صدف لا تنتهي

البارت 22

هبطات ميار من بعد ملبسات حوبجها كيف ما دارو لوخرين او مشات عند لبنات لي كانو تالفين او معرفين مايديرو لماكلة
ميار :اها ملقيتو مديرو
لبنى: يختي انا فهدشي تاع طياب كنهز راية لبيضة
اسماء: زيديني عليها
ميار: حتا انا مكيعجبنيش فاش مكنلقا مان طيب ولكين صبرو نشوف شنو فلكوزينة . يختي تقولي عايش بسيروم ملقيت والو (شويا بان ليها صقر نازل معا دراري) صقر اصقر
صقر: (جا معا دراري) باغا شي حاجة
ميار: سير معا دراري جيبونا شي حاجة نطيبوها
معاذ: انا غا عفيوني تليفوني خصو شارج
منير: او حتى انا حيت خصني نعطيه شارج
ميار: واش من نيتكوم
معاذ : هاهوا هاد لعجل تاع صقر تبارك الله ايقضي لغاراض بلا بينا
منير: حنا خوتك لكبار ايلا متسخرتيش علينا علامن باغي تسخر
صقر: اتسكت ولا نهرس لخويا طرمة
ميار: صاف انمشي انا ولبنات معا صقر
اسماء: لا انا خاصني نتسنا تليفون معاذ يتشارجا
لبنى: ونا خاصني نمشي معا منير يعطي شارجور ل
ميار: معمرني مطلقت هوايشي على شي بقرة فيكوم
مشا صقر او ميار لكاغفوغ يتقداو بقاو كيشريو لي خاصهوم
صقر : بقانا دابا غا لكلماغ او نساليو
ميار : لا مغنشريوهش
صقر : وعلاذ راه لبنات وصاوك عليه
ميار : هدوك غا كيدويو ونتى عندك حسيية منو او باغي تشريه تخورتي
صقر : ومسهلاش غاهوا نقصي من تخصار لهضرة ونتي زامل ليك لفم
ميار : تبارك الله على هضرنك فيها كلمات قرئانية
صقر : هههه وباز
بقاو مكملين شغلهوم حتى وقفات ميار قدام روايح تاع دراري تو بقات كتشمهوم
ميار : واعرة ريحتهوم
صقر : اش باغا بشي برفان ددراري واش نتي عزري او مفخباريش
ميار : بغيت ناخدها لحبيبي شغلك
صقر : الله يعميها ليك
ميار : ههه غا كنضحك اهاد لمغيار ، واش نتا مكيعجبوكش روايح دلبنات
قرب حداها حتى ولاو انفاسو لحارة لي كتخلي قلبها ادوب كتر ماهوا دايب
صقر : بحال ريحتك واه ، اه او انا ماشي مغيار
ميار : زعمة ، متأكد
صقر : واه متأكد
ميار : تبغي تجرب
صقر : او شنو لفائدة
ميار : لي خسر انفد اي حاجة قالها لاخر ليه
صقر : مشات ، عندك من ليوم حتى لغدا
ميار : مشات
رجعو لدار او بدات ميار طيب لبيتزا او لبنات كيعاونوها ، مهيا ايلا ساعة ونص صتا بداو دراري كيوجدو طبلة تجمعو على لماكلة
لبنى : عرفتي فاش فكراتني هاد لبيتزا
اسماء : ديك لبتيسري فاش كانت خدامة ميار
لبنى : تما فين كان ولد مول باتيسري كيقابل لبتيسري غا على قبل ميار ههه
منير : منهار خرجات من تما مبقا ضار بلباتيسري
لبنى : كان واكل عليك جوانط
ميار : كيما كااه عليك فؤاد ياك
لبنى ضرباتها ساكة
اسماء : هههه فؤاد فضحاتك
ميار : مهضرتش على ادم
هنا اسماء دارت كيف مدارت لبنى
معاذ & منير : شكون هاد ادم او فؤاد
لبنى : دبا احبيببى كان هدشي من لماضي غي ميار كتبغي ضحك
اسماء : راه موقع والو غا ميار كتقشب
منير : اشمن ماضي ولا حاضر فين عمرك سمعتي عنا حنا اسلام ولا وئام ادويو
ميار : لا وئام او اسلام مكنوش ولكين كانت دعاء او مونى اولا ، او بالنسبة لفؤاد او ادم فهدوك كانو عاجبينهوم لبنات مي مكانت تا علاقة
منير او معاذ عرفوها حماضت دكشي علاش قالو انساو لبنات او يلهوها فصقر
معاذ : نتى لي كدوي مشتيش لحبيب ديالك صفر شحال دوز
هنا صقر وحلات ليه
صقر : اش جابني لهضرة انا
منير : نتى مخليتي فنصرانيات او رسيات او لمغربيات غا لي نسيتي
ميار :(تقرصات مي مبغاتش تبين) صافي غا ضحكنا هجرتوه لينا خليونا ناكلو باش نخرجو
سلاو مكلتهوم او غسلو معنهوم او لبسو حوايج هوم او خرجو
لبنى : نمشيو عند دهايبي
ميار : لا خليه حتى نمشيو لرباط حسن او حتى لحوايج بلا منتقلو علينا او حنى غدا غادين عندها
معاذ : دكشي لي بان لي حتى انا لموهيم فيا جوع يلاه نمشيو نتعشاو فشي قنت
اسماء : مكرهتش نمشيو عند ابا لعربي او مرتو
منير : كنت انقولها ليكوم
مشاو او غا وصلو نقزات ميار علا لعربي من لور فاش كان كيمسح واحد طبلة
