#عائله_من_جهنم 6
زيد:ساكت
جيهان:اكرام الله يرحمها كانت تعنيلك صح؟
بس حرام يلي قاعد ادير فيه في نفسك مش....
زيد:قاطعها ...مش اول وحده تموت
ولا رح تكون اخر وحده
جيهان:قعمزت جنبه...كيف؟
احكيلي
زيد:قتلوهم الزوز ...لان حبو بعضهم
قتلوهم قبل العيد بي ليله بس
جيهان:😨😨من هما ؟؟
زيد:شاف لي عيون جيهان ...انتي قداش عندك عم؟
جيهان:سالم والهاشمي ...بدت تعد على يديها بصوت واطي ..عندي 5عمام
زيد:والخامس وينه؟!
جيهان:بدت تراجع في روحها...اي صح !!😨وينه ونحنا كلنا عايشين في نفس الحوش؟!
زيد:شرب من الشيشه ولوحها...كان عنده بنت اسمها دعاء
جيهان:اي
زيد:مقعمز ع الارض ومتكى راسه ع الحيط...حبت ولد خالها
وجي خطبها كم مره وجدي رفض لانه مش لقبه الشامخ!!
جيهان:كمل
زيد:حاولو هلبا ولما جدي عرف انهم مصرين قرر يزوجها لي واحد من الشباب هنايا
هبل حبيبها وحلف ان مفيش حد ياخدها غيره
قررو الزوز يهربو مع بعض قبل العيد الكبيره
جيهان:اي؟؟
زيد:سكر عيونه ومن السكير بياخذه النوم
جيهان:حطت يديها على وجها تفيق فيه...لالالالا زيد زززيد زيد كملي القصه الله يخليك
زيد:فتح عيون وحط راسه على رجلها ويشوف لي النجوم .
اول يوم العيد ماتو الزوز بي الرصاص ...العيله كلها كانت عارفه ان جدي ورا الموضوع ومحدش فيهم تكلم
عمي متحملش خذي مرته وباقي صغاره وطلع
جيهان:ليش الباقي ميطلعوش؟؟؟
زيد:رجع قعمز....مفيش حد يطلع من الحوش هاذا لانه مش حيقدر يعيش بعدين
بيسكرو عليه كل شي ومعش حد يرضى يخدمه وبيقعد متشرد طول عمره
جيهان: وكيف يقتل بنت ولده هكي مستحيل😨😨
زيد:قال ان غسل العار بي الدم ...مفهمتش امتى بدي الحب عار!!
جيهان:خذت نفس عممميق...وانت كان في شي بينك وبين اكرام صح!
زيد:انا السبب في كل شي صار 💔
لو مارخيتش بيها ووقفت في وجها وقلت نبيها انا راهو مصارش هاذا كله انا السبب
جيهان:كل شي بيد ربي في النهايه
زيد:وقف وكانت خطواته مش معتدله وقريب يطيح..قام يده وهوا يشوف لوطه...كل السيارات الفخمه يلي تشوفي فيها هاذي وكل العزايم وكل شي يدير فيه بااااش يبيض صفحته قدام الناس باش يطلع هوا الصح هوا الكويس
جيهان:وقفت وباين عليها من وجها متأثره ...زيد شن رايك تنزل ترتاح في غرفتك
زيد:كانو عيونه حمرر ومعبيات دموووع...صورة الڤيلو وهوا معبي دم مش قادر انحيها من راسي
جيهان:مسحت دموعها...ادعيلها💔
زيد:لوح الشيشه ع طول يده مع عيطه واضحه ان طلع معاها كل شي💔💔
قعد يشوف لي النجوم فتره بعدين فتح الباب ونزل من الدروج ...وصل لي نص الدروج وقعمز سكر عيونه ورقد
جيهان:سكرت الباب وبدت تنوض فيه وسانداته لين وصلت لي الدار ❤️
حطاته ع السرير غطاته وطلعت وهيا قلبها قاعد يرعش من القصه يلي سمعتها 💔
_____________________
غيث:يحكي بي التالفون وماسك قمر بيده من رقبتها
وقمر تحاول تفك يده بيديها الزوز وادحرج في رجليها😂
غيث:تمام امالا بكرا نمر عليك هي
قمر:منو يلي بتمشيلها تهاني ولا ملاك ولا
غيث:سكر الخط وطلقها...شنو قصتك انتي متبيش تكبررررري؟؟؟😡
قمر:احووو احووو...مرزن يدك الزفت شنو تاكل
غيث:حط تالفونه في جيبه وخدي نفس عميق ..خشي داخل تحركي
قمر:به نبي نطلب منك حاجه
غيث:قام حاجبه بمعنى شنو؟....
قمر:حطت يديها في جيوبها...زي ما تعرف بما ان كلهم خرا هنايا ومنطلعش من داري وهكي نبي انزل افلام نلها فيهم شويه
غيث:مشي من جنبها...وانا شنو دخلي
قمر:تلحق فيه...نبي فلاش ارجوك ارجوك ارجوك
غيث:معنديش
قمر؛الكذب😒
غيث:وقف...نعم؟؟
قمر:شفت 5فلاشات عديتهم فوق مكتبك مبكري🙃
غيث:متع الخدمه مش ليا
قمر:اوكي او نشوف وحده من خواتك نقوللها لان غيث لما رفعني لي مكتبه وغداني وهدرز عليا عادي نسي يعطيني فلاش🙂🔥
غيث:فهم شن تقصد ...انتي بتعقلي ولا نعطيك خبطه نخلص عليك في مكانك؟؟
قمر:لا نبي فلاش بس🥺
غيث:بعدين ساهل خشي توا
قمر:به ...متعطينيش نوريك
غيث:سيبها ومشي
وقمر عطاته بضهر وجت خاشه
غيث:وقف قعد يشوفلها كيف تمشي يلي يشوف طولها يقول هاذي بريئه بس كان تفكيرها اكبر من طولها بهلبا 😂...ضحك غيث وخش للمربوعه يلي كانت زحممممه
