الجزء الرابع عشر
......................................................................
الليله الاتنين انا واسيل كنا متحمسين نمشي الجامعه ونرجع بيت ناس سارا عشان نبيت معاها ونساعدها وكده
من الصباح صحيت متاخر لانه عندنا محاضره وحده والساعه حداشر يعني اتجهزت علي راحتي ومشيت علي الجامعه ما اتصلت لي اسيل لاني عارفاها حتكون وصلت المهم وصلت الجامعه وطوالي مشيت علي القاعه لقيتهم قااعدين وبتونسو اول ما شافوني
اسيل....بنت العميد جات
كلهم قعدو يضحكو
سارا......يارا دي تجي علي كيفها وتمشي علي كيفها الحمدلله بس
قلت ليهم زحو لي كدي خلوني اقعد وقعدت وسلمت عليهم كلهم وقعدنا نتونس كلنا انا واسيل وسارا واسيه وحاتم وفي بتين كده ما بعرفهم شديد يعني بس بعرف اسماءهم وحده اسمها لين والتانيه دعاء
سارا....يا شباب اها بكرة المؤكد جاي منو؟؟
انا واسيل...طبعا نحنا😂😂😂😂
سارا.... اسكتو انا ما حاسباكم اصلا
حاتم.....انا زاتي جاي خلاص ان شاءالله
سارا قبلت علي اسيه لقتها بتتكلم بالتلفون
اسيه..... تعال لينا في القاعه كلنا قاعدين
طيب تمام منتظرنك وقفلت
سارا.....اها يا اسيه وانتي وضعك شنو
اسيه.....اي ان شاءالله بجي ما عندي مانع
مجد جا داخل وطوالي قال وانا زاتي جاي يا سارا
سارا......😂😂😂😂تنور انت
انا قات عايني يا سارا نحن ما جبنا الفساتين حتوصلي اي وحده فينا ونوري اهلنا ونطير معاك
مجد.......غايتو حركات البنات
اسيل......مالك انت؟
مجد......قلت حركات البنات اسكتي انتي اصلا ما بت
اسيه ضحكت بي اعلا صوتها قالت شححح
انا طوالي قلت اجييييي البضحك شنو كمان
اسيل دي سكتت ولا ردت لي مجد ولا لي اسيه
(حركه اسيه لي لحظه خلتني اكرها فعلا يعني مجد واسيه كانو بهظرو ومافي داعي للضحكه السخيفه دي)
المهم بعد ما حضرنا محاضرتنا مرقنا مع سارا ومشينا بيت ناس اسيل
دخلنا سلمنا علي امها وطبعا ابوها قاعد يلا ابو اسيل ده انا شخصيا بخاف منو شديد (هو ظريف لكن شخصيتو زي شخصيه مدير مدرسه عميد جامعه عرفتو الناس العندهم هيبه كده)
قامت سارا قالت ليه عمو كيفك ان شاءالله بخير
عمو ايهاب......تمام يا بتي وانتي كيفك
سارا.....الحمدلله بخير والله بس طبعا عندي طلب
عمو ايهاب.....اصلكم حتجو تسلمو علينا ساي كده؟؟
سارا....😂😂لالا العفو والله بس يا عمو انا عندي عرس اخوي بكره ودايرا اسيل تجي تقضي معاي اليوم ده وبكره نمشي العرس سوا وكده
مراد (اخو اسيل الكبير).....ما عندنا بنات بنومو بره البيت
انا طوالي قلت ليه ما تدخل انت
عمو ايهاب.....والحلبيه التانيه دي ماشيه؟؟
سارا.....اي يارا برضو ماشيه
عمو ايهاب.....والله يا بتي عشانك بس بكره بعد العرس جيبيها لي لحد الباب د
سارا.....تمام يا عمو😂😂😂😂
واسيل دخلت شالت ليها لبسه للبيت وفستانها الكانت مجهزاهو اصلا وكانت حتشيل مكياجها لكن سارا بالت ليها لا ياخ انا عندي اي شي امرقي
