الجزء الثاني عشر........
......................................................................
اول اسبوع في الجامعه عدا عادي ما كان في شي مميز يعني بنمشي نحضر محاضراتنا نتونس ونرجع بس كده.......
علاقتنا بي سارا بقت قويه وبنحكي ليها اي شي وهي زاتها بتحكي لينا
اسيه كلامي معاها بقا قليل شديد لانها اتغيرت وبقت ما زي زمان وانا ما حابه اسألها
اسيل ومجد بقو بتكلمو اكتر من قبل يعني ممكن نقول بقو اصحاب.
انا ومجد بنتكلم لكن ما كتير يعني عادي
بنتواصل مع رياف ورنا وبلحه لكن ما كتير
.....................................................................
الليله كان يوم الجمعه طبعا اليوم ممل شددديدد يعني قاعده في غرفتي كالعاده وفاتحه الانستقرام بقلب ساييي
تلفوني اتصل.....
رديت الوو
اسيه.... الو يارا كيفك
قلت اهلين تمام والله وانتي
اسيه......تمام والله الحمدلله
بس كنت دايرا اتكلم معاك في موضوع كده
قلت ليها اتفضلي يا قلبي
اسيه......ما عارفه حاساك متغيره معاي فالجامعه لو في شي مضايقك مني وريني يعني
قلت ليها لالا مافي شي والله واضايقك منك ليه اصلا
اسيه.....اخخ الحمدلله كنت قايلاك زعلانه من شي المهم الليله مارقه مع مجد طبعا ما وريتك
قلت ليها واوووو
اسيه...... اي والله صراحه مجد ظريف يعني والنوع البعجبني
قلت ليها اي اي باين المهم هسا حقفل وبرجع ليك بعدين
اسيه..... تمام يلا باي.
قفلت منها وطوالي دقيت لي اسيل حكيت ليها المكالمه البيني انا واسيه😂😂😂😂😂😂
اسيل........هم اصحاب للدرجه دي يعني مرقات وكده
قلت ليها اصحاب شنو يا بت دي شكلها بتحبو ما شايفه قالت ليك النوع البعجبها عديل
اسيل..... سبحان الله هو زاتو الولد ده بي وشين يا يارا والله
قلت ليها كيف؟؟؟
اسيل......يعني مجد البتكلم معاي ما نفسو مجد البكون مع اسيه
قلت ليها دي حركات الاولاد غايتو قايلو من دهب طلع اوسخ من ابو لهب
اسيل......الجمله الاخيره دي جبتيها من وين😂😂😂😂
قلت ليها باب الحارة😂😂😂😂
المهم كدي ارح بكره بعد الجامعه نمرق اصلا يوم السبت عندنا محاضره وحده
اسيل......وري سارا خلاص ولا حتكون مشغوله مع عرس اخوها؟؟
قلت ليها متين هو العرس عشان نجهز الفساتين
اسيل....... هي لسا م عزمتك استكيني😂😂😂😂😂😂
قلت ليها اخرسي انا ماشيه بدون عزومه المهم بكره نوريها لو وافقت نمشي لو رفضت نطير برانا
اسيل.......بكره لي هسا بوريها خلاص يلا باي ياخ الرصيد
قلت ليها انتي متخلفه انا المتصله ليك ي جزمه وبكره تعالي قاااشرة عشان المرقه
اسيل.......😂😂😂😂😂😂كويس كويس يلا
.................................................................
طبعا مشيت وريت امي قالت لي امشي ساي وسارا قالت بتمرق معانا ما عندها مشكله
صحيت الصباح بدرييي لبست لي بنطلون اسود(سكيني) بلوفر ابيض مكتوب فيه كلمه بالياباني بالون الكحلي لبست سبورت ابيض وطرحه بدره(البتكون قماشتها لينه) لونها برضو كحلي ختيتها كده في كتفي ومرقت
مشيت الجامعه طوالي دخلت القاعه لقيت اسيل وسارا بتصورو ساي واسيه شكلها ما جات
جريت خشيت في الصورة طبعا كانو قاشرين شديد
قعدنا نتونس لحد ما الدكتور يجي بعد زمن جا الدكتور وخلصنا المحاضره ومرقنا مشينا البيت المصري اكلنا وشربنا عصيرنا وقعدنا نتمشى ونتونس ونتصور وكده
سارا............يا حلوات عارفين عرس اخوي قرب صاح بديتو تجهزو؟؟
قلت ليه اي طبعا جاين متخافي
اسيل..... ان شاءالله خير😂😂😂😂
قلت ليهم ارح بعد ده نرجع خلاص
ركبنا العربيه وكلنا نزلنا الصور ستوري وكده
اسيل كانت خاته صوره لي انا وهي واقفين وخاتين يدينا في وجوهنا
مجد..........بقا فيها خيانات؟؟
اسيل.....وين الخيانه في الموضوع؟؟
مجد.......مارقين براكم؟؟؟دي ما خيانه
اسيل.......انت داير تمرق مع اي زول(قصدها انه امبارح مرق مع اسيه انا حكيت ليها لانه😂😂😂)
مجد.......مفهمت!!!!!
اسيل..... انسي😂😂
مجد....نسيت😂😂😂😂
...................................................................
#عند مجد
وهو بتكلم مع نفسو
والله ي اسيه ما قصرتي خلاص شكلنا قربنا من الهدف ان شاءالله ياخ الامور تظبط
....................................................................
اسيه بقت حاسه نفسها زهجانه فالقعده براها ولمن شافت الصور حقت الطلعه حقتنا اتغاظت شددديييييددد واتصلت لي مجد رد وقال اهلا اهلا
اسيه........مجد رأيك شنو نوري يارا الحقيقه؟؟
مجد......مالك فجاءه؟؟
اسيه......انت عارف انا ما عندي صحبه هنا غيرها وهي بي سبب تصرفاتي د حسيتها بدأت تكرهني خلينا نوريها وخلاص
مجد.......لالا يا اسيه ياخ وانتي شايفه يارا بتحب اسيل شددديييييددد وبتوريها اي شي انا زاتي والله لو ما بعرفك من زمان وبثق فيك ما بخليك تساعديني
اسيه......خلاص ما مشكله يلا بشوفك بكره
مجد.....تمام يلا
.........................................
#اسيه وهي بتعاين لي صور الطلعه وبتتكلم براها ياريت يا يارا تعرفي اف ياخ وقفلت التلفون ونامت
...................................................
طبعا نحن رجعنا البيت وغيرنا وكل زول نام الا انا مشيت فتحت المذكرات حقتي وكتبت*الي ذلك القابع بين ثنايا روحي....ستظل هنا حتى يأذن الله بالتلاقي*❤❤❤❤❤
............................................................
يتبع
ما تنسو التصويت
البارت قصير لكن ان شاءالله لي قدام بحاول ازيد الطول حبه
❤❤❤❤❤❤❤❤❤❤❤
