الحلقة ال30 و الأخيـــرة من رواية 💕🙊
#مغتربة_ف_وطن_العشق 🙈😍
..........................
( بعد ماتـــعبت نور هلبــه دخلوهــا لبنات ورقدت ع سرير شوية ... أما البنات مافرقوهاش بكلـ ,, وأصالــه سمعت وحكتلها سوسن كل الموضوع ... )
.
قوت :: ( تتــكلم بي صــوت واطي ) أحمد أتصلـ وبيجي يروح بيا ... لازم مانمشي ..
صفاء :: وين سيارتكـ ,,, .؟
قوت :: المطرشق أمير روح بيها لي حوشــنا .. نتلاقو ع نت حبي تمام ؟
سوسن :: ولا يهمكـ توكلي ..
صفاء :: ماشي حبي ...
( سلمــت قوت ع البنات وطلعـــت )
......
( قــــــدام باب شقــة )
( قوت طالعة وجي وراها أمير )
أمير :: شن مروحه ؟
قوت :: اي .. احمد جاي ..
أمير :: باه .. تعالي تو ننزل معاك .
قوت :: لالا خلاص حبيبي تو ننزل بروحي ... ماتعبش روحك
أمير :: تعبك راحه ... هيا تعالي ..
.............
( ف دار سوسن )
سوسن :: واجعتني نور لين خـــلاص ...
صفاء :: هم حتى هوا خوها ... شن ثقل دم هوا ..
سوسن :: ماتوقعتش مأيد يكون تنح لي درجة هاذي ...
صفاء :: بكل ...
أصالــه :: ( خشت ) صبايا نوضوها وتعالو درتلكم سبول ..
صفاء :: تمام ...
سوسن :: نور !
نور :: ( لاتعليق )
سوسن :: نوور ... حبي ؟
نور :: ( ناضت )
صفاء :: هيااا نوضي ....
نور :: ( تحكـ ف عيونها )
سوسن :: نوضي ماما دارتلنا سبول .... أغسلي وجهك
نور :: تمام ...
صفاء :: كيف حالكـ توا ؟
نور :: الحمد لله ... أطلعو انتم نغسل وجهي ونجيكم ...
صفاء :: تمام ... هيا سوسو
..................................................
( طلــعو البنات وبعد ثواني معدودة لحقتـــهم نور ... وقعمزو مع بعضهم ف صالـــة اما بالنسبة لي أصــالة ف مشت لي ملاك .... )
سوسن :: ساعة 10 ترا شوفي امبسي بوليود اكيد فيها حاجات حلوة ...
صفاء :: حاضر ..
نور :: ( تتفرج وتاكل وساكتــة )
صفاء :: ف تلفون يرن صبايا ...
نور :: تلفوني ... ( ناضت لي دار ... )
سوسن :: نوضي نوضي ... ( وناضو وراها البنات .. )
............................
( ف حوش قــوت )
قوت :: كيف هيا مافهمتهاش ؟؟؟؟؟
زينب :: هههههـ
رقية :: خيرك ؟؟ .. بالك مش عاجبك ؟
قوت :: ( بي صوت حااد ف نقاشش ) مااااماا .. هذا قفطانك انتي لبتسي ف عرسك ... يعني زمااااااان .. موضة متع زمااان ... انا شن دخلني بااش نلبسه ؟
رقية :: خزي عليك ي قوت ... ماجبتش غيرك وقلت تو تحققلي امنيتي وتلبسه ...
قوت :: نللللبس هذااا ؟
رقية :: وخيره هذا ؟؟
زينب :: ( تضحك )
قوت :: ماااامااا شاايفة القفطااان ولا انا بس نشوف فيه ..... باللهي عليك وين كان عقلك لما شريتيه ؟
رقية :: حناك خدتهولي
قوت :: ااااايواااه وانا نقول تفتريم عزايز صاار ... لالا انا كانه انتي طلعتي هكي ف عرسك شن ذنبي نعاود العمله مره تانيه
رقية :: اخخخي عليك والله ماتتحشمي
قوت :: ايواه ايواه صح انا مانتحشمش .. ومش حانلبسه .. مستحيل
زينب :: خيره والله نازك ...
قوت :: (شبحتلهاا ) البسي انتي ..
زينب :: تي فيلو بنلبسه ف عرسك ؟؟
قوت :: عااادي انا راضيه تطلع معاي عروسه تانيه ..ههههههه
زينب :: كلبه هههههههه
رقية :: بري اجري الهشتك بشتك وقوليلي حلووو
قوت :: ايواااه بزبط بنأجر الهشتك بشتك وبيطلع حلو ومش حانلبس متعك هههههههه
زينب :: هههههههههههههـ
رقية :: ههههه حماره ..
..............................................
( ف حــوش أصـــاله )
( ف دار ســوسن )
نور :: أالو ؟
,,
وفاء :: نور !
