رواية.... #رصاصة_ثأر
الحلقه.... #4
للكاتب... 🔥💎#ياقوته 💎🔥
...........
إبراهيم..... شهد انا عارف انه كل يالي صار معاك بسببي
شهد... شبحتله بحدا كانت أول مره تشبحله بطريقه هدى وكيف استنتجت هدا الشي
إبراهيم... استغرب من نظرتها ليه لأنه مكنش متعود على هكي تصرف منها من قبل.... لأنه اني غلطت معاك اسف بس وربي كنت معصب وانتي اصريتي واعصاب انفلتوا عليك
شهد... تجمعت دمعه ونزلت من طرف عينها مسحتها.... عادي مدورش اصلا اني متعوده على التهزيب وفش الغل كان من امك وتوه انت عادي متغير شي ره غير الشخص بس💔
إبراهيم....شهد متقوليش هكي ارجوك انتي عارفتني عارفه انك زيي اختي الصغيره ومستحيل نرضا فيك اي شي 💕
شهد.... خش كلامه زيي الموس يالي طعنها طعنا قويه في نص قلبها🔥💔... ايه صح عارفه عارفه وابتسمت بحرقه
إبراهيم.... ابتسم... ايوه هكي تمام❤️
......... الكاتبه #ياقوته🔥💎🔥
رواسي... درسة السياره. قدام المستشفى خذت شنطتها ونزلت وهيا تمشي بكل ثقه
رواسي.... عفوا توه جابوا مريضه اسمها شهد وين تكون توه
الموظف تبع الاستعلامات... ايه شهد كرم موجوده في ثلات غرفه على اليمن رقم 34
رواسي..تمام صحيتي💓...في سرها استغفر الله عليك امزيته زيت يقطر من غادي واااو 😂
رواسي.... شبحت رنيم واقفه على باب الدار تراجي... فاتتها وجت بتخش
رنيم... هيييي انتي وين حاسبه روحك خاشه انشاء الله
رواسي....خاشه لصحبتي عندك مانع
رنيم.... حي هدى انتي امتى رجعتي يا ام لسان يالفعه
رواسي... مدخلكش ياشرطي والله رايحه مسترجله أحرف من الرجاله من رأيي بدال الكلام الفاضي هذه بري ديري فتله ولا جلست تنظيف بشره لروحك
رنيم... ياااااي يالي سمح من ربي مش من العفن يالي اديروا فيه غادي
رواسي... ايه صار عارفه انه حالتك ميؤس منها. تره حولي حولي حريقه وخشت
رنيم لحقتها
رواسي.... شهد ياقلبي انتي ياحياتي 💓
شهد... عيونها لمعوا... رواااسي❤️رواسي قدمت وحضنتهاا
رواسي... حياتي والله استحشتك هلباااااااياعمري
إبراهيم.... وين شافها قرن حوجبه😡مش عاجبه
رواسي.. تمضغ في اللوبان شافت ل إبراهيم من فوق لالوطه باستحقار ورت نظرها ل شهد
رواسي... ايه احكيلي ياعمري شن صار معاك شنوا فيك ياكبيدتي انتي ياحبي جيت من حطك بين عيوني❤️😂
شهد... قال الدكتور فقر دم
رواسي... ايه ياناري مابعدك ياحبي شغل شغل طول الوقت وعمك المنكدي وبنته المسترجله وولده المعاق ومرت عمك المكيوده كلهم دفعه وحده
إبراهيم... ضخط على اسنونه.. صبا.. ايه اني منعدي اشويه
رواسي... ايه برا برا ومتنساش تعدي للمقي وتجيب حاجات للبنت سايخه وقهوه لياا ومعهم عصير رواخ فاهم
إبراهيم.... وهوه يحول يكتم غضبه... به انشاء الله
رواسي... ايه توه تيسر ومتعطلش بسرعه عرفتك وحد مرخي وسكسوك
إبراهيم.... طلع... وهوه يتمتم... والله لما انوريك يافرخ شن حاسبه روحه الفرحه هيا تامر فيا اني إبراهيم وربي لما انربيها🔥
رنيم&شهد... أنفقوا بضحك
شهد... وو. وه ياناري اول مره انري إبراهيم هكي
رنيم.... شوفي كيف قعد متخزرط
شهد... ايه والله عليك قوه فيك يابنت مشعارف كيف درتها
رواسي... غمزتلها سر 😉.. ايه خبرني شن اجوء شن صار في غيابي.
شهد... ولا شي قعده كيف ماني....
رواسي.... حي اشنوا هده نهار اسود🔥
شهد... شنوا
رواسي.... وجك يبي قناع نظره وتقشير وظوفرك يبوا اهتمام
شهد... خلعتني..ماهو وقته 😂
رواسي... طبعا وقته اكييييييد وقته اصلا مفيش، شي يسوي اغلا من اهتمامك بنفسك حبيبتي
شهد.... ابتسمت.... وفي دخلها حسده رواسي كيف كانت قويه وتوجه اي شخص عادي عندها مكنتش تتحسس من حد ولا اتخلى حد يكسرهاا🔥
أنت تقرأ
#رصاصة_ثأر 🔥(مكتمله)
Açãoالغدر والجرح عذاب الماضي واكيد الثأر نااااار يالي رح تدمر كل يالي حوليها🔥🔥🔥والاكشن قوت العظمه يالي طاغيه عليه وناار الانتقام يالي في داخله رح تحرق كل شي رواية #رصاصة_ثأر 🔥
