الجزء السادس عشر
.....................................................................
اليوم التاني طبعا جات امي صحتني زي الساعه سته صباحا كده عشان امشي الجامعه قلت ليها الليله شغالين من عشره المهم كملت نومتي وما حسيت بالوقت زاتوو صحيت علي صوت التلفون الثقيل ده عاينت لقيتها اسيل رديت قلت ليها اهاا
اسيل.......اها في عينك الساعه تسعه جايه ولا ما جايه
قلت ليها نعسانه ياخ ياريت لو ما اتأخرنا امبارح
اسيل...😂😂😂😂قومي ياخ ارح
قلت ليها كويس حجي بي عبايه وطرحه
اسيل......انا زاتي جايه بي عبايه وطرحه ارح بس😂😂😂😂
قمت استحميت ولبست عبايتي وطرحتي جادعاها تشوفني تقول ماشيه بيت بكاء والله😂😂😂😂😂😂
نزلت تحت لقيت امي وابوي قاعدين
ابوي قالي هاي هي نهايه السهر والاعراس
قلت ليه تمام قروش سريع بالله
ماما قالت مافي شي بهمها في الدنيا زي المصاري
طبعا انا اصلا فاصله شلت القروش ومرقت وكل شويه انبز اسيل عشان خلتني اجي
وصلت الجامعه طوالي علي القاعه لقيت اسيه واسيل قاعدين وسارا ما جات😂😂😂😂😂
اسيل......بسم الله مالك عامله كده
قلت ليها اختيني انا نعسانه ياخ والله
اسيه......بالغتي يا يارا جايه كده عان منظرك
قلت ليها اي اي تمام زحو قعدوني
قعدت وخاته راسي في الكرسي والله كنت نعسانه نعس مبالغه
بعد شويه الدكتور جا وبدا المحاضره انا كنت مركزه فجاءه عاينت لي اسيل جمبي لقيتها نااايمه طوالي نمتتت بس بعد شويه اسمع صوت اسيه بتصحي فيني
قمت مخلوعه وقرصت اسيل فتحت عيونها
الدكتور.....ماشاءالله والله اتفضلو كملو نومكم بره
طبعا انا واسيل ولا اتلفتنا طوالي مرقنا مشينا الكفتريا نتونس ونضحك ما عارفه اول ما يطردونا النعسه بتروح😂😂😂😂😂😂
انتظرنا نص ساعه بعدين جونا اسيه وحاتم ومجد كلهم قعدو معانا
قلت لي اسيه انتي اخوك ده خليهو يرسل لينا الصور ياخ
مجد.....اليشوفك امبارح ما يشوفك بي عبايتك دي
اسيل....اي والله مبالغه
مجد......هو انتي زاتك معاها خلي فاتحه نفسك وبتعلقي
😂😂😂😂😂😂😂😂😂😂
اسيل.....😂😂😂😂حي صحي؟؟
قلت لي اسيل ارح مش محاضرة واحده الليله قومي خلينا نتخارج ياخ
اسيه انتظرو بس غسان يجي عشان ما اقعد براي نمرق سوا
قلت ليها خلاص ارح ننتظرو برا
مرقنا كلنا انتظرنا لمن اخوها ده جا وبعدين مشو ونحن مشينا
.................................................................
طبعا وصلت البيت وطوالي السرير نمت نومه ما صحيت الا المغرب قمت عاينت للساعه ومشيت استحميت وقعدت فتحت الواتس لقيت ليك في قروب كده مدخلاني فيه اسيه خشيت لقيت فيه اسيل ومجد وحاتم ورقم تاني
انتظرت الرسايل لمن نزلت كلها لقيتهم رسلو صور العرس في القروب
دخلت كتبت اخييييررااااا
كلهم قعدو يقولو لي ده كله وين وقعدنا نتونس
قمت انا رسلت يا جماعه دي كل الصور
الرقم الغريب قالي ايوا
قلت لا انا تقريبا اتصورت صور كتير براي
ما رد لي بعد شويه كده في رقم رسل لي قالي السلام عليكم
قلت وعليكم السلام
قالي انا غسان
قلت ليه اهاا اهلا
قام رسل لي عشره صور
قلت ليه ايوا ديل هم شكرا
قالي عفوا... ما حبيت ارسلهم في القروب قلت يمكن ما حبه يكونو عند زول
حركتو دي بالجججد عجبتني شديد لانه انا فعلا نا بحب صوري يكونو عند زول لكن حسيتها شويه غريبه الحركه
قلت ليه الله علي الفهم تسلم تسلم
غسان.....شفتي كيف😉
قلت ليه شفت اي
ضحك وانا تاني ما رديت
مشيت طوالي لمنوووو😂😂😂😂😂😂
طبعا اسيل حكيت ليها اي شي قالت لي واي يا يارا الولد عندو زوق وبفهم لكن اصلللااا ما حنسى حركاتو حقت امبارح وتاني شي ما حاسه انه الحركه غريبه
قلت ليها بالججد غريبه المهم ارح نتكلم كول
اسيل..... معليش ما فاضيه
قلت ليها اجيييييي
اسيل...😂😂😂😂 بهظر والله بس بتونس مع مجد
قلت ليها ااااا تمام يوصخه
المهم فجاءه اتزكرت موضوع مجد وانه بالجد بحنن الزول.... اتصلت علي اسيه
ردت قالت لي اي يا يارا في شي؟؟
قلت ليها حابه اقول ليك كلام لكن ما تقاطعيني
اسيه....اتفضلي
قلت ليها انا مجد حكا لي اي شي سبحان الله يا اسيه والله طول الفتره دي كنت حاسه انه دي ما اسيه ولا تصرفات اسيه بالجد انتي قلبك ابيض وياريت بس لو وريتيني وما خليتيني اشك فيك ولا لي حظه وحده
اسيه.....الحمدلله انك عرفتي لكن بالجد يا يارا مجد كان رافض اني اوريك وكويس انك عرفتي
واكيد انتي عارفه اني ما كده وفي عمري ما حكون كده اتطمني
قلت ليها عارفاك اي انا
اسيه.......اها واسيل دي ما بتحبو يعني
قلت ليها والله انا زاتي ما فاهماها مرات تحسسني انها مهتمه بيه ومرات ولا كانو بتعرفو
اسيه....الله يقدم الفي خير
قلت ليها ان شاءالله يارب
اتونسنا شويه وقفلت علي كده
....................................................................
