الجزء السابع عشر..
......................................................................
سنه اوله في الجامعه عدت سريع بي خيرها وبي شرها الحمدلله الجامعه علمتنا حاجات كتير علمتنا انه في ناس كعبين وناس كويسين وانت بيدك بتختار الناس الكويسين..
صاح انه مجتمع الجامعه مجتمع منفتح مجتمع فيه اخطاء كتيره شديد ممكن الزول يضيع كل مستقبلو بي سبب اختيار غلط لي اصحابو
الاصحاب في الجامعه تأثيرهم كبير شديد علي الزول
عشان كده نصايح الاهل بتكون كتير لي ابناءهم او بناتهم الداخلين علي المجتمع ده!!!!!
...................................................................
الحمدلله انا واسيل اخترنا اصحابنا صح عملنا شله سمحه في وقت قصير اتأقلمنا علي الوضع بسرعه اول سنه في الجامعه مرت سريع وامتحنا امتحان السمستر التاني
والجامعه قررت تعمل رحله لمدة اسبوع لي مدينه بورتوسودان(عروس البحر😍😍)
طبعا انا واسيل وسارا وحاتم واسيه نتايجنا كانت كويسه شديد كلنا فوق (ال3).
وطبعا رحله مع الجامعه بي مشرفين وكده فاكيد حاجه مضمونه والاهل ما حيعترضو عليها
نحن بالجد كنا متحمسين للرحله دي شددديييييددد
الرحله كانت حتكون يوم الخميس ونرجع الخميس البعدو طوالي.
...........................................................
الليله التلات وانا قاعده بتكلم مع اسيل قلت ليها اها حتشيلي معاك شنو
اسيل.......الشنطه كلها بناطلين جينز وتشيرتات كُم كامل
قلت ليها طيب تمام ان شاءالله
اسيل.....يارا عندي فكره ياخ؟
قلت ليها اها ابهريني
اسيل....رأيك شنو نخلي مجد يمشي معانا!!
قلت ليها...احييي انا من مجد😏❤❤
اسيل.....لالا والله ما كده لكن انتي عارفه الفتره الفاتت انا ومجد بقينا اصحاب شديد قلت يمشي معانا
قلت ليها اصحاب قلتي لي😉😉😉💙
اسيل....يارا خلاص ياخ بالجد بقيتي مسيخه شديد
قلت ليها خلاص سكت والله لكن ما اظن مجد زفتو حقت التخريج بعد اسبوعين وهسا شغال في بحث التخرج بري ما عارفه غايتو حنسيهو
اسيل.....خلاص انا بكلمو وانتي كلميهو ولحد بكره نشوف
قلت ليها اوعك ترسلي هسا لانه الساعه واحده صباحا خليها لي بكره(لازم انصح صحبتي طبعا😂😂😂)
اسيل.....تمام يلا تصبحي علي خير
قلت ليها اوكي قود نايت❤❤❤
..................................................................
رقدت طوالي عشان انوم قعدت افكر انه سبحان الله مافي زول بدوم لي زول فالدنيا دي
شلت تلفوني وفتحت مذكراتي البحبها شديد وكتبت
*اشتاق لذلك الشخص كثيراً....دائما كنت اقول ولكن الان تأكدت من صحت ذلك القول....انه من اشد الامراض الماً....ان تشتاق لشخص تبعدك عنه الاف الاميال*
..................................................................
الليله كان يوم الاربع وبكره الرحله
انا واسيل كنا متفقين نمرق نشتري حاجات ممكن نحتاج ليها هناك
فعلا زي الساعه تلاته عصر كده اتلاقينا ومشينا جبنا اي شي محتاجين ليه وخلاص
قلت ليها قبل ما نمشي ارح نقعد لينا في حته ناكل اسكريم
قالت لي تمام
مشينا فعلا اكلنا اسكريم وقعنا نتونس
*تلفون اسيل اتصل
عاينت للتلفون لقيت الاسم مكتوب*The best*
يعني (الافضل)
رفعت ليها حاجبي😏😂😂😂😂
ردت وقالت اي يا مجد
مجد.....اسيل كيفك
اسيل....تمام والله الحمدلله
مجد....قبيل لقيت منك مسكول نفسي يا اسيل يوم تشتري رصيد وتتصلي لي زي البشر
اسيل.....😂😂😂😂😂والله ما كده ياخ المهم كنت دايرا اقترح عليك بكره تمشي معانا الرحله؟؟رايك شنو
مجد.....شتتت لالا ياخ ماشين البورت مش
اسيل....اييي اها؟؟
مجد....ما عارف والله وزاتو هو ما اظن يكون مسموح لي زول خارج الدفعه
اسيل.....شخص واحد حيأثر عليهم فشنو
انا طوالي عملت ليها حركه نظام ما تضغطي عليه خلاص
مجد.....كدي بشوف لي بعدين
اسيل....خلاص اوكي
مجد....بره البيت انتي ولا شنو ؟؟
اسيل...اي ليه؟؟
مجد...لالا بس سامع اصوات عربات وين مشيتي
اسيل.....مرقنا انا ويارا عشان نشتري حاجات وقعدنا ناكل اسكريم
مجد....ااا بالهنا سلمي عليها الكريها دي
اسيل....قال ليك عليك يا كريها
شلت التلفون وقلت ليه يسلموك للحراصه كريه براك
اسيل...اي با مجد
مجد....والله البنت دي ما نصيحه😂😂المهم لحد بعدين بوريك قررت شنو ولو ما قدرت نتلاقا بكره الصباح حكون قاعد انا فالجامعه
اسيل.... تمام يا زول يلا في امان الله
وقفلت.
