Ko’alia kona-ba inan no aman , la seluk, la leet, hau ko’alia kona-ba hau nia hun, hau ko’alia kona-ba hau-nia abut rasik.
Se karik la ho inan no aman nia prezensa, oinsá maka hau bele mosu, oinsá maka hau bele eziste, no bidu ho laran haksolok iha hau-nia planeta Rai nia palku leten, no rai fehan sira?
Hamutuk ho hau-nia ainan no aman sira, hau-nia inan doben, kous hasai hau ho laran no neon tomak, hosi Nai Maromak nia kadunan, ho neras domin. Nia kous hau, nia lori hau mai hatuur tan iha abad mundu rai klaran ne’e nian. Nia la kole, foti matan, hateke hau buras, nia la kole haree hau, lolo hau-nia dikin, rani iha fatin-fatin.
Ups! Gambar ini tidak mengikuti Pedoman Konten kami. Untuk melanjutkan publikasi, hapuslah gambar ini atau unggah gambar lain.
Inan no aman nia terus, sura labele. Inan no aman nia kole, inan no aman nia kosar been, selu labele, to’o deit hau tama fali ba rai kuak, alias fila fali ba rai rahun.
Hanesan inan no aman ne’ebé tau hau iha mundu rai klaran, nia la husu buat barak mai hau. sira hakarak hare hau susesu. Hanesan inan no aman ida ne’ebé terus barak tiha ona mai hau, sira husu deit, atu hau hato’o hikas fali hau-nia domin tomak ba sira. Hanesan inan. Inan ida ne’ebé fó an tomak ba mate atu sosa hau-nia moris, bainhira nia tanis, nia hakarak tebes duni atu hau la baruk, hamaran lisuk nia matan been maka suli. Nune mos aman. Aman ida ne'ebe sempre servisu maka'as hodi sustenta hau. Bainhira nia sekte todan, kolen atu hau hakman netik kabas. Inan no aman sira nia domin, domin rohan laek! Inan nia domin, domin lalehan. Aman nia domin rai nian. Sira nia domin, domin hori otas, domin hori wain nian kedas.
Inan no aman nu’udar bee matan, ne’ebé suli loron, suli kalan. Bee matan oan ne’e mós, moos nabilan tebes, no furak la halimar. Kanek bubu sira ne’ebé hau iha, ho bee, hau buka atu tuhik. Kanek bubu sira ne’ebé hau iha, ho bee, sei sai diak.
Ho domin tomak ne’ebé sira hato’o mai hau, sira kria harmonia, ho domin tomak ne’ebé sira haklaken, sira kria dame, ho domin tomak ne’ebé sira haburas, sira kria hakmatek iha hau-nia uma laran.
Inan no aman sira nia prezensa iha mundu rai klaran, ho frajilidade tomak ne’ebé sira iha, sira fó sai sira nia lian. Sira lian: lian osan mean, sira lian: lian laran maus, sira lian: lian laran dodok, dala barak sempre hananu, iha espasu lia loos nian
☆☆☆☆☆♡♡♡♡♡
●}} Hodi sá loos maka hau sei selu sira kole?
●}} Oinsá loos maka hau buka atu tau iha neon bebeik kona-ba sira terus no susar?
Ups! Gambar ini tidak mengikuti Pedoman Konten kami. Untuk melanjutkan publikasi, hapuslah gambar ini atau unggah gambar lain.
☆ Maun no alin sira mai ita hamutuk. Ita keta halo ita-nia inan no aman terus liután! Ita keta halo ita-nia inan no aman susar liután! Ita keta halo ita-nia inan no matan been suli liután!
Mai, mai, ho neon diak, no aten barani, dada sai aitarak oan ida ne’ebé tuu maka’as iha ain tanen ita-nia inan no aman doben nian.
Mesmu ita nia familia moris terus, susar, mukit. fatin laiha mai ita atu tur ho fatin lolos. maibe buat sira ne mundu nian, no riku mai ita la iha, maibe ita mak hun ba domin no paz, iha ita nia uma laran, Familia bo"ot #Dias #Ximenes
Mai, mau alin inan feton sira hotu, mai ita ba hamutuk! Se karik la’ós ita, sé tan maka atu halo, sé karik la halo agora, bainhira tan maka ita sei prontu?
