الجزء التاسع...
...........................................................
طبعا انا لمن شفت اسيل بتبكككي كده خلاص هبطتتت عديل وخفت زول من ناس بيتهم يجي طوالي قمت قفلت الباب وجبت ليها مويه قلت ليها خلاص اهدي عشان ماف زول يجي يشوفك كده
اسيل.......كيف يعني يموت يا يارا وريني كيف؟؟؟
قلت ليها اسيل ما تقولي كده متخلفه انتي دي اصلا سنة الحياه قولي انا لله وان اليه راجعون خلاص اهدي.....
اسيل......يارا لكن هو مات وهو زعلان مني ي يارا ياريت لو اقدر اتكلم معاهو يارييتت💔💔💔
...............................................
طبعا البوست الشفناهو انا واسيل كانو منزلين صورة حسام وصحبو وكاتبين انتقل الي رحمة الله نتيجة حادث سير والدنيا دي مقلوبه لانه حسام كان زول معروف وعندو اصحاب كتيييييرررر شدددديييدددد
...................................................
حاولت اهدي اسيل علي قدر م اقدر لكن زي م عارفين اسيل كانت بتحب حسام شددددييييد والمزعلها وقاهرها اكتر عشان مات وهم متشاكلين لكن د سنة الحياه والزول م عندو غير يقول اللهم لا اعتراض علي حكمك يا الله💔💔💔💔
..............................................................
انا رجعت البيت وبالججججد كنت زعلانه شددديييد علي حسام لكن زي م بقولو قدر الله ما شاء فعل يعني....
بالليل كده دخلت الواتس رسلت لي اسيل لكن م كانت فاتحه نت قلت خليها تقعد مع نفسها شويه طوالي كتبت فالستوري انا لله وانا اليه راجعون وقعدت اتونس مع رنا ورياف وبلحه وكده فجاءه مجد رسل لي فشنو؟؟خير ان شاءالله
قلت ليه مجد اتخيل حسام اتوفى
مجد(رغم انه م بعرفو).......ي الله ياخ انا لله وانا اليه راجعون متين الكلام ده وكيف اتوفي واسيل هسا كيف؟؟؟
قلت ليه والله حادث سير هو وصحبو الكلام د الليله الظهر كده
ووالله ي مجد اسيل م كويسه وهسا م فاتحه نت ياخ البنت د المصايب جاياها من اي حته متين لحقت تتأقلم علي الحياه بدونه يقوم يحصل كده.
مجد...........يا زوله قدر الله م شاء فعل انا زاتي ححاول اتكلم معاها مع اني من اخر مره اتكلمت معاها قلت تاني ما حرسل ليها
قلت ليه مجد عليك الله د م وقتو الليله الاربع والجامعه الاحد لازم اسيل تطلع من الحاله دي ياخ
مجد...........خير ان شاءالله م تقلقي انتي د كله لي حكمه..
قلت ليه ان شاءالله خير
وطوالي قمت ماشيه اشرب مويه تلفوني اتصل لقيتها اسيه رديت الوو اي ي اسيه
اسيه........ده شنو الكاتباهو في حالتك خير
قلت ليها واحد صاحبنا اسمه حسام اتوفي
اسيه....اهاا عظم الله اجركم ياخ البقيه في حياتكم
قلت ليها وشكر سعيكم امين يارب
قعدت اتونست معاي كده واتفقنا نمشي من بكره عشان نشتري هدوم للجامعه وكده قالت تمام وقفلت على كده
...................................................
طبعا انا م جبت سيرة عن علاقة اسيل وحسام لي اسيه عشان اسيل م بتحب انه احكي لي اي زول عن علاقتها بي حسام(الله يرحمه).
.........................................................
اليوم التاني الهو يوم الخميس اسيل صحت علي صوت تلفونها بضرب عاينت للساعه لقتها عشره صباحا قامت من السرير وقالت د منو كمان عاينت للاسم وقالت داير مني شنو كمان د ناقصاهو انا
وفتحت الخط وقالت الووو
مجد......اسيل كيفك
اسيل..... بخير الحمدلله وانت
مجد......تمام والله عظم الله اجركم ي زوله والبقاء لله خلي ايمانك كبير في ربنا
اسيل......وشكر سعيكم +ونعم بالله قدر الله ماشاء فعل حنعمل شنو
مجد......اها كيف الليله ومستعده للجامعه؟؟
اسيل.....يعني ان شاءالله
اتونسو ومجد كان بحاول يفتح معاها مواضيع لكن اسيل كانت متضايقه وبترد علي قدر الكلام..
.................................