نور :: أهلين وفاء ... خير صايرة حاجة ؟ ( تحكي وهيا حاطه إيدها ع قلبها )
وفاء :: ( بدت تبكي ) حساام
نور :: ( لاتعليق)
وفاء :: ( و زادت ف البكي ) مات ..
نور :: ( لا تعليق )
وفاء :: الو ... نور ؟
.... ( وبدأت كلمات الأغنية تعبر عن كل ماتحمله من معنى ... عن قسوة و صدمة ... عن كل مايحمله ذاكـ الحب من ألم ..
.... ( أغنية التركية #لاتنساني
سوسن :: نور ؟؟ ... حبي شن فيه ؟
نور :: ( نزلت تلفــون وشبحت لي سوسن ) مات .... حسام مات ..
( صدمــت البنات كانت لا توصف )
نور :: شئ الوحيد الي ماتوقعتش انه نسمعه .... حسام مات ..
سوسن :: ( تبكي )
نور :: من غير مانشوفه ... ومن غير مايشوفني ...
صفاء :: ( حطيت ايدي ع فمي وبديت نبكي )
نور :: حرمني منه زي ماحرموني منه هما .... مايفرقش عليهم ف حاجة ..
سوسن :: اششي خلاص ( حضنتها )
نور :: ( وبدأت تبكي وأخيراً ) وخلاني .... ....... خلاني
سوسن :: ي عمري انتي ...
صفاء :: ( تبكي )
نور :: معاش فيه حساام خلاص ... ( حضنت سوسن بي قوة وغمضت عيونها وغرقت ف بحر دموع )
سوسن :: الله لا يسامح من كان سبب .... الله لا يسامحهم ...
نور :: ( قعمزت ع الارض ) نبي .... نبي نشوفه بس شوي ... شوي بس والله شووي بس .... بس شوي ي سوسن بالله عليك قوليلهم ...
سوسن :: ( تبكي )
صفاء :: خلاص نور ... اهدي حبيبتي .. يالله نوضي معاي ...
...
( نوضــت صفاء . نور ودخلتها للحمام غسلت وجهه وعطوها مياه وقعمزو معاها ف دار .... مشـــت سوسن حكــت لي أمها وجت أصالة وملاك لي نور )
.............................................
أصالة :: نوضي سلم بنتي ... خلاص ماينفعش الي ديري فيه توا هذا كله ... هذا توا ماتجوز عليه كان رحمه
ملاك :: نوضي حبيبتي وتعوذي من شيطان ... ان شاء الله ربي يسعدك ويهنيك ... مرات حسام ماكانش نصيبك وربك عالم بي كل شئ ... المكتوب مافيش منه مهروب لازم ترضي بيه
نور :: ( شبحت لي ملاك وعيونها مليانة دموع ) لكن هما حرموني منه .... اي كلامكم كله صح .... لكن لو مأيد ماصكرش راسه ... وامي ماسمعتش ولدها بي حكم انه راس ولد راهو انا توا متزوجة حسام .. و حسام ..... وحسام ماكانش ح يموت ... لكن صح .. المكتوب مافيش منه مهروب ... لكن لازم يعرفو مش لو حسام مات ومشي معناها انا ممكن نحب حد تاني او ممكن ننسى بي سهوله ... ح نكون قريبة منه ف دعاء ... وح نكون قريبة اكثر لما نحلم بيه ... لكن نتزوج ولا نحب هذا يكون أخر احلامهم الورديه ..
..
( وهــاذي كانــت كلمات نور بي خصوص حياتها ... وفعلاً نور ف لحظة هذيكــة جمعت قواها كلها .. وأستمرت ف حياتها ع انه حسام مشي للي ح يرحمه اكثر منها ومن دنيا كلها ... )
.....
( بعـــد مرور شهرين )
أمير :: كيف قالت لا ؟
سوسن :: وقفت ...و سندت طولها وقالت لا ..
أمير :: تي شن لا متعها هيا ... اسمعي اعطيني اعطيني تو نكلمها انا
نور :: لاااا وين تكلمها انت ... ممنوع ي غالي
سوسن :: ايواااه ممنوع .... خلاص قلتلها وقالتلي بنطلع من المزين وبنمشي بروحي لي صالة
أمير :: لاااا هاذي هبلت ع الاخر ...
سوسن :: هههههههههـ
نور :: ههههههههههه .. باه شوف .. نعطيك تكلمها لكن عشرة دقايق بس ... يالله خوود وبسرعه قبل ماتطلع خالتي ..
.............
( قوت و صفاء ف المزين )
قوت :: ههههههههههه شوفي شوفي ... أمير يتصل بيك ههههههه..
صفاء :: مبردك .. الله يعينه ع هالكارثة الي جاياته ...
