مالم يكن في الحسبان''

البارت الخامس

صار ساعه انشر بلبارت الرابع واكول شبي مينشر هههههه..

مرت الايام ادوام وكل ما اطلع من المدرسه يطلع عمر بوجهي
رتال. متمل يوميه جاي
عمر .انتضر ابنيتي تطلع اكحل عيني بشوفتهه....
اصعدي اوصلج....
رتال. بطل اسوالفك ما اريد اصعد اروح وحدي...
عمر.بكيفج اتصعدين برجلج لو اصعدج بيدي...
باوعتله وخزرته صعدت فرني... بسيارته ونزل يم اسواق شترالي... حلويات وعصاير وحبشكلات..
مد ايده ايريد يكمشني ونمشي....
كتله عيب منا العالم ما احب هاي.... السوالفي يالله خل نرجع...
عمر.نرجع نرجع ولا يهمج اهم شي متضوجين صدك التحقت بلشرطه نسيت اكلج....
رتال .انته مو هستوك طلعت من السجن...
عمر.اي وذا...
رتال.اشلون ايخلوون الحرامي شرطي...
باوعلي وخزرني اني موو حرامي توته انسجنت باااطل...
رتال. هاااارجعنه للبيت ...
نزلت ودخلت قبله وهو وراي..
لاكانه حسن..
هااا جايين سوه وين جنتو...
عمر. لكيته بطريقي اشتريتلهه واجينه سوه ...
خاله اشلونج...
امي. حبيب خالتك انته اشلونك...
عمر.الحمد الله خاله...

حسن .يله اتفضل ويانه على الغدى ...
عمر. لالا عدي شغل والله ...
امي.خاله امسويه ذيج الباميه اتلوك لهل حلك...
عمر.ههههه بلعافيه خاله على الجايات انشالله...
يله باي...
امي الله وياك سلمنه على اهلك ..
عمر. يوصل انشالله..
رتال. طلع عمر...
ودخلت للبنات انطيتهن الغراض..
امنيه.الله هاي خوش سالفه عفيه كل.. يوم خلي عمر ايوصلج...

زينب.اشمرولي جبس عفيه...
هاجر.رتال بعده ينتضرج اباب.. المدرسه..
رتال. اي ضايقني حته البنات كامن ايسالن اهواي منو وشعده...
من اكوله ايكول كوليلهن خطيبي
رفل.اكلج توته صحيح هوه اكبر منج.. وطالع من السجن توه بس شوفي.. ممقصر عليج بشي ومدللج ويخاف عليج...
لا تضلين ضايجه ومقهوره كل ابنيه.. تاليتهه بيت زوجهه تخلص وتصير.. اسوالف..
رتال. الله كريم..
هاجر. اكلج شنو تقشمرينهه بلحجي والله اني اكلج ورطتي روح مستقبلج ودراستج انسيهن وتتحملين بيت وعيال وجهال..
وج وين  تحملينهه العيال والزواج  انتي تبجين على النستله والكاكو بعدج بس شكول بعد حركتي كلبي عليج...
رتال. الله كريم عفيه هاجر عوفي هاي السالفه والله طلعت روحي اهم شي حسن يفرح ...
هاجر.اعنوديه انتي كاااارثه...
رفل.كولي يالله هاجر ايجوز ترتاح وياا شمدريج...
هاجر.والله ما ادري الله يسهلله قابل اني شريد منهه بس غير اخااف عليهه
رتال.لا تخافين الله مووجود..
زينب.دكومن خلي نتغده هسه وعوفو السوالف بعدين .....
اتغدينه ومرت الايام عاديه عمر يوميه يمنه ....
كعدت دنيه العصر شربنه جاي احنه وامي..
ونسولف ...
رتال. اكول يمه انتي ليش هيج تحبين اختج ولد اختج ودافعيلهم هلكد..
امي. اوووف يايمه جا غير شبعو ضيم من ابوهم ومرت ابوهم..
ترى ابوهم بس اتزوج تركهم لا يصرف عليهم ولا اله علاقه بيهم وخالتج فقيره مو من النسوان السباعيه التاخذ حقهه شبعهه هيه وجهالهه ضيم..
والله يا يمه جان يكتلهم الجوع ويرحون للسوك الولد يلمون المسواك الزايد والمشمور..
والبنات جانن خدم يم مرت ابوهن
وبس اتضوج سعده اتوز ابوهم وتخلي يكتلهم ويطردهم بلشارع ينامون على الرصيف ويكتلهم الحر محد يطببهم يخافون من ابو هوه جبيرهم وجان عمر يحترك كلبه سبع ويكتلهه بس يشبع كتل من ابو..
زينب. لعد ليش عمامهم ميدافعولهم
امي. يمه همه صدك كاعدين سوه بس محد اله علاقه بلثاني جنت انه كل اسبوع اخذلهم هل المقسوم مسواك ملابس خطيه اشكد يفرحون