الجزء الثامن عشر....
....................................................................
الليله يوم الخميس صحيت الصباح الساعه خمسه صباحا استحميت وصليت وقريت قران لحد ما الساعه تجي سته
بعدين قمت لبست جيم سوت كامل جلد اسود ولبست معاهو بوت اسود برضو وفكيت شعري واتمكيجت مشيت دخلت اللابتوب في الشنطه والبوربانك واتأكدت اني ما نسيت اي شي ومشيت لي ماما وبابا قعدو يتكلمو معاي واول ما تصلي ورينا وادوني القروش ومرقت
لانه الباصات حتتحرك من هناك تمنيه كده
اتصلت لي اسيل قالت لي مارقه خلاص
فعلا وصلت الجامعه لقيتها هناك مشيت سلمت عليها وانتظرنا سارا لمن تجي
اسيل كانت لابسه فستان النوع البكون مشجر كده اكمامو كامله ومن تحت لحد تحت الركبه ولبست بوت طويل كانت سمحه شديد
بعد شويه كمان جات سارا كانت لابسه نوع البناطلين الواسعه لونو كحلي ولابسه معاهو بلوزه بيضا شاكاها جوه البنطلون فاكه شعرها ومتمكيجه قعدنا نتونس ونتصور بعدين جات عربيه وقفت كانو راكبين فيها غسان ومجد واسيه نزلو سلمو علينا
اسيه طبعا بسيطه شدددديدد كانت لابسه لبسة قوتشي كامله وعامله شعرها ضنب حصان مشيت طوالي سلمت عليها
اسيل.......من متين الحب
قلت ليها اسكتي ياخ
مجد وغسان قالو لينا اها اتوزعتو في الباصات
انا طوالي قلت ليهم عاينو نقعد ورى عشان نتونس
غسان.....نحن ما حنركب معاكم اصلا
قلت ليهم ليييييييييييي
اسيل....اجيييي كيف يعني
مجد.....يا غبيات العميد اصلا قال انه الباصات ما حتكفي لانه مقسمنكم لي تلاته قروبات فنحن حنكون وراكم بالعربيه
قلنا ليه اهااا طيب
قلت لي اسيل باقي كم ياخ
اسيل..... لسا فاضل نص ساعه كده
قلت ليها حي كتير ياخ
اسيل......اصلا هسا حيجو يقسمونا يعني ما حنحس بالزمن
فعلا بعد شويه جا دكتور اسمو خالد هو مدير شوؤن الطلاب اتكلم معانا وقالينا ما دايرين شوشره وكده واتقسمو لي تلاته قروبات كل قروب يختار باص
وفعلا ركبنا انا واسيل جرينا للكنبه الورى قعدنا فيها انا وسارا واسيل واسيه
الرحله كانت تقريبا كده من١٠_١١ ساعه لانه حنمشي بي طريق عطبره
ركبنا الباصات واتحركنا فعلا في البدايه كنا مستمتعين ونتونس ونضحك وكده لكن بعد شويه زهجنا شديد
قالو لينا الساعه اتناشر كده حنوقفكم في استراحه تاكلو وتشربو شاي وكده
لمن الساعه جات اتناشر وربع كده وقفونا في حته وحتى ناس مجد وقفو الحته فيها ناس وستات شاي وكده نزلنا فعلا عشان نقعد نرتاح حبه والناس الدايرا تخش الحمام(عزاكم الله)
قعدنا كلنا واي شله عملت دائره وبقو يلعبو وياكلو
نحن اخترنا حته كويسه ودايرين نقعد انا واسيل وسارا واسيه المشكله اي ناس جايبين حاجه يفرشوها الا نحن 😂😂😂😂
وكل وحده فينا تخت اللوم في التانيه في النهايه خليتهم بتناقرو مشيت لي غسان الكان قاعد هو ومجد وحاتم بتونسو وبشربو قهوة قلت ليه غسان