قوت :: أأألو ؟
....
أمير :: انتي وين ؟
قوت :: ف الكافي .... ف المزين شن وين هههههه
أمير :: ناويه تجلطيني انتي ؟
قوت :: تقريباً ههههه .. خير ان شاء الله شن مدايره ؟
أمير :: كيف يعني تبي تمشي لي صالة بروحك ؟
قوت :: خاايف نهرب حبيبي ؟؟؟ .. هوااا والله عندك الحق نديرها مش بعيده ههههههههههه
أمير :: وحق ربي ي غلطة عمري كانه تطلعي بي سيارة نقتلك ..
قوت :: حبيبي بالله عليك خاطري نمشي ... بالله عليك ..
أمير :: ( أستغرب من طريقة قوت ف الكلام لانه اول مره تتكلم بي كل ها لهداوه ) لا ..
قوت :: لا انا الي ع اساس ناخد ف شورك .. بنمشي يعني بنمشي ... يالله باي بنستشور معاش بتسمعني ....
أمير :: قوو ... الو ؟ ... الو ؟
...
سوسن :: تفركش العرس ههههههههههههه...
أمير :: تو نوريها ....
سوسن :: شن بتوريها ؟ ....
نور :: شكلك كانش هههههههه.
أمير :: والله ماعارف شن بنوريها ... وهيا الهم كله ورتهولي هههههـ
البنات :: هههههههههههههههههههههه
...
( بعد ماكمـــــــلو البنات )
( قوت تكلم ف أمير )
صفاء :: شن خطرلك توا ؟ه هههههههههههه
قوت :: زعلت عليه ههههههـ ,,,, ألو ؟
...
قوت :: حبيبي ؟
أمير :: عيونه ؟
قوت :: انا كملت ..
أمير :: وانا برا ههههههـ
قوت :: اااه يعني انت كنت وااتي .. ؟
أمير :: طبعاً وهل يخفى امير ؟؟
قوت :: لا ابداً والله هههههههـ .
أمير :: حتى قصي وخالتي ملاك برا ...
قوت :: باه ..
...
قوت :: هيا امك وقصي برا ... وحتى هالباشا برا ..
صفاء :: ماااشي ....
قوت :: اسمعي
صفاء :: نعم ؟
قوت :: هيا نهربو ونفوتوهم ؟؟
صفاء :: هههههههههههههههههههههههههه لا بجديات ابصر شن فاطره اليوم .... خير دعوتك ؟
قوت :: حسني ندمت ههههههههههـ ,, امشي امشي قبل مانهرب بجديات ...
.................................................................
( ف صـــالة )
( امير و قوت كانو ف دار ... و صفاء و قصي ف دار .. وكل واحد فيهم معاه وحده من متع المنظومة .... وكانو امير و قوت بيخشو قبل قصي وصفاء )
( متع المنضومة ) :: تبو تخشو ع اليسا ولا دبكه العادية معاش فهمت انا راه ..
أمير :: دبكة
قوت :: لا اليسااا ...
( عــند قصي و صفاء )
قصي :: كانك عليا نخوش حتى من غير صوت المهم نتجوزها ههههههه
صفاء :: هههههههـ ,,, اليسا حلوه ...
( عند قوت و أمير )
قوت :: ( شبحت لي امير ) بنخشو ع اليسا حبيبي ...
أمير :: ( بي ابتسامة ) باه ....
قوت :: شااطر ههههههه .. .اليساا ي اختي
متع المنظومة :: اي وحده ؟
قوت :: مكتوبه ليك ...
( عند قصي وصفاء )
صفاء :: مكتوبه ليك ...
متع المنضومة :: تمام هههههههـ .. نفس الي اخترتها صاحبتك .. توا قالولي هههههههه
صفاء :: حلوو هههههه
قصي :: تمام هما بيخشو قبلنا ولا ؟
متع المنظومة :: اي نعم ...
.........
( لما خشــــــــو قــــوت و أمير )
( مع الموسيقة الهادئة لي إاليسا ... ورمانسية ... قوت مارتحتش لين تهبل أمير )
قوت :: زمان أنا وايمن حبينا نخشو ع الاغنية هاذي
أمير :: من ايمن ؟؟
قوت :: ههههههههههههههههههههههههههـ ,, ( لين نزلت راسها )
امير :: تتسهوكي ؟
قوت :: هوا باهي الي ماحبيتش قبلك لانه اكيد كلهم زيك وهبلت هههههههـ
امير :: اهو انا حبيت قبلك ومالقيتش وحده زيك ...
قوت :: ( سكتت )
أمير :: ( وقف ف نص الممشى )
قوت :: ( تشبح للي مقعمزين ) خيرك ؟
أمير :: بنرقص مع حبيبتي .. عادي صح ؟؟
قوت :: هههههههههههه .. اكيد ... ولي تتكلمي نشرقلها صوابعي ف عيونها ههههههه
امير :: ههههههههــ ,,,
قوت :: ( بي لكنة العشق وبي نظرات الحب القاتله ) فرحانه لاني معاك توا ...