انا كنت بفكر انه اسيل لازم تعرف قصه مجد وعيلتو ممكن الشي ده يحنن قلبها حبه قلت خلاص انا حوريها وكده
فعلا شلت تلفوني ضربت ليها اول ما ردت كده قعدت احكي ليها
اسيل........واااااااااااايييييييييي يا يارا كيييف يعني ما عندو ولا زول
قلت ليها والله يا اسيل قبيل لمن حنني وهو بحكي لي
اسيل......وكمان نحن لينا ساعه نتونس ونضحك الولد د ما بقول اي شي ولا بحسسك بي شي
قلت ليها اي هو ما داير يحس انه في زول شفقان عليه فهمتي
اسيل.....اي اي فهمت غايتو الله يعينو
قلت ليها اها اتونستو قلتو شنو😉😉😉
اسيل.....زحي مني بي مخك الوسخان ده طيري
قلت ليها زابط اقطعي وشك
..................................................................
ختيت تلفوني في الشاحن ومشيت شلت دفتري وقعدت كتبت
*اعتقد ان رحيلك كان بمثابة الم عميق داخل صدري لا ادري لماذا اشعر بكل هذا الالم؟؟...
لكن كل الذي اعرفه اني سأظل اشعر به الي حين رؤيتك*
قفلت الدفتر وقعدت اتذكر في حاجات وابكي فجاءه نمت مع اني ما نعسانه ابدا
صحيت زي وحده صباحا كده شلت التلفون رسلت لي اسيل لقيتها نايمهه
مشيت دخلت القروب العملتو اسسيه (ما عارفه للحظه نسيت انه اخوها قاعد فالقروب) كتبت ليهم الللحححقووو
سارا.....فشنووو
حاتم..... خير
مجد.....مالككك
غسان.....بسم الله فشنو
طوالي عملت ريبلاي علي رساله غسان وكتبت طبعا نسيت انك هنا معليش كنت بهظر
كلهم قعدو ينبزوني وانا اضحححككككك
بعد شويه جابو لي انه غسان غادر
قلت ده مالو كمان بالناقص منو منفسن
بعد شويه مشيت لي سارا قلت ليها الولد ده لي غادر يكون ما حبه حركة الهظار
سارا......ما يحبها بي زيتو مالك ومالو انتي
قلت ليها بري يعني قلت اضايق
سارا....اسأليهو
قلت ليها برييييي
سارا.....عويره دي
قلت ليها اخرسي
............................................................
طبعا انا فالدقيقه عندي مية رأي عشان كده طوالي مشيت قلت ليه هاي
رد طوالي قالي هلا
قلت ليه لي طلعت من القروب مالك ما يكون عشان اخر حركه دي انا كنت بهظر عالفكر
غسان......حركة شنو لالا ما انتبهت اصلا بس القروب ده عملوهو عشان ارسل ليكم صوركم وتقريبا انا رسلتها فخلاص اقعد تاني ليه
طبعا انا اتحرجت ونبزت نفسي وقلت اصلا دي نهاية الخفة انا مرسله ليهو لي والله انا متخلفه..
طبعا ما عرفت ارد اقول شنو وخشمي بقا ملح ملح
قلت ليه اهاا براحتتك
غسان....وانتي مصحيك لحد هسا شنو
قلت ليه نفس الشي المصحيك
غسان....لئيمه😂😂😂
انا بتكلم مع حبيبتي
قلت ليهو وانا نفس الشي
غسان......امبارح مش كان زعلان منك
قلت ليه اي لكن راضيتو😉❤❤
غسان....لالا تمام الله يهنيكم
قلت ليه جمعا
المهم اتونسسنا مسافه مره نتكلم عن الجامعه ومره يسالني عن عيلتي وسجلنا ارقام بعض
فجاءه قالي انتي يا يارا ما حصل شفتيني
قلت ليه بري اشوفك وين كمان
غسان.....طيب يا مصريه
قلت ليه انا ما مصريه
غسان.....بي لسانك الطويل ده اها شنو
قلت ليه فلسطينيه😏😏
غسان....هههه صدقت
قلت ليه اجييي مالك
غسان...... دقيقه كدي دقيه ما تكوني انتي صحبة اسيه الكانت بتنق في راسنا عندي صحبتي فلسطينيه جايه اقرا الجامعه معاها
قلت ليه اي انا شخصيا😂😂😂😂
غسان.....لاحووولاااااا والله غايتو انتو
ضحكت قلت ليه يلا يا تصبح علي خير
غسان......الي اللقاء يا مفتريه
قلت ليه ما حرد ليك عشان فرق السن بس
غسان.......الله يلعنك طيري فرق السن قال😂😂😂😂😂😂😂😂😂😂😂😂😂😂
قفلت تلفوني وطوالي نمت
#يتبع
يا جماعه الناس المرسله لي في البريد حقي ما قدرت ارد عليكم كلكم لانو الشبكه ما مساعده
اكتبو لي تعليقات عاديه وبرد عليكم
#ما تنسو التصويت
في امان الله😍😍😍😍😍😍