قالي اها خير
قلت ليه اقلع لي جزمتك
غسان.....ليي بسم الله
قلت ليه دايرا اقعد فيها لانه نحن ما جبنا شي نقعد فيه
غسان....ولي جزمتي طيري من هنا يابت
قلت ليه مجد بحب جزمو اكتر مني
غسان....اقلعي جزمتك
قلت ليه والله اول لبسه ياخ
غسان.....اف يا الله انا وقلع لي الجزمه شلتها وانا مبسوطه ومشيت لقيتهم قاعدين ساي تحت شجره كده
قلت ليهم شوفو جبت شنووو يحليلكم ياخ حالتكم تحنن
وختيت الفردتين وقعدت فيهم
اسيل.....والله يا بنت الذينه مفتحه
قلت ليها شفتو كيف
سارا ارح نلعب ارح
قلنا ليها شنو
سارا.....حيكون شنو غير صراحه
قلت ليها يع بكرها واصلا انا عارفه عنكم اي شي خليها تحدي
اسيل.....اي اي تحدي
اسيه.....دقيقه انادي مجد وغسان وحاتم
اسيل....بي صوت واطي مالك ومال مجد
قبلت علي اسيل قلت ليها حييي انا لكن😂😂😂
اسيل.....لمن نرجع من الرحله دي عندنا قعده مع بعض
قلت ليها هسا مالو
اسيل....لا اسكتي
اسيه جات ومعاها الاولاد وبدأو يلفو القزازه
اول شي طلعت علي اسيل تتحدى سارا
سارا.....اسيل براحه طيب
اسيل....طيب يقلبي هو شي ساهل شديد قومي غسلي وجهك من المكياج
مجد......لالا ياخ براحه يا اسيل
سارا.....لالا ياخ عان انا ظابطه الايلاينر كيف
اسيل.....ما عندي ليك شي نفذيي
سارا شالت قزازه مويه وغسلت وشها وانا ميته من الضحك وبضحك بي صوت عالي شدييد
غسان....وطي صوتك ده يا جزمه
قلت ليه ما دخلك انت اسكت
بعد شويه جات علي انا واسيه ومفروض اسيه تتحداني قالت لي شفتي ياسين داك قلت ليها يع مالو
اسيه..... امشي هسا قوليه لو سمحت دايرا رقمك
غسان.....لالا يا جماعه كده ما معانا
قلت ليه لا حنفذو اصبرو خليكم معاي بس
واتحركت مشيت لي ياسين قلت ليهو ياسين
قالي اهلين يارا
قلت ليهو كيف مع الرحله دي
الولد طبعا مستغرب قالي والله تمام ياخ
قربت منو كده قلت ليه عاين انا بلعب تحدي وقالو لي اشيل رقمك المهم اعمل فيها بتسجل لي فالرقم وكده
ياسين....ههههههههههه😂😂😂😂😂لالا تمام وشال التلفون سجل الرقم
سلمت عليه ومشيت قلت ليهم انا مبخاف من شي
ارح دورو
لفو القزازه جات علي اسيل وغسان
واسيل مفروض تتحداهو
اسيل.....جيب تلفونك وافتحو
غسان فتح التلفون واداهو ليها بقت بتفتش في ارقام بنات
لقت رقمها ورقم سارا واسيه ورقم مسجلو My Queen..(اميرتي او ملكتي)
قامت قالت ايووااا ده بس وقامت اتصلت علي الرقم
انا فجاءه تلفوني اتصل عاينت لقيت مكتوب غسان عادي
قلت ليها بتتصلي علي لي انتي
اسيل.....اووووبااااااا عان مسجلها شنو😂😂😂😂
غسان جرا منها التلفون قاليها ثقيله دي
اسيل قالت لي يا اميرتو انتي
طبعا انا استغربت وعاينت لي غسان كده وقلت ليهم خلاص ياخ ما دايرا العب انا اللعبه دي بايخه شدديييييد
اسيل قومي ارح نلف علي الناس ديل نتعاور معاهم
اسيل.....يارا انتي في الجامعه والله يعني مافي المدرسه
