رواية #رصاصة_ثأر
الكاتبه🔥💎 #ياقوته💎🔥
الحلقه #5
.....................
رواسي... جلسه على الأرض وضمه رجليها لديها وحطه رأسها عليهم.... ياربي اني شن درت في روحي انا مصدق جيت الجبل منقعد شويه مع بابا مش بيش ننحبس💔
إبراهيم... فتح باب وخش وهوه ينفخ على يديه... ااوووه الجو صقع شبح لرواسي... وقعمز جنبها.. شنوا تعلمت درسك ياحلوى توه مر يوم كامل انت محبوسه
رواسي... شيعت نظرها ليه.... صدقني اني رح اندمك ياانت
إبراهيم... ضحك ليش من ندم التاني ياحلوااا من يالي حبس التاني من يالي جبر التاني
رواسي.... تعرف لو متسيبنيش انعدي وربي بتحصل في مشاكل منكش قدهااا
إبراهيم... ايه مدمناا المشاكل معاك فأنا موفق وتوه شن تعلمتي
رواسي... تعلمت أنه وين انحط متبت مكياج قبل منطلع اضمن بيش المكياج ميعديش بسرعه😏🙂
إبراهيم...تنهد بقلت صبر وهوه يحول يتملك أعصابه.. صبا... لا انتي متنفعش معاك الحسنه والتفاهم صاار ميعديش المكياج أمله خليني نختبر المكياج هدا رح يتحمل يقعد ليومين تانيات
رواسي..... وربي لو مطلعني انت شن دخلك فيااااا يامريض انت شن دخلك ياحيوان ياكلب ومسكته من قميصه... لازم تفهم حاجه مش اني يالي نتهدد فاهم انا يالي نهدد 🔥
إبراهيم... قعد يشبح لوجها والملامح الجديه يالي عليها خدي يده ومسح الروج يالي كنت امديرته بصبعه ودفهااا وطلع بسرعه وسكر الباب وراه
راسي... نضت قعدت تخبط وتعيط.... ياااااااااابرااااهيم افتح افتح وربي لما اندمك ياحيوااااان😭💔
إبراهيم.... ركب في سيارته وهوه سرحان وصورت رواسي مبتش تفارق عيونه بعدها شبح لصبعه وضحك.... لاااا اني جنيت رسمي 😂❤️... خذي منديل ومسحه وحط المنديل في درج السياره بعدها سمع تلفونه يرن
إبراهيم.... الووو رنيم
رنيم... إبراهيم... وينك انت بابا من امبدري يدور فيك ومعاش حصلك الدنيا مقلوبه هنااا
إبراهيم... شن صااار.
رنيم... بابا بيعدي لطرابلس توه تعال بسرعه
إبراهيم... كيف! ليش
رنيم... مافي حد فهم تعال انت وتفاهم امعاه
إبراهيم... يالله جااااي... وولع السياره وعدااا ونسي رواسي المحبوسه😧
........ ............. ........................ ........... الكاتبه #ياقوته
ايلار....تغسل في المعين... ماما وين عدا أسد
صبريه... جلسه على الكرسي... اكيد لشغله وين بيعدي غير هكي
ايلار.... ياناري عليه ديما الشغل هذاا ميتعبش ابدااا وهوه حتى ايكاله ماهوا ايكال زيي الخلق
صبريه... ربي يحفضه ويحميه كله علي شنااا من لما مات بوك الله يرحمه وهواا مسؤل علينااا كبر قبل عمره 💔
ايلار.... ايه ربي يحفظه لينا وإنشاء الله يتزوج ونفرحوا بيه يااارب
صبريه.... آمين... ايه خيرك عطلتي انتي سرعي روحك مزال الغدي
ايلار... يالله شويه ومنكمل
..............
جهاد.... خش لمكتب أسد....
أسد... كان يكلم على تلفونه
جهاد... قعمز على كرسيه ورجه نين كمل....
أسد... وهوه يدقق في الملف... خير شن في
جهاد... سمعت انه قاسم بيجي
أسد... بدون اهتمام... ايه
جهاد... انت شن قررت
أسد.... رح تعرف رح تعرف
جهاد... قبل أي شي اذكر انه انت مش لازم تضلم اي حد خود القرار يالي فيه الحق للكل
أسد... فتح الدرج وخذي دخانه ولع في النار وخذي شفطه
أسد... رح نحول
جهاد.... ايه توه عطيني الملفات لو شبحتهم منسلمهم للمدريه وانا ماشي
أسد... تمام... ايه الساعه كم
جهاد... 12 الا ربع
أسد... تمام... وبلمرا اخطم على الحوش جيب مبلغ مرتب هكي من الخزنه
جهاد... ليش
أسد... بلاش نقاش اني نعرف
جهاد... خذي الملفات... بعد ساعه انكون هنا مع المبلغ
أسد... تمام
جهاد... طلع وهوه... مستغرب وخايف في نفس الوقت من تصرفات وطلبات خوه الغريبااا ويالي كان مجننه انه هوه ميبيش يحكي شي!
أنت تقرأ
#رصاصة_ثأر 🔥(مكتمله)
Actionالغدر والجرح عذاب الماضي واكيد الثأر نااااار يالي رح تدمر كل يالي حوليها🔥🔥🔥والاكشن قوت العظمه يالي طاغيه عليه وناار الانتقام يالي في داخله رح تحرق كل شي رواية #رصاصة_ثأر 🔥
