نرجع قبل الزواج
من عرفت السالفة مالت نور كلش ضجت وياهو الي يجي اتعارك ويا ( يتعارك ويا ذبان وجهة )
المهم راسلت دموع بس فرغت حركة كلبي بيها
ضليت اغلط وصيح وسب وكفر ما خليت شي ما سويتة ( جفصت من كلت بس )
تعاركت وياها وكتلها بعد ما اكدر اكمل اكثر
وياج هي ضلت تبجي المهم سديت الخط وهي لو يمي جان جنزتها صح هي مالها دخل بلموضوع كلة
بس من ضلت تلح جنت على نفسها
من تعاركنا اسبوع اني ما احجي وياها
كطعت علاقتي كلش بيها
المهم دك رقم غريب علي جان يصادف يوم اربعاء
رديت
: الو
: الوو
: منو
: اني هاجر
: يا هاجر
: حبيبت فهد
: اي وليش داكة علي
: فهد ما جاي يرد على مكالماتي
: منين جبتي رقمي
: هو نطانية
:همممم والمطلوب شنو
: اريد احجي ويا فهد هسة موجود يمك
: لا ما موجود وحتى اذا موجود ما انطي الجهاز وبعد اذا دكيتي راسج اكسرة
: بس اريد احجي ويا فهد
: انتي تفتهمين شنو احجي لو لا جاي اكلج روحي منا خل شوية تصير عدجن كرامة لازكات للولد يعني هو لو يريد يرد جان رد عليج شنو بعد هاي الملحة الزايدة
: سدت الخط
رحت عليهم جانو مجموعين بلصالة كل واحد لازم الجهاز مالتة اني ضايج وطاكة روحي وهذولة كل شوية وحدة داكة علي اريد حبيبي كتلهم
: والقران الي بعد ينطي رقمي لصاحبتة احسب اللة ما خلقة افتهمتو لو اعيد
فهد : شبيك هايج علينا مثل الثور منو مخابرك
: انت بلاخص لازم تسكت لان متحمل منك هواي واذا اطلعهن الك كلهن ما تطلع من هذا الباب عايش
سكتو كلهم بعد محد حجة شي
اني طبيت سبحت هديت شوية ودخلت على البرنامج فا اول ما طبيت لكيت واحد داخلي خاص
اسمة زين كال شبيك ويا تاج ( اسم حسابها تاج الملكة )
: وانت شعليك
: شنو ما علي
: بابا روح مالي خلكك
: شنو روح شو ما تعرف تحجي عدل
: شتريد فضني راسي يوجعني ومال خلك ابسرعة احجي
: ليش هيج ويا تاج شنو مسويتلك وهيج تتعامل وياها ها انت حيوان لان بس الحيوانات هيج تتصرف
: لك بابا انت شكو اني وياها اذبحها اموتها اكتلها احبها انت ما عليك
: احمد احترم نفسك تاج عزيزة علي وما اقبل احد يئذيها
: واني شعلي بيك ذيج وينها روح اخذها بلحضان حتى تسكت خطية
: احمد تاج تحبك
: استغفر اللة اكلك تنجب لو شلون
المهم ضلينا نحجي ومن ضمن الحجي اكو غلط هواي
اني رجعت على تاج
: اني جنت شاك بيج كحبة بس هسة تئكدت منج
: احترم نفسك اني اشرف منك
: هو منو كلج اني شريف اصلن
: انت شعندك رجعت ها
: منو هذا زين
: يا زين
: زين ال*******
: ما اعرف
: لا تجذبين اذا ما تعرفينا شلون درة بلمشكلة الي بينا
: اذكرت بس مرة وحدة حجيت ويا وكتلة اني حبيبت احمد بس وما حجيت شي ثاني
واذا على المشاكل ما اعرف منو موصلة هل شي
: احبج
: احمد انت واحد جذاب لو تحبني ما تسوي هيج وياي ولا تغلط علي
: اسف جان عندي ضرف وعصابي متوترة وانتي اجيتي وطلعت بيج
: شنو من ضرف
: لا دوخين راسج بي
: شنو ما ادوخ راسي بي تدري صارلي اسبوع ما اعرف طعم النوم بس افكر شنو السبب الي خلاك هيج تتصرف وياي
: اكلج وتسمعيني للاخير
: كول
: حجيتلها كلشي من بدايت الموضوع لحد هسة
: احمد وهسة شلون راح تتزوجها
: ما اعرف شلون واذا ما قبلت نطلع من العشيرة
شلون اتصرف ما اعرف دايخ والف فكرة براسي
: هدي حبيبي كلشي يهون انت بس اعصابك هسة يصير بيك شي من وراها
وهم ضلينا نحجي لوكت متاخر
هذا الشعر عجبني كلش حلو اقرة وشوفو اذا يعجبكم او لا
بنات التاس لا تلعب
شرفهن جام
ما مجبور تكسر جامة وتلمها
ولا تغلط
وترجع تعترف غلطان
اني وياك غلطت انت علمها
حبك حب صدك لو حب الاستطلاع
تحبة تحب اختة تحب بنت عمها
العاشك من صدك شراي مو صياد
الدم دافع فلس الوردة اليشمها
حط امك
حط امك كبال عيونك
احذر لو
فكت زيجها وتدعي عليك امها
وحط اختك كبال عيونك
احذر خاف الجمرة البيد اخوها تروح تلزمها
اعدم نزوتك بيتك يضل مستور مو تستر ذنب
والغيرة تعدمها
الحديثة ال تامن بيك
لا تنهك حرمة حرم تخذلها
وتصبحون على خير