مرقنا طوالي وهسا جا دور انها تقنع ابوي انا اتحركنا علي بيتنا ودخلو سلمو علي ماما
واتكلمو كده مع بابا بعد مسافه وافق طلعت شلت فستاني ولبسه برضو ومرقنا طوالي علي بيت ناس سارا
طبعا انا واسيل الخجل داير يشرطنا عدييييلللل
دخلنا سلمنا علي امها كانت ظريييفه لابعد الحدود وسلمنا علي ابوها وعلي العريس ماشاءالله عيلتها كلها سمحه
وليد(اخو سارا الهو العريس)....الحمدلله يا سارا جبتي بنات سمحات عشان بكره يقولو نحن اهل العريس عليك الله بكره عزوني بالتبشير والرقص ما تنسو
انا قلت ليه متخاف ما بنقصر معاك😂😂😂😂
وليد......زولتي والله
سارا........يلا عن اذنكم نطلع عشان نرتاح
كلهم.....اتفضلو
مشينا علي غرفة سارا طوالي
#غرفة سارا
كانت كبيره شديد فيها دولاب كبير النوع السحاب وفيها تسريحه كبيره وسرير نوم اكبر مقاس شاشه وكنبه مختوته قصاد الشاشه وفي (توليت داخلي)
المهم دخلنا قالت لينا عاينو ما تتخجلو لي الباب قفلتو بالمفتاح قومو استحمو وغيرو هدومكم وتعالو عشان نتفق علي المكياج والهدوم والحاجات حقت بكره يلا
اسيل دخلت اول وحده استحمت ولبست ليها بنطلون جينز ابيض ضيق معاهو تشيرت كحلي بي اكمام(قماشتو زي الكارينا يعني) وقعدت فتحت الواتس لقت رساله من مجد كاتب ليها اسف قالت والله ما ارد ليك تحرجني انا يا كلب والجربوعه حقتك ديك تقعد تضحك اصبر
سارا طلعت استحمت بره والحمدلله طلعت زينا ما بتحب البجامات لبست ليها شورت جينز وبلوزه بيضا ونكشت شعرها وقعدت😂😂😂😂
انا بعد تحنيييس قمت استحميت ولبست لي بنطلون جينز ابيض وبلوزه ورديه نص كم وقعدنا اتونسنا وجهزنا حاجات بكره وكل وحده ختت حاجاتها في حته عشان بكره ما نتلبش وقعدنا انا واسيل في الكنبه نحضر فيلم اسيل كانت مركزه مع الفيلم لمن خاته يدينها في وشها سارا عملت لي حركه من بعيد نظام قومي صوريها قمت صورتها ومشيت قعدت جنب سارا وختيت الصوره فالستوري وكتبت *عان مركزه فالفيلم كيف*
بس بعد خمسه ثواني بالضبط مجد قالي
عندك اولاد في تلفونك؟؟؟
قلت ليه لي؟؟
مجد......عشان الصورة بي شعرها يعني(اسيل كانت فاكه شعرها فالصورة)
قلت ليه وين المشكله اصلا اسيل بتتصور بي شعرها عادي لكن علي العموم متخاف ما عندي
مجد......تمام
سارا كانت بتقرا فالرسايل قالت لي الولد وقع وما سمو عليهو 😂😂😂😂😂
قلت ليها يا بت من شافها هو واقع😂😂😂😂
المهم رقدنا نمنا وصحينا من الصباح ساعدنا ناس البيت وخلاصنا اي شي قامت ام سارا قالت لينا قومو البسو عشان حيعقدو بعد صلاة الظهر والضيوف حيجو هنا
انا واسيل ونحن بنعاين لي سارا..😱😱😱😨😨😨😨😨
سارا......مالكمممم
قلت ليها انتي متخلفه نحن ما جبنا شي غير الفساتين انتي قلتي العقد فالصاله
اسيل.....بتبالللغيييي يا سارا
سارا.....ياخ تعالو وراي هسا ما تعلو صوتكم
طلعت علي غرفتها ونحن وراها
نزلت شنطه كده من فوق دولابها قالت هاكم دي كلها هدوم جديده اختارو يلا
اسيل......هسا بدل الجرجره دي لو كان وريتينا مش احسن.
