#رواية... #رصاصة_ثأر
.
.الحلقه #2
.
..........
أسد... بدأ يفتح في عيونه كان حاسس انه جسمه منمل كأنه مخدر..... قعد يشبحل للمكان يالي قعد فيه باستغراب! كان عباره عن كوخ بسيط مقسم لمطبخ وفيه مدفأه وطوله بعدها شبح لروحه لقى روح بلا قميص وجرحه مدوي قعد مستغرب ومصدوم معاش عرف شن يدير أو كيف يتصرف حول يتذكر آخر شي صار معاه انه قعمز تحت شجره بس كيف جي لهذه المكان؟
هارون... فتح الباب وخش وكان مسك كيس فيه حويج
أسد... معرفش شن يقول قعد يشبحلها وبس
هارون..... شافه لقه نايض الحمد لله على السلامه ياولدي
أسد... الله يسلمك بس عفوا من انت واني كيف جيت هنااا
هارون.... انا اسمي هارون تقدر تقولي عمي هارون
أسد.. به اني كيف جيت هناا
هارون.... انا لقيتك تحت الشجره طيح خفت عليك امشي جبتك للحوش وجبتك وعلجتك
أسد...بارك الله فيك
هارون... ولو انت تقعد ابن الغالي
أسد... ش شن قصدك
هارون... شنوا يا أسد شكلك كبرت ونسيتنا بس انا مستحيل ننساك ولا حتى ننسا فضل بوك عليا❤️تي اني هارون المزارع ورواسي بنتي يالي عدت وقعدت بحداكم فتره في طرابلس
أسد... ايه ايه اتذكرتك انت يالي تشتغل في بستان قاسم وعندك حوش فيه.... لحظه لحظه وشبح للكوخ انا تو في البستان
هارون... متفخش انت معاي بأمان
أسد.... ناض بيقعمز
هارون... لاالا ريح روحك
أسد.... انا لازم نمشي الوضع مش أمن بعدين انا عندي هلبا أمور مش وقت الراحه
هارون.... تي تسطح وهني روحك بلاش حله 😡وين بتعدي اه وين خبرني تي من امبدري سيارات قاسم يدورن وقالبين الدنيا عليك المنطقه كلها مرقبه مستحيل تقدر تعدي اكيد رح يمسكوك وخصوصا مع إصابتك هدى كيف حتى بدفع على روحك؟
أسد.... رجع ارتح وهوه يفكر في كلام هارون ولقه فعلا انه يفعد معه أفضل من أنه يقعد أقل شي يوم تاني مابين قدر يتوصل مع حد بيش يأمنله الطلعه من الورطه يالي هوه فيها صح انه قعدته مع هارون فيها خطوره وخصوصا انه هدى مزرعة العيله وممكن في أي وقت يجي اي حد بس أفضل من أنه يطلع للخطر برجليه
هارون... ايه توه اكيد جيعان تبي حاجه تكلها بعد هل عركه يلي درتها
أسد... ابتسم ياريت والله
هارون.... يالله شويه ونجيك
أسد.... خذي نفس ورجع غطاء روحه
........................
فاطمه.... شهد شهد
شهد.... تسقي في الشرده هيا مرت عمي شويه بس قريب نتم
فاطمه.... ساعه وانتي تقولي في نفس الكلام هيا نشطي روحك بعدها خودي سله وبري للمزرعه جيبي دحي وخضره من عمك هارون على السريع
شهد.... تمسح في وجها يالي كان كله عرق من كترت الشغل يالي كنت أدير فيه تتصور ا انه حوست حوش تام كنت عليها هيا وبس كنت تنوض من السته ادوش تصلي الفجر تجهز الفطور وتغسل الحويج وتظم الحوش وأطيب الغدي مع بعض المسعدت من رنيم لكن كان اغلب الشغل عليها🔥
شهد.... حطت الاكل على الطوله ووستفت السلطات
قاسم..... قعمز على الكرسي بدون ولا كلمه
فاطمه.... وين الميه بري جيبيها
شهد... عدت على السريع جبت كأس الميه
إبراهيم.... خدي كاشيك من ال شده... الله إبداع كيف العاده احسن وحده اديري فيها
شهد... فرحت هلباااا حست كأنها ربحت جأئزه.... سلمك❤️
فاطمه.... فنصت في ولدها.... ايه توه بري كيف مقلتلك
شهد.. حاضر وعدت
رنيم... ماما خيره مخليتهاش تقعد تاكل معنا
فاطمه... مش ضروري تو تاكل حتى بعدين
إبراهيم... به وين عدت هيا توه
فاطمه... ناقصنا خضره
إبراهيم.... بالله عليك كنهدا تبعتها عز القيله بروحا تمشي للمزرعه😠
فاطمه... اصلا المزراعه بحدنا مش بعيدا خطوتين وقاعدين جيرنا وكل الناس غير من شايف فيها بيدي لها شي هه وقعدت تاكل
إبراهيم... حمق من تصرف أمه وناض... الحمد لله ديما اني شبعت وعدا
قاسم.... فاطمه متنسيش انه البنت آمنا في رقبتي خفي عليها شويه مش ديما كبسه عليها لأنه كثرت الكبس يسبب الاختناق
فاطمه....به تو نحول.... وكملت ايكلها😒😒
رنيم.. كانت تشبحلهم وتتحسر على شهد المسكينه
رنيم.... (رنيم بنت قاسم وفاطمه واخت إبراهيم كانت على عكس امها بنت طيبه وكيوت كنت هيا وشهد زيي الخوات كانت ديما تسعد في شهد وكل اسررهم عند بعض موصفتها حنطيه شعرها لنص ظهرها ورقيقونه مواليد ٢٠٠٠اصغر من شهد بسنه❤️)
أنت تقرأ
#رصاصة_ثأر 🔥(مكتمله)
Açãoالغدر والجرح عذاب الماضي واكيد الثأر نااااار يالي رح تدمر كل يالي حوليها🔥🔥🔥والاكشن قوت العظمه يالي طاغيه عليه وناار الانتقام يالي في داخله رح تحرق كل شي رواية #رصاصة_ثأر 🔥