قلت ليها زحي طيب مني بمشي براي
بعدين اتلفت قلت لي غسان شيل جزمتك
حمر لي ومشا شالها
انا قعدت الف علي كل القاعدين واتونس معاهم بعدين رجعت ليهم بي نضاره شمسيه وكاب
مجد......سرقتيهم من وين😂😂😂
حاتم....والله ما نصيحه😂😂😂
قلت ليهم لالا ما سرقتهم شلتهم من ولدين هناك سمحين علي مش وهسا ماشين نركب فوق الشجره الهناك ونتصور
غسان....ارح نمشي كلنا خلاص
قلت ليهم اي اي قومو اصلا بعد شويه حنتحرك
اسيل.... احسن زاتو لينا ساعتين قاعدين
مشينا كلنا جنب الشجره طبعا كانت طويله وما قدرنا نتصور نحن لانه صعب نطلع الاولاد بس الطلعو نحن وقفنا نصور فيهم
انا كنت حطلع والله بس اسيل مسكتني😂😂😂
بعد شويه بدأو ينادو الناس وكان في كل باص ولد كده معاهو لسته بالاسماء وبنادي عشان يتاكدو من العدديه انا كنت لسا حايمه بفتش في الولدين الشلت منهم النضاره والكاب
شافوني مجد وغسان قالو لي فشنو
قلت ليهم ما لاقيه الولدين الشلت منهم الحاجات دي
غسان....دي نهايه الشلاقه والخفه جيبيهم انا حرجعهم انتي امشي اركبي
قلت ليه لا الشليقه الخفيفه الشالتهم بتعرف ترجعهم شكرا
ومشيت ركبت الباص وفتحت الشباك
الولد المسؤل قالي اقفلي الشباك حنفتح التكيف وانا اساسا عندي دوار البحر يعني شي بتحرك كتير وريحه ملطف الجو البرشو كل شويه دي بتخنقني شددددييييييييدددد
قفلتو وسكت
اسيل.....مالك؟؟
قلت ليها اسيل غسان ده متخلف بتكلم معاي بي اسلوب كعب
اسيل..... المنفسن ده مالو الولد ده من شفتو ما حبيتو
حكيت ليها
اسيل.....اجييي خفيفه قال والله الخفيفه بت خالتو دي
قلت ليها ما شغاله بيهو انا زاتي نعسانه دايرا انوم حنصل كم نحن
اسيل....تمنيه كده بنصل او تسعه
قلت ليها طيب حنوم
..............................................................
#في عربيه مجد
مجد......غسان بالمناسبه يارا دي طيبه شديد يعني ما حوريك ليها انا انت هسا خلاص بتعرفها قريب سنه
ما تتعامل كده معاها او تفهم حركاتها دي خفه هي بس شخصيتها كده
غسان....شخصيتها كده لكن الاولاد فهمهم كعب يارا دي اي طيبه وظريفه واي شي لكن حركاتها وتصرفاتها مع انه انا متاكد انه الحركات دي هي ما قاصده بيها شي
تاني شي لبسها ياخ والله ما عارف
مجد.....عان انت عارف اني بحب اسيل مش واسيل دي صحبتها من متين يعني من شكلهم كده هم متحررين عرفت فاللبس ده ما حاجه خطيره
غسان.....خلاص ياخ انا زهجت زاتو
مجد....زهجت من شنو تاني شي انت اصلا مالك ومال حركاتها ما تكون هناي بس😒😒
غسان....هناي في عينك
مجد...مالك بتعرفها ليك سنه المانع شنو
غسان...بعرفها من السنه الفاتت (غسان قال كده وبعدين انتبه علي نفسو)
مجد....كيف يعني؟؟
غسان.....لالا قصدي اسيه كانت بتحكي عنها
مجد....اااا خلاص اسكت داير اتصل لي اسيل
غسان سكتنا..
.......................................................
