ملحوظــــــــــــة : (اول بارتين يعتبر تعريف بالشخصيات)
انتي أكيد اتجننتي ياهنا ، مش معقول إلي بسمعه منك ده
لا لا مش معقول أنتي في وعيك
هنا : وفيهاا ايه يا رنا ، أنا بقول هتجوز مش هنتحر
بدل ما تفرحي وتقوليلي مبروك
رنا : أقولك مبروك لما اكون عارفه وواثقه انك بتحبيه ومقتنعه بيه ،
أنتي نسيتي كلامك لماعمو قالك انه متقدملك... وانتي رفضتي .....
ولما قالك نعمل خطوبه بس وانتي بردوه اصريتي علي رفضك ....... من دون اسباب هااا نسيتي .........
ايه الي حصل فجأه وخلاكي توافقي عليه دلوقتي
هنا : اقتنعت بيه ياسيتي دلوقتي وأكتشفت أني ظلماه ولقيته الشخص المناسب ليا في المستوي الاجتماعي والمادي
وغير انه باباه شريك بابا وبينهم مصالح
رنا : مش معقول هنا الي بتتكلم كده ...
ده انتي برغم المستوي الي عايشه فيه ... عمرك ما كنتي بتبصي علي المظاهر ولا بتهتمي بيهاا اصلاا ....
نسيتي كلامك لما كنتي بتقوليلي انا يوم ما اتجوز هتجوز عن حب ... شخص قلبي الي يختاره ......
ومش مهم عندي الفلوس ولا المظاهر...... ها نسيتي ..
هنا : ومين قالك ، اني مش بحبه ، أنا بحب حسام وهو بيحبني
رنا : هو أه بيحبك .... أما انتي أنا واثقه ومتأكده انك مش بتحبيه وان فيه حاجه حصلت غيرتلك رايك ، وأنا لازم اعرفها
هنا بصوت عالي : في ايه يارنا هو انتي وبابا ... مالكم مش مقتنعين ليه أني موافقه علي حسام ....
مش كنتوا بتقولولي متحكميش عليه غير لما تتعرفي عليه .... وانا خلاص اتعرفت عليه ومقتنعه .....
رنا : عايزه تقنعيني انك اتعرفتي عليه في اسبوع ... انت امتا اصلا ادتيله فرصه انه يتعرف عليكي ..... ده بقاله سنه بيحاول يقربلك وانتي ديما صداه .... وفي اسبوع واحد فجأه بتقولي بحبه.... لاا وكمان موافقه انك تتجوزيه
ولا يكونش يوم حفله افتتاح الفندق .. ... لحقيتي تتعرفي عليه فيهاا
هنا (وعندما تذكرت حفله افتتاح الفندق ... كادت ان تبكي ولكن حبست دموعها
: وقالت بصوت يقرب للبكاء ...... خلاص يارنا انا قررت وخلاص وبلغت قراري لبابا
رنا (وهي تحضن صديقتها ..... احكيلي ياهنا مالك انا حاسه اني فيكي حاجه ومخبياهاا عليا انتي بقالك اسبوع متغيره .... وشكلك مش عجبني وعلطول سرحانه ....حتي الجامعه بقالك اسبوع مبتحضريش المحاضرات
هنا: قولت مافيش حاجه انتوا مش عايزين تصدقوا ليه.....
رنا انا تعبانه دلوقتي ممكن نأجل كلمنا بعدين ....
رنا: حاضر خلاص .... صح انا نسيت اديكي محاضرات الاسبوع الي غبتيه ... انا نقلهملك واهو ياستي
هنا بأبتسامه خفيفه : ربنا يخليكي لياا
رنا (بدعابه لتخرج صديقتها من هذا الحزن الذي لا تعرف سببه : أي خدعه ياجميل انتي أومري بس هو انا عندي كام هنهون
هي واحده بس .... بس متخديش بقي علي كده
هنا بابتسامه حزينه وبعض دعابه: لاا هاخد راحتي علي الأخرإذا كان عجبك
رنا (وهي تنظر لصديقتهاا بنظره حزينه علي حالها ... حتي في مزاحها تراها مهمومه وحزينه : ماشي ياستي
يلاا .... انا همشي ... واشوفك بكره في الجامعه بس اوعي متجيش
هنا: ان شاء الله هحاول اجي
وبعد ان غادرت رنا .........
وضعت هنا رأسهاا علي وسادتهااا .....
وظلت تبكي طوال الليل .....
الي ان سمعت أذان الفجر ....
وقامت لتصلي وتناجي ربها وتدعوه
************************************
ياترى ايه اللى مخبياه هنا عن صدقتها وباباها ؟؟؟؟؟
وايه اللى حصل يوم الافتتاح ؟؟؟؟؟؟
وليه وافقة على الجواز ؟؟؟؟؟؟
أنت تقرأ
احببتني ولكنك ظلمتني للكاتبة : ســــــــــــــــــهام
Romanceروايه جميلة فيها بعض الدراما والغموض البطله مره واحد بعد ما كانت بترفض كل عريس يتقدملها كان نفسها تعيش قصة حب بوووووووووووووووم توافق من غير اسباب مقنعه على البطل ياترى ايه السبب ماتيجوا نعرف ايه اللى غير رايها
