وقفلنا علي كده....
............................................................
اليوم التاني الصباح بدرييي صحيت اتجهزت وكده و طبعا ماف زول من ناس بيتنا حيمشي معاي لانه نسبتي كبيره يعني مؤكد بشيلوني بس ادفع القسط والاجراءات المعروفه د
طبعا نسيت اوريكم انا واسيل واسيه كللناا هندسه معمار😍😍😍😍😍😍😍😍
مشيت هناك واتلاقيت مع اسيه وشوف السلام والاحضان والبكا لي سنتين م شفتها غايتو شوق عجيب......
انتظرنا اسيل مسااافههه جات سلمت عليها وسلمت على اسيه ودخلنا
زي م قلت ليكم نحن نسبنا كانت كبيره فطوالي قبلونا ودفعنا وكده وقالو لينا الجامعه يوم الاحد الجاي طوالي مرقنا وقفنا مسافه كده
قلت ليهم اها نمشي نفطر بره وبعدين نرجع
اسيه......دقيقه طيب اضرب لي غسان اوريهو
قلت ليها غسان د شنو كمان
اسيه......يارا انتي عارفه انه انا عندي اخو واحد وم عندي غيرو اسمو غسان مالك؟؟
قلت ليها الزول د انا م حصل لاقيتو واصلا انتي م بتتكلمي عنه كتير
اسيه......😒😒😒اخرسي خلاص واتحركت مشت من جنبنا واتكلمت بالتلفون ورجعت قالت ارح
ركبنا مشينا اوزون طلبنا وقعدنا ناكل ونتونس وكده بعدين اسيه تلفونها ضرب
اسيه........ اي يا غسان خلاص تمام مارقه يلا
وطوالي قالت لينا غسان د بره وقال لي امرقي عشان ماشين ناس خالتي نسلم عليهم
قمنا ودعناها ومرقت......
اسيل.....يارا ترجعي معاي البيت؟؟
قلت ليها طواليي ارحح نمرق زاتو بعد ده
مرقنا وقفنا فالشارع منتظرين الترحال بس فجاءه شفت محل كده بتاع العاب حلفت الا اجيب السيارة لي حمودي😂😂😂😂😂
مشيت جبتها وجيت وركبنا الترحال وصلنا بيت ناس اسيل بس انا اول م دخلت لقيت حمودي بره ناديتو اتعاورت معاهو بعد سلة روح مرقت ليه السياره وبستو😍😍😍😍كان شفتوهو حلاتو كيف ماشاءالله بس.
طلعنا الغرفه فوق واسيل حكت لي عن اخر كلام ليها مع مجد بالتفصيل قلت ليها وانتي هسا مالك
اسيل........م رسل لي من اليوم داك ي يارا
قلت ليها اسيل عايني انا بالجد م فاهماك لمن يرسل ليك تتكلمي معاهو بي طريقه زي وشك
اسيل......اسكتي خلاص ياخ ماشيه اخلي امي تسوي لينا عصير بارد كده
قلت ليها جيبو لي كيكه معاهو
اسيل........يارا انتي م بتخجلي
قلت ليها بري اخجل من شنو ضحكت ومشت
انا فتحت الفيس شفت بوست منزلو قروب سوداني كده قفلت التلفون سريع وقعععععدددتتت ابكككككييي😢😢😢😢😢
اسيل دخلت الغرفه لقتني ببكي شديييددد
اسيل........ مالك ي بت بسم الله اتخلعت شديد وختت العصير فالتربيزه وجاتني
م رديت عليها بس مديت ليها التلفون اسيل شافت البوست وفجاءءءه بقتتتت بتبكي وبتقول مستحيلللللل لالا مستتتتتححححييل ده كلهههه كذب .............
اسيل ويارا مالهم نشوف البارت الجاي
#م تنسو التصويت والتعليقات
يتبع❤❤❤❤❤❤❤