................................................
قلت ليها معقوله دي كلها مكالمه
اسيل......واي من يارا والله تقول بتكلم بي تلفونك
قلت ليها حيوانه دي قومي ارح😂😂😂😂😂😂😂
مشينا وقفنا بره عشان نوقف ركشه
وقفت واحد كده اصلا ما اتفاءلت بي خلقتو استغفر الله😂😂😂
وصفت ليه بيت اسيل وبعدين بيتنا
قالي...400
قلت ليه لي مودينا تركيا عان ده كمان
طبعا هو اتغاظ شديد واسيل ميته من الضحك
قام قالي شفتي الليله لو دفعتي لي 500 ما بوديك تاني في شي؟؟
طبعا انا ما بخلي حقي نهااائي
قلت ليه طير والله لو داير توديني مجاني ما ماشيه معاك
طوالي شغل الركشه ومشا وقالي متخلفه
طبعا انا ما قدرت ارد ليه عشان اتحرك بعيد مني عاينت لي اسيل دي لقيتها ميييتتته بالضحك😂😂😂😂😂😂😂😂😂😂😂😂
قلت ليها بالمناسبه ماف شي بضحك
وزهجت شديد انا المهم وقفنا ركشه ووصلنا واسيل الطريق كله تحاكي في بتاع الركشه
وصلت البيت لقيت المغرب اذن عديل مشيت عشان اجهز شنطتي
جهزت هدومي الكانت كلها بناطلين
.. تشيرتات ..بلوفرات والجزم(عزاكم الله) كلها سنيكرز(سبورتات)
بعد ما جهزت شنطتي وقعدت فتحت الواتس لقيت البنات كلهم مرسلين لي رسايل كتيره
ولقيت رسايل من غسان(اي بقينا اصحاب وكده😂😂) دخلت اول شي الشات حق اسيل لقيتها كاتبه لي
يارا انا عملت شي عليك الله سامحيني
امشي شوفي الاستوري
سررريعععع مشيت شفت الاستوري اتتتخيييلو خاته شنووو
مصوره فيديو شكلتي مع بتاع الركشه😂😂😂😂😂😂😂😂😂😂
طبعا انا زعلت زعل عجيييببب وكاتبه تحت يارا ما خلت بتاع ركشه ما شاكلتو لكن ده قدر عليها😂😂😂😂😂
مشيت نبزتها وقلت ليها لا صحبتي لا بعرفك وما عافيه ليك وهي ميته بالضحك
فتحت مسجات سارا لقيتها كاتبه لي واااي يا يارا ادبتيهو ادب الراجل لمن وشو بقا احمر قعدت اضحك معاها
فتحت مسجات غسان لقيتو كاتب لي
انا لو مكان بتاع الركشه والله كنت كفتك ما بتخافي انتي يا بت؟؟؟
ضحكت قلت ليه تكفت منو والله اكفتك واكفتو هو زاتو
ومشبت رديت لي مجد واسيه الكانو بضحكو فيني وفي منظري😂😂😂😂😂😂
رجعت لقيتو كاتب لي
عيب لكن الراجل اكبر منك
قلت ليه عاين ما تنصحني شكرا
غسان... كويس اصلا نظرتي فيك ما خابت يا مفتريه
قلت ليه تمام يا كريه اقطع وشك
.....................................................
وقمت استحميت وغيرت عشان انوم خلاص لانه بكره الباصات حتصل الجامعه من سبعه صباحا
دخلت الحمام استحميت ومرقت لقيت ماما بتدق لي في الباب مشيت فتحت قلت ليها تغريد شخصيا؟؟؟
ماما......اخرسي ..رفيقتك اسيل بتحكيلك ردي علي جوالك
قلت ليها اي خدمه تانيه
عاينت لي ومشت ما ردت
(ما عارفه بجيني احساس انه ماما دي بتستخسر فيني حروف اللغه😂😂😂)
دخلت اتصلت ليها قلت ليها خير ياخ خليني في حالي
اسيل.....اخرسي عندي ليك خبر بي مليون جنيه
قلت ليها سجمي جاك عريس احلفي؟؟؟؟
اسيل.....يارا اخرسسيي مجد وغسان بكره جاين معانا الرحله
قلت ليها وين الحاجه السمحه فالموضوع وغسان جاي ليه؟؟؟
اسيل.....ما هو يا حماره انتي مجد اتكلم مع العميد والعميد قال ليه ما في مشكله مدام حابي تمشي واصلا يعني دافع رسوم الرحله ونحن الحمدلله دفعتنا صغيره يعني الفندق الحاجزينو حيكون في غرف فاضيه
قلت ليها......اها وغسان وضعو شنو؟؟
اسيل.....بري صاحب مجد وجاي معاهو
قلت ليها ااا تمام ما علينا
هسا كدي وريني انتي ليك سنه بتعرفي مجد طيب بقيتو اصحاب شدييييدد اليوم كلو بتتكلمي عنه
دقيقه اتذكر مسجلاهو شنو ااااا اتذكرتThe Best
ده كله ولسا ما حبيتيهو؟؟؟
اسيل....اول شي بنعرف بعض لينا عشره شهور ياداب
تاني شي ما بخصك
تالت شي مع السلامه
وطق قفلت الخط ولا انتظرتني ارد زاتو قعدت اضحك قمت وصلت تلفوني فالشاحن وشحنت البور واللابتوب ونمت........
#يتبع
وروني توقعاتكم للحيحصل في التعليقات او في الرسايل خقت البريد
ما تنسو التصويت
في امان الله❤❤❤❤❤❤
