ي مروة تعالي تعالي ردا لي أخيراً المفتري دا قالت لي واي كذابه قال ليك شنو؟ قلت ليها اعتذر لي وقال لي م عاوز انهي علاقتنا بسبب تافه زي دا قالت لي طلع فاهم يمه قلت ليها اصلا من يومو بس حركاتو دي لو زادت شويه عادي ممكن اكسر حنكو بكل بساطه قالت لي عشان عندك البديل صح قلت ليها طبعا طبعا😂😂 اتشاكل مع دا يونسني دا الفي شنو والماف شنو قالت لي الحب الانتي فيهو دا م حب على فكره قلت ليها كيف؟ قالت لي انتي لسه م وقعتي ف الحب قلت ليها اجيي والحبيتهم ديل كلهم شنو؟ قالت لي لمن تحبي بالجد حتكون عينك مليانه بيهو وم حتقدري تشوفي لواحد غيرو دا ف حين بالجد حبيتي قلت ليها وانا اسوي شنو ي مروة لو قلبي دا بحب ستمئه زول قالت لي والله دا وجع قلب بس انتظري نصيبك يجيك لحدي عندك يابت وبطلي الحركات دي قلت ليها الموضوع مسلي والله قالت لي قولي مسلي والعبي بيهم كلهم تمام لحدي م واحد فيهم يلعب بيك ويبقى ليك بمبي ووردي وبرتقالي زاتو كمان قلت ليها اصفر أهم شي م تنسي😂 قالت لي كر علي لا احساس لا ضمير قلت ليها عايني خلينا من دا كلو انا جيتك ضيفه قومي سوي لي غدا خليني امشي اهلي قالت لي سمح ومشت
بقيت بتونس مع احمد وفالنهايه اتصالحنا.
مشت وجات وجابت الاكل قعدنا أكلنا وقدمتني قريب للبيت.... لقيت امي بتسوي ف الاكل قلت ليها بشنو؟ قالت لي ملاح قرع قلت ليها الحمدلله اصلا شبعانه ومشيت غرفتي.
اتصل علي أحمد وونسني ورجعنا حلويين زي م كنا ، جات اختي توسل قلت ليها خير ف شنو مالك؟ قالت لي انا عاوزة اقعد معاك حرام يعني؟ قلت ليها خشي اقعدي اترمي المشكله انتي زاتك م بتعرفي تقعدي الا يقعدوك قالت لي م تتعاملي معاي بالقساوة دي قلت ليها وليه م اتعامل معاك بالقساوة دي؟ انتي منو اصلا قالت لي اختك قلت ليها اختي؟؟ انتي لا اختي لا شي ولا بتشبهينا حتى شوفي نفسك بتمشي بكرسي عجلات ههههههههه استغفر الله قالت لي دي حاجه ربنا اداني ليها وصحي انا زاتي غلطانه جيت غرفتك دي قلت ليها اساسا ويلا امشي واقفلي الباب وراك حبيبه مشت وقفلتو معاها.
بقيت براجع ف حساباتي واني الفتره دي بالذات بتعامل مع كل الخلق بقساوة وانانيه وشايفه نفسي ع الاخر وم بهمني زول غير نفسي وم عندي شي لزول بقيت بتذكر طفولتي مع توسل اختي لمن نحنا كنا صغار كنا احلى اختين ف الدنيا كانت كل الحله بتتكلم عن حبنا لبعض وم بنرضى تحصل حاجه لوحده فينا حتى اي شي بنتقاسمو بالتساوي كنت مستغربه شديد من نفسي انا ليه بتعامل معاها كدا؟ مع انو هي اختي بس انا كنت عاوزة اعرف ليه بتعامل مع توسل اختي كدا؟ هو يمكن كنت بخجل منها قدام الناس وانو هي عندها مشكله ف رجل ليها وم بتقدر تمشي بسبب الحاجه دي يمكن كنت بخجل قدام صحباتي واصحابي انو عندي اخت م بتمشي!!
ف اللحظه ديك ختيت تلفوني بجمبه وبقيت بفكر مفروض اعمل شنو عشان اتعامل مع الناس بكل لطف؟ متين ح ارجع امنيه القديمه تحب الناس وتشاغل الناس وتتضحك مع الناس؟ متين انا ح ارجع زي م كنت ومتين ح اتعامل مع اهلي بلطافه وظرافه وابطل حركات كتيره ، كنت بسأل نفسي انا متين ح ابقى قريبه من ربنا متين ح اصلي كل الصلوات ف اليوم؟ متين ح اقرا قرآن زي باقي الناس متين انا ح ابقى قريبه من ربنا؟؟؟ قعدت مسافه مع نفسي وبفكر مفروض ابدا من وين عشان أصلح من نفسي اتصلت ع زميلتي مروة قلت ليها مرووووة قالت لي اها ف شنو هسي مش كنتي معاي😂؟ قلت ليها عايني بكره لازم نتقابل ف موضوع مهم م دام انتي عاقله وفاهمه قالت لي خلاص ظابط لحدي بكره كدا قلت ليها طيب يلا وقفلت منها.
امي جات قالت لي نحنا بنحاول نلم قروش لاختك دي عشان نسفرا مصر وتتعالج لينا ، الفتره الجايه مصروفك حيقل فاهمه؟ قلت ليها يا أمي هو اصلا حبه عاوزين تنقصو لي يعني! قالت لي دا حالنا كدا نسوي شنو قلت ليها طيب م مشكله ويارب تتعالج لينا عاينت لي بستغراب ومشت.
نظرتها لي وراها ميه حاجه انو انا كيف قدرت اتعامل معاها كدا؟ من غير أي مشاكل ومن غير أي شي فرحت من نفسي ودي كانت خطوة كبيره لي.
لحدي م ابوي جا اتونسنا سوا ورجعت غرفتي اتونست مع احمد ونمت.
طيب اسمي امنيه بقرا في أولى جامعه عندي اخت وحده (توسل) وأخ واحد(قصي) وضعنا ما كويس شديد وما كعب شديد.
توسل اختي في تانيه ثانوي وقفت قرايه نسبه لانو هي عيانه وعندها مشكله في رجل ليها وما بتقدر تمشي الا بكرسي عجلات والسبب حصل ليها حادث لمن كانت في تامن وشال جزء كبير من اللحم الفي الرجل وجزء من العضم طار أثناء الحادث.
____________________________________