امير :: ( ساكت )
قوت :: نحبك ..
أمير :: خاطري نشوفك وانتي ساكته بالك احلا
قوت :: هههههههههههههههههـ ...
أمير :: تهبل ضحكتك ... قتلك قبل ولا هذي اول مره ؟
قوت :: لا عادي اي حاجة حاتقولها ح تكون اول مره لانه عمرك ماقلت كلمة حلوة ي حبيبي هههههههههه
أمير :: ي عنشكلك ههههههههههههـ ...
قوت :: ههههـ ,,,
أمير :: حتى انا نحبك ... وفرحانه بيك هلبه ..
قوت :: مش اكتر مني ...
أمير :: يالله نمشي ؟
قوت :: اي لانه لو عطلنا شوية تانيه قصي وصفاء بيخشو بي الكلاشن هههههههههه
أمير :: صح ههههههههههههـ
( خــش امير حط قوت وطلع .... )
...................
( بعــد ثواني )
( جـــت خشت قصي وصفاء )
قصي :: بنرقصو ولا ؟
صفاء :: لو تبي اي اكيد هههه
قصي :: محلاها ومانبيش هههههه ..
( وقفو يرقصو )
...
صفاء :: تبي تسمع إليسا تغني ولااا .... حد تاني
قصي :: من حد تاني ؟؟ ...
صفاء :: مثلاً ... أنا ههههههههههه..
قصي :: ههههه ـ مستحيل ؟
صفاء :: ( جتها متع المنظومة لبستها الميقرفون ف وذنها ) لا علم هههههههه ــ
قصي :: ( سكت وقعد يشبحلها .... وهيا كانت تلبس ف السماعه ف وذنها )
صفاء :: ( وخرت عليه بي خطوات )
قصي :: ( واقف ويشبحلها ... مبتسم )
صفاء :: ( وبدت تغني ...... تقدمت خطوات وبدو يرقصو )
قصي :: ( بي كل فرح وسعادة كان يشبحلها .... الحب الي ف قلب قصي ... كلنا عرفنا انه حب غريب ... رغم انه كانت رافضه الا انه حس بيها وبي حبها )
صفاء :: ( كانت تغني بي كل إحساس وبي كل شغف العشق ... وحتى من دموع الفرح كانت مشاركتها اللحظة التاريخيه الي كانت ح تحرم روحها منها )
قصي :: نحبك ( قالها بي شوية ف وذنها )
صفاء :: ( استغلت الموسيقة ) حتى انا ههه
قصي :: ( رجع يشبحلها مره تانيه ... )
صفاء :: ( المقطع الاحلا ف الاغنية كلها ) موعوده بيك تبقى انت بخثي وقسمتي ... موعوده بيك من قبل ماتقابل معاك .... مشاعري حبي حياتي شوقي ولهفتي متسدقين مني لاني مسدقاك.. قول بقى ي حبيبي .. حبيبي .. لي مين انا لو مش ليك .. قول بقى ي حبيبي .. حبيبي ح حب ف مين غير فيك ... طب انا ايامي .. احلامي و حياتي واقفة عليك
...
قصي :: ( حضنتها ورفعها وقعد يلف بيها )
( صوت تصفيق المعزيم والاغنية وضحكاتهم كانت ماليه الصالة كلها ... )
....
( وصلت رسالة لي تلفون قوت )
سوسن :: ( جتها تجري ) تلفونك ...
قوت :: ( فتحت المسج ) ...
#الرسالة ...
أمير :: نحبك .... شن مزال ؟
...
( ردت قوت بي رسالة )
قوت :: مصارليش هههههـ
...
..
( ف الممشى )
قصي :: ماخاطريش نحطك ونمشي ...
صفاء :: ههههههههههـ ,,, خلاص الاغنية تمت وفتحتها تانيه .. عيب
قصي :: عيب انتم نساوين اديرو حفله طويله هكي ....
صفاء :: معليش حبيبي تحمل ههههههـ
قصي :: ماشي يالله ...
................................................................
( وهنا حطيت نقطة النهاية لكل قصة من قصصهم ....
حب قصي وصفاء شرحنا ف 30 حلقة ... رغم انه حب قصي لي صفاء مستحيل يسد 30 حلقة .... حبهم صافي لين وصلهم لي زواج .... هنا نهاية قصي وصفاء .. وآحلا نهاية ... لي قوت و أمير ...
إلى اللقاء حبايبي .... نلتقي ف رواية جديده بي أبطال جدد ... بمأنه متأكده مش حاتنسو قصي وصفاء هههههههـ
....
#سلمى
