💙
عاد ليقول لها :
هل ما زلت تحبينني ؟!
ردت باسمــــة : معاذ الله من أن ينبض لك قلبي مرة اخرى ، فقد آمنت أن بعادي عنك هو اجمل الحسنــات .. وما كان بيننا ليتـه يغفــر
بالصــــوم والصلـــــوات ...
•°•°•°•°•°•°•°•°•°•°•°•°•°•°•°•°•°•°•°•°•°•
- لالالالا ما ماشة قلت ليكم خلوني ياخي 😭😭😭😭😭.
- يا بت بطلي تخلف وامشي عشان الطيارة ما تفوتك.
- لالا مااشة انا دايرة اقعد مع امي 😭😭😭😭.
مسح وشو بيدو وقال ليها بحدة:انت هبلة دي السنة الرابعة ليك وانتي كل مرة في نفس الموال...شوفي سيدرا سكتت.
عاينت لاخوها وبعدها لسيدرا وزادت من حضن امها وقالت ببكاء:اوووف اذا سيدرا ما عندها قلب أنا اعمل شنو 😭😭😭.
سيدرا بققت عيونها بصدمة وضربتها في كتفها وقالت ليها:انا ما عندي قلب يا وتين...اصبري يلا اسي امشي قدامي خلينا نلحق الطيارة.
بعد تعب فكو وتين من امها ومشو ركبوا الطيارة المتوجهة من مدينة الضباب لأرض السمر والنيل 💙...دي السنة الرابعة ليهم وفي كل سنة وتين بتعمل كدا...على الاقل سيدرا بتسكت بس وتين بتقلبها مناحة وما بتسكت نهااائي...
قعدوا في مقاعدهم الكانت من الدرجة الاولى...استكانوا في مقاعدهم سيدرا شغلت فيلم ووتين شغلت سماعاتها وهي بتسمع لقارئها المفضل مشاري العفاسي 💜...كانت الدنيا ليل عشان كدا كانت معظم الانوار مقفولة...
كان عندهم كونيكشن في مطار قطر...من قطر للسودان ما كانوا جنب بعض...سيدرا كانت قاعدة مع مرة عجوز ووتين كانت قاعدة مع شاب...
•°•°•°•°•°•°•°•°•°•°•°•°•°•°•°•°•°•°•°•°•°•
- امي انا كم مرة قلت ليك انا ما داير ماااا داير.
- وليه ما داير الناقصك شنو عشان تابا العرس.
- امي ساي كدا ما عايز اعرس انا حر صاح؟
ردت بزعل:اي خلاص حر اعمل العايزو.
باس راسها وقال ليها:امي انتي ليه ما دايرة تفهميني انا ما داير ازعلك بس برضو انا ما مستعد للزواج والارتباط اسي.
- طيب يا ولدي على كيفك.
- ما زعلانة يعني.
- لالا خلاص.
- طيب استأذن انا.
- في حفظ الرحمن يا حبيبي.
طلع من البيت ركب عربيتو واتنهد بضيق وبعدها حركها ومشى لوجهتو...
•°•°•°•°•°•°•°•°•°•°•°•°•°•°•°•°•°•°•°•°•
في الطيارة...
وتين كانت بتبكي يقال اتذكرت امها...كانت بتبكي بصمت بعد شوية كدا طلعت منها شهقة وبعدها شهقة بقت بتبكي وبتشهق بس بصوت واطي...الشاب الكان قاعد جنبها انتبه ليها مد ليها منديل وهو بقول ليها:انتي كويسة يا آنسة؟
أنت تقرأ
لحن الحــب ♪
Teen Fictionكل القلوب تائهة في ملكوتها ... قلوب تتحسر على حب بدأ ولم يكتمل ... وقلوب مدمية على نهايات أتت قبل البدايات ... وقلوب اخرى ملتهبة بالعشق الذي ادمعها حتى الصميم ... وقلوب تتمنى ان تنعم براحة العشق ، واخرى تتمنى الخلاص منه ... ورغم لوعة الحب وقساوته تت...
