الجزء العاشر.....
.........................................................
يوم السبت جا وخلاص بكره الجامعه طبعا انا متوتتترررههه شددديييييددد والعجب اسيل😂😂😂...
المهم انا شغاله اجهز في حاجاتي وطبعا حركات البرالمه الدايرين يقشرو وكده....
................................
يوم الاحد صحيت الصباااححح بدريييي زي التقول عرسي😂😂😂
استحميت وصليت وجيت لبسته لي فستان فنايلي اسود ملصصقق كده ولبست معاهو جكت شيفون ابيض وطرحه مشكله وسبورت ابيض ومكياج وحركات ومرقت عشان انا واسيل حنتلاقا بعدين نمشي الجامعه سوى..
................................
مرقت ومشيت الحته المتفقين انه واسيل نتلاقه فيها ودقيت ليها ردت قلت ليها وين انتي قالت لي قريبه خمسه دقايق بس
بعد شويه القاها ليك جايه علي طبعااا ماااا عرفتهااا😍😍😍😍😍
كانت لابسه ليها سكريتي فنايلي اسود ومعاهو قميص قماشتو خفيفه كده عرفتوها والنوع البكون زرايرو ورى ولابسه طرحه بالون الكبدي وسبورت ابيض😉❤❤❤❤
جات علي قلت ليها م عرفتك ي شقيه قعدت تضحكك ركبنا ومشينا طبعا خايييفيين شددديييييددد اول ما دخلنا الجامعه نشوف الناس بعرفو بعض وانا واسيل نشيل ونقرص بعض غايتو والله الزول لمن يكون جديد في الحته حاجه صعبه خلاص😂😂😂😂😂😂😂
قلت لي اسيل اضرب لي مجد؟؟
اسيل..........بري م ناقصنا عاهات من الصباح
قلت ليها غايتو انتي😂😂😂
اسيل........عايني البينش داك فاضي ارح نقعد فيه لحد ما نلقا لينا زول نباريهو
قلت ليها ارح
مشينا قعدن فيه وانا فتحت تلفوني وقعدت اتصور مع اسيل
فجاءه اسيل قالت اجي اجي اجي؟؟؟
قبلت عليها بلت ليها فشنو
اسيل........القاعدين هناك ديك مش اسيه ومجد؟؟
عاينت مكان اسيل بتأشر لقيتها فعلا اسيه استغربت من الصباح لي م ضربت لي او كده لكن سكت بس
قلت لي اسيل عايني م تعايني ليهم ولا شي لحد م براهم يجو
اسيل..........اعاين ليهم شنو كمان غايتو الحمدلله بس...
طبعا كل شويه كنت بعاين لي اسيه ومجد بتونسو كده كانهم اصحاب او في بينهم شي يعني واسيه دي كل شويه تضحك وتضربو في كتفو
قلت لي اسيل عايني ارح خلينا نسأل زول يورينا القاعه حقتنا وين
اسيل.......ارح اي
مشينا وطوالي شفت شلة كده واقفه م ظاهر عليهم برالمه شكلهم سناير او كده طوالي وقفت قلت ليهم السلام عليكم
كلهم.......وعليكم السلام
قلت ليهم دايرا اعرف قاعه معمار وين لو سمحتو
رد لي واحد منهم قالي الطابق التاني اول قاعه علي يدك اليمين
انا طوالي قلت ليه عاين يا هناي عليك الله ما امشي القاها حمامات اولاد ولا مكتب اساتذه
طبعا كلههممم ماتو من الضحك حتى هو
قالي كمان الليله اوصلك لحد القاعه رأيك شنو
قلت ليه زيك كم انت
قالي حار حار كده غايتو مصلحه عجيبه😂😂😂
ضحكت ومشا معانا انا واسيل
قالي اسمك منو ي برلومه
قلت ليه يارا
قالي وانا خالد
قلت ليه تشرفنا ي فرده
ضحك وقالي وصحبتك الهاديه دي
اسيل عاينت ليه وقالت اسمي اسيل وضحكت
ضحك وقالينا انا زاتي بقرا معمار توب سنير لو دايرين شي طوالي تعالو لي
قلت ليه م بتقصر ياخ
وصلنا ومشا
دخلنا لقينا اسيه قاعععده اول م شافتنا جات علينا سلمت ومشينا قعدنا
اسيه.......... طبعا الصباح غسان جابني ولاقيت مجد فتشتكم ما لقيتكم كنتو وين
قلت ليها قااعدين وحاضرين ونستك مع مجد يختي وضحكت😂
عاينت لي عين كده وغيرت الموضوع طوالي
