•
في ديك اللحظة دخلت ياسمين وشافت سمرة في هذيك الحالة خبطت في راسها زعقت وغمضت عينيها
شاكر: هههههه وشبيك انت تاني مشوكية واش كنتي تتوقعي تلقايهم يحفضو فالقرأن
ياسمين: واشبيها واش دارولها
شاكر: وشكون انت يا لاله ..... حتى راكي داخلا استجواب فينا؟! Sara samra meghazi
ياسمين: جاااوبني تعيش انا المربيا تاعها
شاكر: ههههههههه نعم التربية والله ههههه طمرت فيها تربيتك وديجا انت بعد راكي تاع تربية راكم قد بعض شكون يربي خوه
ياسمين الدم طلع لراسها راح تهبل من كلامو الاستفزازي ؛ معليش تجاوبني بلا تمسخير على خاطر انا المسؤولة عليها ولي صار ماش لازم يعرف بيه باباها والا راح تصرا مشكلا كبيرة على وجه ربي افهمني
شاكر: واش نفهمك الطفلة هذي جات برجليها لهنا واحد ماغصبها مكاله ضيعيلي وقتي عندي شغالات اهم من ذا الشي
خرج شاكر وخلا ياسمين في حيرة غير ربي يعلم بخبارها ماش عارفة واش دير
سمرة لفوها فالدرا وهزوها للمركز دايخا
شويا صونا تيليفون ياسمين نسيم يعيط 😱😱😱
ياسمين: الو وي نسيم
نسيم؛ ويييينك هذا انت يخي تفاهمت معاك مكانش خروج من الفيلا بلا امري 😈😈😈
ياسمين: اا اااا..... لالا ماخرجتش بلا امرك ...... راني مع سمرة خرجت انا وهي نقضيو درك شوي نرجعو
نسيم تشوكا كي قاتلو بلي راهي مع سمرة يعرفها ما تتفاهمش معاها بصح ماحبش يفهم المهم يترونجاو وتتقبلها: المهم ماطولوش وناز راهي قلبت الدار عليك هبلتنا واحد ماقدر يسكتها
ياسمين: ماعليه غير نكملو رانا نرجعو هيا صحا
كوبات وخرجت تجري تحب تلحق شاكر وتحاول اشرحلو الموقف باش يعاونها مع انو املها ضعيف بصح قالت تحاول لصقت روحا وقعدت
لحقتهم للويتيام دخلت تحوس على شاكر كانت تشوف فلبتات لي كانو فالفيلا قاعدين كامل يستناو كامل لابسين قشهم تتفكر في سمرة حستها ضايعا ومظلومة تفكرت واش صرا فيها هي مع سفيان ومالقات حتى واحد يقوف معاها حبت تكون هي لكتف لي تسند عليه سمرة كي ترجع
دخلت لبيرو شاكر
شاكر: اووووف انت مريضة ...... مانحكيش معاك انت نحكي مع باباها قوودي عليا
ياسمين:😭😭 .على وجه ربي اسمعني برك ومن بعد دير لي تحب ..... غير خليني نشرح موقفي برك
شاكر عزت بيه وباينا خاطيها تمرميد : وي خفي اهدري ماعنديش نهار كامل
حكاتلو ياسمين على وضع سمرة من يوم ماتت يماعا وكيفاش حتى هي راهي تخدم عندهم بلا ما تذكر مشكلتها هي حكاتلو كلش تحاول تستعطف فيه sara samra meghazi
أنت تقرأ
حب يخذلنا واخر يذيبنا عشقا من تاليف منال وسمرة
Roman d'amourبقي يوهمها الحب ويغرقها في الاوهام ومرت السنوات لتجد نفسها في موقف حرج امام اسرتها وخصوصا انها باتت ترفض كل خطيب يتقدم لها فتطلب منه التقدم اليها وخطبتها فيقوم باهانتها وصفها بابشع الكلمات لتجد نفسها وحيدة تماما وعندما ارادت نسيانه والتخطيط مجددا لح...