اسيل....الو مجد كيفك في شي؟؟
مجد...ماف شي زهجان بس قلت ادق ليك
اسيل....مبالغه ياخ زهج رهيب
مجد....لمن تصلو حتنسو ده كلو
اسيل....ان شاءالله حنصل متين نحن
مجد....ما باقي كتير بس اخرتنا القعده في الاستراحه
اسيل...اي والله
مجد...وين البنات
اسيل.... يارا نايمه مزاجها اتعكر واسيه بتقرا روايه سارا بتتكلم مع حاتم
مجد....لي مالها يارا ده عشان كلام غسان؟؟
اسيل... اي انت عارف يارا ما بتحب زول يتكلم معاها كده
مجد...ااااا اي عارف المهم يا زوله اها
*قعدو يتونسو كتيرررر ويضحكو واسيل قفلت علي كده ورقدت
غسان.....مالو كلام غسان؟؟
مجد....عكرت للبت مزاجها اسكت
غسان...كويس كويس
...............................................
انا صحيت زي الساعه سته ونص كده بطني طاااامهههه وراسي لافي شددددييييييييدددد وحاسه نفسي دايخه ودايرا استفرغ عديل قمت رفعت شعري كعكه فوق وفتحت الشباك غسلت وشي
جا الولد ده رشا ملطف جو تاني
قلت ليه ياخ ما ترش لينا الزفت ده
اسيل طوالي صحت قالت لي مالك
قلت ليها بطني ياخ وكل شوي برش لينا وانتي عارفاني الحركه الكتير مع الريحه دي ما بتنفع معاي
قالت لي خلاص روقي والناس قالو ليه ما ترش خلاص
بعد شويه انا تعبت شديد وقلت ليها اسيل خليهم يوقفو دايرا انزل انا
اسيه.....خليها تشم عطر بس
سارا....لالا هي شربت مويييه كتييير قلت ليهم المهم دايرا انزل ياخ ومشيت اتحركت قلت لي عمو وقف لي حبه بس
الراجل كان طيب وقف حبه والباصات لمن شافتنا وقفنا هم زاتهم وقفو وناس مجد نزلو
مجد....فشنو مالها
اسيل.....عندها دوار البحر والباص كان مكيف ومع الريحه بتاعت الملطف
انا قلعت البوت اديتو لي سارا(وانا لابسه شوراب يعني)
غسان.....دايرا تمشي حفيانه يعني كده بتتعالجي
اسيه....خليها براحتها
عمو بتاع الباص اها يا جماعه ما بقيتي كويسه يا بتي باقي ساعتين بس وبنصل
قلت ليهو لالا اصبر كدي
اسيه....غسان عادي نجي معاكم
مجد....اي ارح
عمو بتاع الباص قال لالا ممنوع يا بتنا
اسيه...ده اخوي يا عمو وشاورت علي غسان
عمو....اهااا لو اخوك طيب
فعلا مشينا انا واسيه معاهم والباقين ركبو واتحركنا
انا اصلا كنت راقده في رجلين اسيه وفاتحه الشباكين ونايمه
صحتني اسيه قالت لي قومي اكلي السندوتش ده ما اكلتي اي شي انتي
قلت ليها ما نفسي ببقا كويسه خلاص
مجد.....انتي عشان ما اكلتي اي شي وشربتي مويه كتير
غسان....دلع عجيب
قلت ليه يا الله ياخ يا الله
اسيه...غسان واي من دمك التقيل قعدت وشلت السندوتش وباكل
مجد كان بعاين لي بالمرايه وبضحك
قلت ليه بتضحك لي يا عفن
مجد.....خلاص شميتي العافيه بتزكر قبيل الشعر ده فاكي والمكياج
عان هسا لاماهو كيف وقاعده بالشراب
غسان......انا تاني لو بطني وجعتني حقلع جزمتي وضحكو الاتنين
قلت لي اسيه كانو معدل الظرافه كبير شددددييييييييدددد
اسيه....ملاحظه يقلبي
المهم وصلنا الفندق وبدأو يزيعو الاسماء الحتكون في غرفه وحده
يحليلهم خاتين اي صحبات سوا
انا واسيل وسارا واسيه معبعض
الغرفه كانت كبييييرهه فيها اربعه سراير دخلنا وكل وحده استحمت وطوالي رقدنا نمنا
#يتبع
ما تنسو التصويت
في امان الله❤❤❤❤❤❤❤