اتونسنا كده بعدين جا اول دكتور عرف عن نفسو قال اسمو دكتور ضياء وقعد يتكلم عن عن مسيرتو في الحياه طوالي قبلت علي اسيل قلت ليها د مالو المتخلف د داير يطلب وحده فينا ما خلى شي عن نفسه م حكاهو اسيل قرصتني لانه الدكتور كان بعاين لينا😂😂😂😂😂😂
طبعا اتحرجت شددديييييددد وطوالي ابتسمت للدكتور
هو شكلو كان جادي قال الحلبيتين الجنب بعض قومو على حيلكم طبعا اول يوم والاحراج د مبااالغه ي جماعه
قمنا طوالي
وجه الكلام لي وقالي كيفك
قلت ليه تمام وانت
فجاءه ضحك قالي انا تمام اها وريني كنتي بتقولي فشنو
قلت ليه والله ي دكتور كلامك عجبني شديد قلت لي صحبتي دي ركزي معاهو
طبعا القاعه كلها ضحكت وهو زاتو ضحك قالي اقعدي وتاني ركزي انتي م عليك بي زول
قعدت طوالي وبقيت شادة ضهري وبعاين ليه م برمش عديل 😂😂😂😂😂😂😂😂
بعد ما الدكتور مرق الناس بدت تتعرف علي بعض اسيه كانت جنبي ومشغوله بالتلفون عاينت فالتلفون كده لقيتها بتتكلم مع مجد في الواتس ومسجلاهو(MGOD) ومعاها قلوب استغربت لكن م سألتها سكت بس
قمت طوالي قبل علي اسيل وقعدنا نوتس ونعلق ونضحك وكان في شلة اولاد جنبنا قام واحد فيهم قالينا ضحكونا معاكم ياخ
عاينا ليهم وسكتنا عشان ما نجرجر معاهم كلام
بعد شويه نلقا الولد الاتكلم ومعاهو واحد تاني جونا سلمو علينا واحد اسمو احمد والتاني حاتم سلمنا عليهم طلللعو ظرييفييين شدددديييدد
وحاتم ده طلع الليدر حق الدفعه شال ارقامنا طوالي عشان القروب حق الواتس بعدين قالو لينا ارح الكافتريا
اسيل........ما دايرا انا امشو انتو
طوالي انا حمرت ليها وجريتها عشان الاولاد م يتحرجو وقبلت لي اسيه قلت ليها ارحح
اسيه..........لالا منتظره مجد قال جاينا هنا تعالو اقعدو انتو
قلت ليها انتظريهو انتي نحن ماشين
اسيل قربت مني قالت لي صحبتك دي مالها
قلت ليها بري اسيه وحركاتها م تشتغلي بيها ارح
ونحن مارقين لاقانا مجد
مجد.......اوووو يارا واسيل كيفكم ياا
اسيل.......تمام الحمدلله
قلت ليه تمام والله الحمدلله انت كيف
مجد......تمام والله وسلم علي احمد وحاتم
وقبل قالي سريع كده اتعرفتو ماشاءالله
ابتسمت ليه وسكت
قالي اسيه وينها مالها م معاكم
اسيل......... جوه منتظراك
مجد.....تسلمي ي سلسوله يلا بشوفكم ومشا من جنبنا
طبعا انا واسيل مستغربين من حركات مجد المهم ما اشتغلنا بيهم كتير مشينا واتونسنا مع حاتم واحمد وطلبنا سندوتشات وكده واليوم عدا عادي طبعا انا واسيل حلفنا ما نوري اسيه ومجد واحنا مارقين مرقنا برانا ومشينا ولا اشتغلنا بيهم☺☺☺
...............................
اسيل وصلت البيت طوالي استحمت ولبست بنطلون جينز ابيض وبلوزه كحلي غااامق وسرحت شعرها وفتحت النت قعدت تشوف في الاستوريات لقت ليك مجد خاتي صوره ليهو هو واسيه وكاتب تحت(Life Freind)
اسيل حست نفسها اتغاظت لكن قالت غايتو محن وقفلت الواتس
.............................
انا برضو رجعت البيت غيرت هدومي وقعدت وكده تلفوني ضرب رديت قلت اي يا دوباميني😂😂😂
قالت لي يارا شفتي اخر ستوري لي مجد
قلت ليها بري فشنو
اسيل......غايتو صحبتك دي فيها جنس خفه
قلت ليها اسيه
اسيل......اي امشي شوفيها متصورة معاهو كيف
قلت ليها وانتي الحارقك شنو
اسيل......يحرقني ليه يختي يشبعو في بعض اصلا حله ولقت غطاها
قلت ليها اي م تشغلي بالك كتير ي زوله
قفلت منها مشيت فتحت المذكرات حقتي وكتبت اشتقت ليك شديييييييد ياريت ترجع ايام زمان ياريت❤❤
وقفلت النت ونمت
....................................................
#يتبع
م تنسو التصويت ي جميلين
