#رصاصة_ثأر
الحلقه#7
شهد..... حطت طاست الشاهي على البطوله و شبحتله وبنظرت كلها جفاف غير كل مره عكس اي نظره كنت تشبحله فيها من قبل قالتله بكل ثقه.... ايه اني وفقت عليه
إبراهيم... انصدم من رد شهد الجاف.... شهد انتي شن تحكي اه من أمتي القصه هدى صايره واني زيي الأطرش في الزفه
قاسم.... إبراهيم قعمز وبلاش مشاكل االولد مناقصه شي كامل مكمل وتقدم لخطبت البنت رسمي
إبراهيم... انت شن تحكي انتم شن صايرلكم تتكلموا بجد انتم زواج شهد ومِن َمن أسد يالي كنت قبل أسبوعين رح نقتله تي شنوا يالي تغير فهموني
قاسم.... يالي تغير هوه انه البنت كبرت خلاص وهذا نصيبها جي يكفي لأمتي بتقعد
فاطمه... ايه بوك معه حق بعدين انت شن مشكلتك
إبراهيم... اني مشكلتي مش مع الزواج مع العريس نفسه
شهد... صبت.. يكفي إبراهيم هوه قرار وتم خلاص وياريت معاش تدخل في القصه وعدت
إبراهيم... قلب الكرسي وخذي مفاتيح وطلع وصرفق باب الحوش
فاطمه.... ابراهييييم يا ابراهيم تعااال... ينهاري الأحرف اني الفرخ كان يدير شي
قاسم.... ميقدر يدير شي وخصوصا ل أسد انتي بس اهدي ومتنسيش تجهزي البنت والضيافة والحوش الناس اليوم بيجوا لازم انكونوا بأفضل صوره قدامهم
فاطمه.... باهي انشاء اللله
رنيم.... نضت لحقت شهد في المطبخ
شهد... أول محست على حد خش مسحت دموعهاا💔
رنيم... شهد عارفه كنتي تبكي والله عارفه شن صار
شهد... خذت نفس يالي صار صار خلاص انا كنت فاهمه كل شي غلط بس توه كيف عرفت انه مش كل شي نبوه نحصلوه والدنيا هدى نصيبات
رنيم... إبراهيم صح
شهد.... اممم فوتي الموضوع توه خلينا نغسلوا أمعين الفطور هيا عندنا هلبا شغل اليوم منظفرا الحوش كله وبيش انلحقوا انجهز ا روحنا💓
رنيم.... لمتى بدسي داخلك
شهد... هياااا مفيش وقت وطلعت قعدت ادخل في الأمين وتشغل في روحها
............ الكاتبه #ياقوته 🔥💎🔥
أسد.... هياااا ايلار
ايلار... طلعه من البوابه لابسه نظراه وبدله رسميه ومكياج خفيف.... جهاد برا تلقاء الشنطه في الصالون جيبها
جهاد.... وخيرك انتي مجبتيهاش ولا على راسك ريشه
ايلار.... لا وشاح يا احول
أسد... جهاد.. برا جيبها بلاش نقاش هوه من الأساس متأخرين مش ناقص وربي
جهاد... تي باهي وهيا ديما طالعه كان في راسي ووعدا جاب الشنطه... انتي شن حاطه يافرخه مفرغه الدار كلها ولا اشنوا
ايلار.... لا والله هنا غرضين عشان اليومين يالي منقعدهم غادي بس
جهاد.... تي حتي المهاجرين يالي عدوا للمدينه مخدوش معاهم حويج هكي
ايلار... حط الحويج في السياره بلا كترت لعي
صبريه... طلعت من الحوش وهيا تشبحله بنظرات ارتباك
أسد.. حط يده على كتفها... هيا امي
صبريه... بعد كل هل السنين رح نرجعوا رح نسترجع ا كل الوجع والعذاب يالي هربنا منه من اسنين💔
أسد.... من قالك احني هربنا في هذاك الوقت اه من احني عدينا بكامل إرادتنا وتوه اني ماشي ورفعكم معاي باردتي هيا
صبريه... مسحت الدمعه يالي كانت على طرف عينها وركبت في السياره مع بنتها ولادها الاتنين بعد ما سكروا بوابت حوشهم الضخمه......
أنت تقرأ
#رصاصة_ثأر 🔥(مكتمله)
Actionالغدر والجرح عذاب الماضي واكيد الثأر نااااار يالي رح تدمر كل يالي حوليها🔥🔥🔥والاكشن قوت العظمه يالي طاغيه عليه وناار الانتقام يالي في داخله رح تحرق كل شي رواية #رصاصة_ثأر 🔥