قالت ياخ يلا البسو ما زمنكم ارح انا حمشي اجهز في غرفة امي اقفلو الباب بالمفاتح وانطلقو
طلعت وقفلنا وراها
اسيل شالت ليها سكريت هاي وست فاري لونو اسود قماشتو كده شيفون وفيهو فراشات صغيييره بي نفس القماشه ونفس لون الاسكيرتي
ولبست معاهو تشيرت اسود نص كم(فيه فراشه بالقلتر الفضي) شكتو جوه الاسكيرتي لبست هيلز(كعب عالي) لونو فضي نفس درجه الفراشه الفي التشيرت ورفعت شعرها كعكه فوف ومرقت خصلتين روج وايلاينر ومسكرا وايشدو ومرقت عشان تساعد بره وخلتني انا
................................................................
#ملحوظه
انا بوصف ليكم الهدوم عشان تكونو فالصورة وتتخيلو وكده فاهمني😂😂😂😂
طبعا انا طوالي جريت لي بنطلون جنز ازرق فااتتتححح (كان ضيييق والنوع المشرط) لبست بلوفر ابيض سااااادههه كان حلو شدديييدد
لبست لي سبورت ابيض(عارفه دي ما هدوم عقد لكن انا لمن اشوف بنطلون وبلوفر ما بقدر امسك نفسي)
عملت استشوار لي شعري وفكيتو اتمكيجت نفس مكياج اسيل ومرقنا😍😍😍😍😍😍😍
نزلت مشيت المطبخ لي ام سارا لقيت اسيل بتساعد فيها قالت لينا والله الليله ماشاءالله عليكم
ضحكنا ومرقت هي
اسيل.....برضو بنطلون وبلوفر
قلت ليها ما حنك مش سمحين وجداد
اسيل.....النصيحه سمحين
قلت ليها ما حرجعهم ليها خلاص
سارا.......هوي يا يارا دايرا تورثيني وانا عايشه
انا واسيل كنا بنعاين لي سارا كانت سممممممححححححههههههه شددددديييييييد ماشاءالله تبارك الله
كانت لابسه فستان ابيض سااادهه فوق الركبه طوالي كان مع الجسم ويدينو كامله ولابسه هيلز (اسود) روج احمر وكاويه شعرها وفاكاهو نازل تحت ضهرها
اسيل......ما عرفتك يا مشرده
سارا......مشرده براك كيف لكن بالله
قلت ليها ولا غلطه
يارا.....ارح بره طيب شايفه ابوي حايم بالكاميرا خليهو يصورنا
مشينا اتصورناا وحولنا الصور لي تلفوناتنا بعد شويه نسمع صوت ضرب رصاص عرفنا انه الناس عقدت خلاص قعدو يزغرردتووو ومشينا باركنا لي وليد واتصورنا معاهو وقعدنا نضيف الناس
انا واسيل اي مره نسلم عليها تقولينا انتو منو يا بناتي ما عرفناكم
نقول ليها صحبات سارا
تقول لينا والله قايلاكم اخوات العروس عديل
نقعد نضحك بالجد اهلها كلهم ظريفين شددددديييييييد
بعد شويه مشيت المطبخ اشرب مويه جات ام سارا قالت لي تعالي لي انتي وسارا واسيل في غرفتي
مشيت ناديتهم ومشينا
قالت لينا شيلو فساتينكم من هسا واطلعو الكوافير طوالي عشان تصلو الصاله بدري تشوفو لينا التحضيرات ماشيه كيف فعلا مشينا لملمنا حاجاتنا انا مشيت شلت تلفوني لقيت جايني اشعار مكتوب فيه*مضت خمسه اشهر* قعدت اعاين للاشعار وعيوني دمعت اسيل شافتني قالت لي فشنو قلت ليها ولا شي ارح يلا ومرقنا طوالي....
#يتبع
البارت الجاي حيكون فيه احداث اكتر
ادوني رأيكم في لبس البنات
ما تنسو التصويت