ميار : راجلي متوحشتينيش
ابا لعربي : الله اودي علاه انا نقدر
ميار : ازيانيتي العفريت او غادي وكترقع
ابا لعربي : الله امسخك هههه
مرتو : شتك اديك سليحفانا غا كتعنبي ليا عليه
ميار : ويلي ويلي علا مي نعيمة كتغير ، وش ندير هوا لي مبوقس
نعيمة : هههه الله امسخك باقا مباغا ديري عقلك ، تجي غا عنقيني راني توحشتك ادحشة ديالي
تلاحت عليها كتعنق وتبوس
معاذ : راه بديت نغار
ابا لعربي : شوف لعجل لاخر فين خوك او دوك جوج بقرات
منير : ها حنى انور لكبير
نعيمة : والله متحشمو هادي هيا توحشتك او شحال هادي مجيت عندك
تلاحو عنقوهوم كامليل صقر يلاه سالا من تيليفون او جا عندهوم ، شافو لعربي او تم جاي عندو
ابا لعربي : وليدي صقر توحشتك
صقر :(عنقو) حتى انا
نعيمة : دكشي باش كتسول الله امسخك
صقر : راك فلقلب البقوسة ديالي
ابا لعربي : شوف لحوري لاخر يتعنب ليا علمرا
نعيمة : غنتى تعنب عليك ديك دحشى ونا لا
لبنى : وغيز ليا علا بلان صقر كيتعنب
ميار : دابا امي نعيمة انا بحال بنتك
نعيمة : راك بنتي شوفي غا شبه
ميار : او صقر حتى هوا بحال ولدك
نعيمة : راكوم كاملين ولادي
ميار : ايوا صافي يعني انا وصقر خوت حمت ربي وشكرتو كتشفت لامر قبل مندير لمعصية
معاذ : ههههههههه وباركة كرشي دراتني ههههههه ميار ختك اصقر ههههه
صقر : او اسماء ختك امعاذ
معاذ : ما خوها مختي
صقر : ايوا سكت
قلسو فطبلا كاملين من بعد ما مشا لعربي او مرتو ايشوفو لكليان ويوجدو لماكلة لدراري
ميار : خيا صقر سبر جيبنا لماكلة راه وجدات
منير : ههههه سير اخوها سير هههه
ناض ايجيب شورما اوهوا كيتحلف فيها
صقر : با لعربي فين هوا تاع ميار
با لعربي : هاهوا هنا
شد لحار او بقا يخوي فيه مزيان ، او رجع عندهوم ميار لي غاتحط قدامها او بدات تعلف فيه او معيقاش بلحار صقر حيد لما من قدامها كبو او gلس كيشوف فيها كتحمار مقداتش تقول شي حاجة حيت مي نعيمة تما خافت تقول راه معجبهاش
صقر : كيف جاك اميار
ميار : واعر الله يعطيكوم صحة
صقر : او مالك حمرة
ميار : صهد انوض نغسل وجهي بلما
نعيمة : سير معاها اصقر راه متعرفش تسgد راسها
ناض معاها شربات لما عاد ولات شوي او كلات واحد لحلوة عندها
ميار : نتا لي درتي هاكا
صقر : باش نوريك خوك
ميار : عرفتي بسبابك ايخرجوري لباسر ليوم حشوما عليك
صقر : هههه باش هادي دير ليك لعقل
رجعو gلسو
مي نعيمة : هاد ربعا تخطبو او فرحوني بيهوم او نتوما اهاد جوج سلاقط مبغاش يهديكوم الله
ميار : انا باقة صغيرة علا زواج
مي نعيمة : لا صغيرة باينة ، ونتا اصقر سمعت بلي خطبتي
ابا لعربي : محشمتيش معلمتينا مقلتي هنا
صقر : وغا سمحو ليا راه كنت مزروب
مي نعيمة : ملي مزروب كون علمتيني نشوف ليك شي بنت على مزيناتها ايما هديك باينة عليها ممزياناش
لبنى : علاه شتيها امي نعيمة
نعيمة : مشتهاش ولكين باينة تكون شي خيبوعة لا بقة لا جمال
صقر : هادي عندك فيها لحق
نعيمة : ايوا شنو راه منقبلهاش لكانت خايبة ولا شي سفود
صقر : لا راه عامرة لحم
نعيمة : هيا شي بقرا لي تقول او شعر جيكس
ميار لي كانت كتقيس وجها او شعرها او حتى صحتها ، اما لو خرين فمايتين بضحك او دتيرين ليهوم فيديو
ميار : ايوا لواه امي نعيمة مناش جاها خايبة ولا غليضة او شعرها رطب
ابا لعربي : وتي شفتيها حتى عرفة عليها كولشي
منير : علاه كاين لي مكيعرفش راسو كيف داير
ابا لعربي : كيفاش
معاذ : كي شتي صقر خطب ميار
مي نعيمة : متقولهاش
ميار :(دارت راصها مقلقة)انا هيا ديك لبقرة لي شعرها جيكس او خيبة فوجها
مي نعيمة : حاشا علاه هاد شعر لمسرسب او هاد لعينين زورق او لفورمة لي كتهبل فين خليتيها
ميار : سبغي فيا سبغي
ابا لعربي : تسبغك مالك حيط ، اول مرا ديري شي حاجة زوينة فحياتك راه صقر ولد الناس خصك تحمدي الله وتشكريه عليه
ميار: هوا لي خصو يحمد الله ويشكرو حيت قبلت بيه
منير : راه كتن تابعها 6 شهور كاملة
الكل: ههههههه
💋💋💋💋💋💋💋💋💋💋💋💋💋💋💋💋💋💋💋💋💋💋💋💋💋💋