♤حنين♤

حنين (4)

رواية .. ♤ حنين ♤

بقلم .. كيمو 🍟

♤4♤

ريان رجعت البيت سريع و دخلت غرفتها و هي بتبكي ... حنين و كوثر لما دخلو قالو لي امها وين ريان .. قالت ليهم دخلت غرفتها و قفلت الباب م عايزة تفتح اكيد م نجحت صح؟؟ حنين قالت ليها لالا والله ي خالتو نجحت بس .. ام ريان قالت ليها بس شنو ؟ جابت كم يعني .. حنين بصوت واطي قالت لي كوكي م تتكلمي و تقولي ي زفتا .. كوكي قالت جابت 67 ي خالتو .. ام ريان طبعا الدرجة م عجبتها نهائي و وقفت جمب باب غرفة ريان و قالت ليها ..{ انا م زعلانة منك ي ريان و خلاص دي درجتك الكاتبها ليك ربنا و صراحه انتي م تستحقي احسن من كدة لانك م كنتي بتقري كتير و على فكرة يعني 67 م كعبه شديد .. و لو دخلتي اعادة السنه الجايه ح تجيبي احسن .. انا عارفاك خايفه مني و كدة بس والله م زعلانه منك .. قولي الحمدلله خلاص و يلا افتحي الباب .. صحباتك واقفين و عايزنك ..

حنين { افتحي الباب ي ريان عليك الله

كوكي { لازم تفتحي ي ريان

*ريان ردت ليهم و صوتها واضح منه انها لسه بتبكي و قالت { م عايزة اتكلم مع زول الليله ممكن .. خلوني بس

ام ريان { طيب ي بناتي خلوها الليله .. لي بعدين او بكرة بتهدا

حنين { طيب ي خالتو

كوكي { طيب يلا ي حنين

حنين { يلا

🖊حنين و كوكي طلعو و كانو متاثرين شديد و هم ماشين في الشارع .. حنين بدت تبكي .. كوكي قالت ليها م عارفة والله اقول ليك شنو .. بس بالجد هي ريان كانت مستهترة شديد ي حنين و م كانت بتقرا زينا ..حنين قالت ليها والله زعلانه عليها شديد و كمان م ح تخش معانا نفس الجامعه .. و لو حاولت تخش معانا و كدة الا بي قروش كثيرة و انتي شايفه وضعهم ي كوكي اهلها م بقدرو يدفعو .. كوكي قالت ليها بالجد مشكلة والله ....🖊

🖊ريان قاعدة في غرفتها و زعلانه شديد .. شالت التلفون رسلت رساله للولد الاتعرفت عليهو و بقى حبيبها و عايز يجي السودان يخطبها .. نص الرساله كان كدة [ اكيد انت منتظرني اجي و اقول ليك اني جبتا درجه عالية و كدة .. بس للاسف انا جبتا درجة زفت و زهجانه من نفسي شديد .. صحباتي شديد درجاتهم اعلى مني بي كثير و ح يدخلو نفس الجامعه مع بعض وانا م ح اقدر لاني م استاهل اصلا ..انت ح تجي السودان متين ؟ لاني خلاص م عايزة اقرا و عايززة اكون معاك و اتزوجك .. صح انت قلتا اني عجبتك و ح تجي تخطبني .. لاني زهجت من حاجه اسمها قراية ] .. ريان رسلت الرسالة و دموعها نازلة و فجاءة رد عليها و قال ليها ..[ هلا ريان .. م تزعلي حبيبتي انا معاك و جمبك .. و انا جاي السودان قريب ان شا الله اقل من شهرين ..جاي احضر رسالة الماجستير من السودان .. و ح اشوف معاك موضوع الجامعه دا و ح تقري مع صحباتك و انا ح اتكفل بي اي مصاريف و ح اخطبك كمان .. لانك تستاهلي كل شي حلو وانا بحبك و ح اعمل ليك اي شي عايزاهو .. بس انتظريني لما اجي السودان]

🖊كلام الولد دا غير نفسية ريان 180 درجه و فرحت شديد و طوالي طلعت من غرفتها و كلمت امها بالكلام كلو ..بس امها م عجبها الكلام .. ريان طوالي طلعت سريع قبل م امها ترد عليها و قالت ليها ماشة لي حنين و جاية ..🖊

*🖊ريان وصلت و دخلت لي حنين في غرفتها و كانت قاعدة معاها كوكي .. و طوالي قعدت جمبهم و كان واضح عليها انها فرحانة ..*

كوكي { بسم الله .. شنو سر الفرحة الفجاءة دي

حنين { اصلا ريان دي عسسل ياخ انا عارفها م بتكون زعلانة دايما ..

ريان { استنو احكي ليكم

*ريان حكت ليهم الكلام القالو ليها الولد كلو ..*

كوكي { صحي ي ريان هو الولد سوداني يعني؟

ريان { اي ي بت سوداني ..

حنين { م عارفة غايتو انا ي ريان .. لكن انتي واثقه فيهو يعني .. فجاءة كدة الولد دا يجي يخطبك و يدفع ليك قروش الجامعه ..

ريان { اي عادي والله .. الولد بحبني و صراحه انا م شايفه فيهو حاجه غلط و محترم والله و واضح انه م بكذب

حنين { كدي نصبر و بنشوف

ريان { اييييييي

كوكي { شوفيها فرحانه كيف الكلبة ..

ريان و هي بتضحك { كيييييييف م افرح بسسسس  .. هو في كلام احلى من كدة ..