في الجانب التاني انا صحيت من الصباح استحميت وصليت ومشيت عشان اشيل القروش من بابا
دخلت لقيتو قاعد هو وماما
قلت ليهم صباح الخيييررر ي حلوين
يعقوب(ابوي).....خير ان شاءالله
تغريد(امي)...ي صباح ي عليم ي فتاح ي كريم
قلت ليهم انتو اهل قاسين بالمناسبه
يعقوب وهو بضحك.....اها خير شو بدك
قلت ليه طبعا زي م عارفين الجامعه يوم الاحد فلازم الليله اروح اشتري الاواعي والجزم والشنط
تغريد.....م تجمعي هيك احكي لبسه شنطه جزمه
قلت ليها ماما خليك بره الموضوع لو سمحتي شلت القروش من بابا ومرقت لبست وكده وطلعت وقفت الركشه واتحركت علي بيت اسيل اثناء ما انا فالركشه اتصورت ونزلتها ستوري وكتبت Uot (خروج) عشان امغرز البنات وكده😂😂😂
مجد طوالي شافها ورد لي علي وين ان شاءالله
قلت ليه مارقين نشتري الحاجات حقت الجامعه وبعدين نمشي مطعم نطق ونرجع
قالي لالا تمام مروقين
طوالي قلت ليه رايك شنو تجينا فالمطعم
هو كمان م صدق قالي طوالي
قلت ليه قاعد علي الهبشه😂😂😂 وقفلت النت وسكت
وصلت بيت ناس اسيل لقيت حمودي بره قالي والله ي يارا بيتنا ده كرهتينا ليهو
قلت ليه اخرس انت اختك وين
قالي فوق بستو ومشيت
طلعت فوق قعدت ادق ليها في باب الغرفه فتحت لي وقالت بسم الله جيتي من وين انتي؟؟
قلت ليها قومي سريع البسي حنمشي انا وانتي واسيه عشان نشتري حاجات الجامعه
اسيل......شفتي يا يارا من محلتي د م متحركه
ولا اتفاهمت معاها طوالي نزلت ناديت ليها امها وجيتها فوق زي القدر
خالتو عبير......قومي ي بت امشي معاها زول بمشي معاك تاني ماف الجامعه بعد يومين
اسيل......... اي اي هدا دايرا البس
خالتو عبير......قومي يلا سريع ومرقت
اسيل........اخخخخ منك اخخخ
قمنا واتلاقينا مع اسيه واتحركنا مشبنا السوق اشترينا اي حاااجه وبعدين مشينا المطعم وقعدنا (وانا اصلا اول م طلعت من السوق رسلت لي مجد) اثنا ما نحن قاعدين كده مجد جا داخل سلم علي وقالي وين ي قلب قلت ليه اترزع اقعد
مد يدو لي اسيل وقاليها المزه
اسيل..😂😂😂اهلين ي مز
لاحظت مجد كان بعاين لي اسيه عين عرفه كده حتى هي بتعاين ليه نظام شفتك وين
فجاءه مجد قاليها ياخ انا بعرفك انتي مش اسيه عبدالرحمن؟؟؟؟؟؟؟؟؟؟
اسيه طوالي قالت ليه مجد!!!!!!!!!!
وقام سلم عليها تاني وكده طبعا اسيل عاينت لي عين نظام د شنو اديتها نظره بري(اي انا واسيل بنفهم النظرات دي انتو اسكتو بس😂😂😂)
طوالي انا قلت ليها بتعرفي مجد من وين ي اسيه
مجدد.........زمان جات فكره لي ابوي انه نستقر في الاردن سافرنا ولحسن الحظ سكنا جنب ناس اسيه ديل وبقت بيناتنا معرفه وكده لكن م توفقنا فالاستقرار هناك وبقينا نمشي زيارات نشوفهم وهم يجو هنا يشوفونا
قلت ليه ااااا لالا تمام والله😂😂😂
مجد........اسيه غسان كيف بالله
اسيه.......غسان هنا ليه كم سنه انا الاسألك ولا انت التسألني
مجد........هنا كيف يعني لي م وراني؟؟
اسيه........بري لمن تشوفو اسألو
طوالي انا قلت خلاص ياخ المهم ي مجد انا من عرفتك م حصل سألتك بتقرا وين انت
مجد.......فيوتشر
انا طوالي بي صوت عالييييي قلت ليه كككضاااابببب واي واي
مجد.....اترزعي فضحتينا وانتو بي نسبكم الكبيره د وين
عاينت ليه بي ابتسامه قلت ليه اتوقع
مجد......الخرطوم
قلت ليه نو نو معاك
مجد......هوي م داير معاكم حركات
اسيل....اجي حركات شنو كمان الجامعه ما تكون حقتك؟؟؟
اسيه ادت اسيل نظره كده ما عجبتني لكن سكت بس
مجد...... والله ي اسيل م حقتي لكن بس اتصدمت وكده وبعدين انا لاقي تكونو معاي😉❤❤❤
اسيل....طيب
انا طوالي قلت هوي اسيل اسيه ارح بعد ده مجد د م عندو موضوع
اسيه قالت غسان اصلا بره ارح سلمو عليهو وطلعنا كلنا مجد مشا قدام مع اسيه انا واسيل كنا ورى اثناء ما انا ماشيه تلفوني ضرب كانت رياف اتكلمت كده وم منتبها انا اسيه بتنادي اشرت ليها بي يدي نظام خلاص امشو وكده ومجد رجع وقف مع اسيل بعد ما ناس اسيه مشو
خلصت المكالمه ومجد قال ارح ركبنا معاهو واتحركنا
مجد.......يارا انتي اسيه د بتعرفيها من وين؟؟
قلت ليه انت عارف اسيه فلسطينيه ساكنه فالاردن وانا فلسطينيه...
قبل م اتم كلامي مجد قاطعني.....انتي شنو
قلت ليه فلسطينيه😂😂😂😂
مجد.....عليك الله ياخ؟؟
قلت ليه اجييي والله فلسطينيه
مجدد......وانا اقول البنت د م سودانيه نهااائي غايتو الحمدلله اها كملي
قلت ليه المهم اتعرفت عليها في نادي كده فلسطيني وبعدين سافرت الاردن عشان شغل ابوها وكده
مجد........اااا لالا تمام
طبعااا نسيت اوصف ليكم اسيه....
اسيه طويله.....اكيد حلبلب.....عيونها حلوينننن😍😍....عندها شخته في طرف حاجبها......شعرها طويل ماشاءالله ......محجبه.😢❤❤❤❤
المهم وصل اسيل وبعدين وصلني نزلت وخشيت البيت وريت ماما الهدوم وكده وطلعت الغرفه شغلت المكيف د ونمتتتتتتتت
#يتببببععع
م تنسو التصويت واكتبو لي الملاحظات❤❤❤❤❤
