الصغيرة والصعيدي

طلب اليد

الحاج عبدالرحيم :- لا ي ولدي شرطي هو انك تتچوز.

اختنق فارس بالأكل وأخذ يسعل فناولته اخته كوب من الماء شربه ثم قال:- اتچوز كيف يابا.

الحاج عبد الرحيم:- هيكون كيف يعني  هتتچوز كيف ما الناس بيتچوزوا مأذون وطبل وزمر ودخلة .

اخذ فارس يضحك بشده ويقول :- اكيد بتهزر يابا بس المزح ده تجيل جوي.

الحاج عبد الرحيم :- ومين جالك إني  عم بمزح يا ولدي وده وجت مزح انا بتكلم چد.

فارس بعصبيه:- لا بچد ايه اكيد بتهزر انت عارف ان انا مش بفكر في الموضوع ده دلوجت وان الأهم عندي دلوجت ان اخلص الدكتوراه ليه اربط نفسي بمره  من دلوجت .

الحاج عبدالرحيم :- اهو دا اللي عندي يا ولدي بدك تسافر برضايا يبجي تتچوز الأول .

فارس :- يابا انا عايز اسافر بالكتير جوي كمان سبوعين عشان الحج السنة من أولها .

هنا تدخلت الحاجة نعمات وقالت:- متحملش هم الموضوع دا يا ولدي قول انت موافج واحنا نچوزك ف سبوع واحد من اتنين.

فارس:- يعني انتي موافجه علي الكلام دا ياما.

الحاجة نعمات:- وموافجش ليه يا ولدي وانا بتمني اليوم اللي اشوفك فيه عريس واشيل عيالك .

الحاج عبدالرحيم :- هاا يا ولدي موافج ولا لاه.

فارس :- يعني هنلحج نلاجي عروسه ف سبوعين ونتجدم ونعمل عرس  ومين اللي اهلها هيوافجو يرموها ف سبوعين إلا إذا كانو عايزين يخلصوا منها.

الحاجة نعمات :- لا يا ولدي عندي عروسة ليك فلجة قمر جمال إيه وحلاوة إيه وأخلاج إيه.

فارس بمضض :- يعني انتو مرتبنها من الأول بجا قولو اكده وأكيد بجا العروسة چاهلة ما تجريباً مافيش عيلة غيرنا بتعلم البنات ف البلد .

الحاجة نعمات :- لا يا ولدي دي متعلمة كانت عايشه عند خالتها ف الجاهرة ولسه راچعه مبجلهاش شهرين.

فارس :- يبجا مدلعة ومتسهوكة شبه بنات البندر وانا مهينفعش معااايا اكده .

الحاج عبدالرحيم بعصبية :- الله هو انت لاعجبك العجب ولا الصيام في رجب ما جلنالك البت أدب وأخلاج ومتربية أحسن تربية.

فارس :- ويا ترى العروسة معاها كليه إيه.

الحاجه نعمات:-  العروسه اسم الله عليها في الثانوية.

انصدم فارس قليلا ثم قال بعصبيه :-  ايه ياما چايبالي عيله اتچوزها .

الحاج عبدالرحيم:-  هو دا اللي عندنا عچبك ولا لا .

صمت فارس قليلا ثم قال بعصبيه:-  ماشي يابا اللي انتو رايدينه  اعملوه  المهم اسافر وذنب البت دي ف رجابيكو.
ثم خرج من المنزل بأكمله .