يجعل لحدا حوش 😁

طلاق في المول..

... كنت في المول ومعي اخوتي الصغار
لحقني واحد وعاكسني وكل ما اروح مكان يروح وراي وبلش يحكي كلام غزل..
قلت ئي هي مطولة معك 😤
عصبت عليه وبهدلتو وعلي صوتي لحد ما صرنا فرجة قدام الناس👀
و الأمن سمع الصوت ولقيتهم جايين..
لقيت الشب واقف ومرعوب وعرقان مرة بيطلع عليهم ومرة بيطلع علي..😰
وراح رافع أيده وسلخني كفف زي فراق الوالدين..وصرخ انتي طالق طالق طالق...وراح ماشي وسايق فيها أنه معصب
ومرق من جنب الأمن ومن قدام الناس كلها وطلع برا المول
و أنا واقفة محلي ومذهولة ومصعوقة وفاقعة من العياط من حم الكف
وقال بقول طالق...؟ شو كيف طالق! وأنا أول مره بشوفك؟!
لكن اكتشفت الناس فاهمين أني مصدومة وبعيط لأن جوزي طلقني
والنسوان وقفو جنبي وبلشو يواسوني ويحكو حرام عليكي ليش عصبتيه بس..
وبيطلعو على اخواني وبقلولي طيب وين بدك تروحي بهالولاد الصغار..
واناا كنت رح اموت من الضحك..
اموت واعرف منين جاب عالفكره اخو الشلن 😂
حسبي الله ونعم الوكيل
البنت بتروح عالمول بشوفها شب صدفة بحبها وبروح يخطبها..
وانا بروح عالمول ارجع مضروبة ومطلقة ومعاي ولدين كمان 😂😂😂