#رصاصة_ثأر
الكاتبه #ياقوته
الحلقه #8
.
.
.
فاطمه... فتحت عيونها بصدمه لأنها مكنتش مصدقه يالي تشوف فيه كانت تحساب روحها تتخيل بس هذا واقع 😳
.. صب صبرايه!
صبريه... ابتسمت وقدمت حضنتها وسلمت عليها... فاطمه اللله على الدنيا كيف حالك
فاطمه... وهيا قعده مصدومه.. ال الحمد لله
ايلار... ايه شنوا منرجوا هنااا
فاطمه... لالا ت تفضلوا خشوا
صبريه... خشت وهيا مسكه في يدها صندوق مشكل بكلاوه شوكلاته ومكسرات مزينات بطريقه تجنن اما ايلار دخلت معها صندوق أكبر كان مغلف مش واضح شن فيه
صبريه قعمزت على الصالون وهيا تشبح للحوش
صبريه... ماشاء الله عليه حشكم راح
فاطمه... وهيا متوتر ايه ايه حلتنا تحسنت هلباا
صبريه... ايه ماشاء الله واضح
فاطمه... معليش انا منعدي انشوف البنت
صبريه.. استعجل والله نطف قلبي بيش٠ انشوفها
فاطمه... يالله هي... طلعت من غرفت الضيافه وهيا ترعش صبت بحدا الطوله وخذت الكأس صبت اميه في الطاسه وشربتها ويدها يهزوااا... خذت نفس ياربي استرها بس وتكون كل هل الزواج هذا صدفه يااربي😖
رواسي... الضيوف وصلوااا
فاطمه... اه ايه قع قاعدين في الدار
رواسي... باهي خيرك انتي اتقول استقبلت عزرائل وجهك اصفر هكي
فاطمه... حطت يدها على وجها لالا مافيه شي غير تعب بس هيا وينها شهد
رواسي... بحدا امها بتنزلها معها وبنتك المسمومه أدير في القهوى
فاطمه... مكنتش مركزه حتى على كلام رواسي لأنه في رأسها الف سؤال وكلام ومصيب 🤯🔥
فاطمه... رجعت خشت... وقعمزت انستونا
صبريه... الله يأنسك باهي وينها البنت
ايلار... ايه حقا
فاطمه ... شويه وتجي ايه شن اخباركم ليكم سنين تركين الجبل ومعاش سمعنا عليكم بكل ولا حتى بنتوا
صبريه.. والله بعد موت المرحوم كان فاتح محل في طرابلس يأجر فيه بعد معرفنه بيه قررنا نعدوا غادي بعد ماصار يالي صار معنا وعشنا من رزق المحل وشويه شويه قعد ولدي أسد يكبر وحط القرش على القرش وكبر شغله وبدأ في التصدير وكمل على شغل بوه الله يرحمه
فاطمه... ولد الكبير هذا ا اسد😳
صبريه... ايه هذا ولدي الكبير
فاطمه... ومنوا البنيه هدي
صبريه... هدى بنتي ايلارعرفت اني كنت حامل بيها بعد موت هيثم الله يرحمه
فاطمه... ايه الله يرحمه... في دخلها كانت بتتفجر كانت خايفه تنفضح وتتشرد لو انكشف المدسوس بس حمد ربي أنه تصرفات صبريه كانت طبيعيه معها ووضح انها مش عارفه بشي
رواسي خش وكانت مسكه أمنه من يدها... السلام عليكم
ايلار... رواسي الله وينك انتي هناا
رواسي... سعدت أمنه بيش تقعمز... وسلمت عليهم
ايلار.... علاش معاش زرتينا
رواسي... والله معاش رجعت لطرابلس لأنه قعده مع بابا وفي نفس الوقت القرى معاش بدت
ايلار... وكنهدا معاش تزوريناا
رواسي... لالا متخفي توه انتم يتخذوا شهد اعتبروني مندير أقامه حداكم😂
ايلار... ياريتنا من زمان خذينها هل الشهد
رواسي.... باهي حتى توه كويس
ايلار... ايه حقه وينها هيااا
رواسي.. توه بتجي
شهد... السلام عليكم وهيا مسكه سفرت القهوى
صبريه... وعليكم السلام
شهد.. حطت السفره على الطاوله وسلمت
ايلار... الله قصدك هذي شهد مقنينتها تهبل
شهد.. ت تسلمي وعيونها في الوطه ومتحشما هلبااااا
ايلار... خجلانه حي والله كيووووووت 🥺❤️
رواسي... ايه وهدى خالتي أمنه اام شهد
أمنه.. ابتسمت كانت حاسه يدخله باحراج لأنه مش كيف باقي الامها مقدرتش تسأل علي عريس بنتها 💔
أنت تقرأ
#رصاصة_ثأر 🔥(مكتمله)
Actionالغدر والجرح عذاب الماضي واكيد الثأر نااااار يالي رح تدمر كل يالي حوليها🔥🔥🔥والاكشن قوت العظمه يالي طاغيه عليه وناار الانتقام يالي في داخله رح تحرق كل شي رواية #رصاصة_ثأر 🔥
