الجزء التاسع عشر....
......................................................................
اليوم التاني اول وحده صحت فينا سارا لبست ونزلت....
اسيه صحت عاينت للساعه لقتها تمنيه قالت حي حمدلله صحيت قامت صحت اسيل وبقو الاتنين بحنسو فيني عشان اصحا وانا نومي تقييييييلللل في النهايه خلوني ومشو لبسو
اسيل لبست ليها بنطلون اسود ضيق من فوق ومن تحت واسع مع بلوزه لونها بيجي هاي نك(يعني رقبتها كامله) وفوق البلوزه جكت جلد اسود
اسيه لبست بنطلون جينز مشرط في الركبه ولبست بلوزه بنفسجيه وااسعه نص كم دخلتها جوه البنطلون وسبورت ابيض
نزلو تحت لقو الناس دي مرصوصه في الجنينه وبتونسو وبهظرو لقو مجد وحاتم قاعدين فالتربيزه براهم مشو سلمو وقعدو
اسيل....سارا وين قايلاها نزلت هنا
مجد....هي وغسان مشو يتمشو
اسيل....اااا تمام
اسيه....حيطلعو وين الناس ديل قالو
مجد...قالو حيمشو البحر زي الساعه حداشر كده
اسيل....الله البحر اتحمست يارا بتحبو
مجد...ما حتنزلي يا سمحه تعايني بس
اسيل....بخلي يارا تمشي معاي
مجد.....وينها صحي الليله؟؟😂😂😂😂
اسيل...حلفت ما تصحا😂😂😂
...................................................................
سارا وغسان جو لقو البنات قاعدين
سارا...وين يارا
اسيه...ناااايمههه
سارا...غايتو من حقها امبارح كانت بتحضر في اليوتيوب للساعه كم وكم😂
اسيل قالت لي سارا تعالي اترزعي جمبي جات سارا قعدت جنبها
اسيل....ماشيه مع المنفسن ده لي
سارا....بري انا صحيت بدري لقيتو هنا قالي ارح نتمشى مشيت معاهو
اسيل...اها تمام
...............انا صحيت الساعه عشره استحميت ولبست لي سكيرتي جلد قصيير فوق للركبه لكن لابسه تحتيهو كيلون(عباره عن حاجه زي البنطلون لكن ملصق فيه شراب وبكون بي لون الجسم او اسود)الانا لبستو كان اسود لبست معاهو بلوزه صوف اوف وايت شعري عادي فكيتو لبست جزمه سودا عاااليييه وقبل ما اطلع اتصورت وختيتها ستوري
.........
غسان وهو بعاين في تلفونو فجاءه قال يا ديني انا ياخ وقفل التلفون ورماهو
كلهم بعاينو ليهو كانو
قطعت عليهم لحظه السكوت وقلت ليهم هاااايييي قاايييززز
سارا العفنه اول ما شافتني صفرت تصفيره كده
قلت ليهم كيفني بالله
اسيل.....درررعععهههههه
اسيه.....لا بقيتي صايعه يا حبي
مجد.....والله لو ما بحب لي بت كان حبيتك
قلت ليهم ستوب ستوب خلاص اصلا عارفه نفسي سمحه
كلهم قعدو يضحكو😂😂😂😂😂
غسان.....وهو موجه نظرو لي انتي يا يارا عرفناك متحرره وبتلبسي قصير وكده رغم انه هنا في الف ولد لو ملاحظه يعني لكن بتختي صورك فالستوري والقروب حق الدفعه حقكم كله اولاد وتختيها في الانستا انا والله زاتي تعبت من كتر ما نبهتك من حركاتك وصوتك العالي قدام الاولاد!!!!!!!!!!
طبعا انا ما مستوعبه اصلا الكلام والباقين كلهم منتظرني ارد ليهو
اسيل....بصفتك شنو انت بتتكلم معاها؟؟
مجد....يا جماعه اهدو ياخ
اسيل قامت على حيلها وقالت لا ما بهدا انت عارف يا مجد انه غسان من اول يوم شافنا فيه كلامو بايخ وزي السم اي صاحبنا واي شي وطبعا مع احترامي ليه ولي اسيه لكن ما عندو علاقه هو
سارا طوالي مسكت اسيل قالت ليها خلاص
حاتم.....ما تقلبوها شكل هو بنصحها بس
سارا....النصيحه قدام الناس فضيحه وغسان دايما بحسس يارا انها غلطانه وانها زوله كعبه والغريب انه نحن ما شايفين اسيه محجبه يعني
انا قمت طوالي ودخلت غرفتي ولحقوني التلاته بنات
بالجد يا جماعه الكلام ده لمن يكون قدام ناس محرج شددددييييييييدددد وما اي زول بستحملو
.....................................
مجد.....كورك في غسان وقاليهو كم مره انا وريتك ياخ ما تدخل في اي شي من اول يوم شفتها وانت بتعلق في لبسها حركاتها ما بخصك ياخ انت ابوها؟اخوها؟ راجلها؟ حبيبها؟؟
غسان وهو بكورك......اي بعلق في اي شي بخصها لاني بحبها ومن زمان كمان يارا دي من اول يوم شفتها فيه انا ما بفكر في زول غيرها
ولو ما علقت علي لبسها وحركاتها وانا بحبها حكون ما راجل وقام من القعده
حاتم......ده شنو الحاصل ده يا مان
مجد.....انا زاتي ما فاهم ما تجيب سيره للبنات انت بس
........... ...........................................
اسيل.....ما ممكن لكن ياخ نحن كل يوم كده
اسيه....يارا يا قلبي م تشتغلي بيهو هو اصلا ثقيل كده
سارا.....لكن يا اسيه كلامو حار والله وتفك ياخ؟؟
قلت ليهم عاينو الزمن جا خلاص يلا امشو
اسيل....امشو دي شنو؟؟
سارا....ماشين البحر البتحبيهو لو متزكره
قلت ليهم انا حره وما ماشيه خلاص انتهينا.
اسيل قالت ليهم خلوها ياخ الله يحرق الجامعه والرحله ده شنو ده ياخ ومرقت
سارا واسيه مرقو وخلوني
........................................ .........................
انا قعدت اتكلم مع نفسي
هو لي بكرهني كده ودايما بخرب علي فرحتي دايما بحسسني اني كعبه
انا ما عملت ليهو شي بالعكس غسان ده اول ولد اصاحبو للدرجه دي
حتى اني بعتبرو صحبي اكتر من مجد
لكن تمام خلاص ما دام هو بكرهني تاني وشي ده ما حيشوفو
..................................................................
الناس بدات تركب العربات عشان متحركين علي مكان الرحله
مجد.....اسيل تعالي هنا
اسيل....اي
مجد....مالك زهجانه كمان
اسيل.....يارا ما ماشيه
مجد.....(كان حيحكي لي اسيل لكن قال لا مافي داعي يمكن غسان يزعل)...قاليها اركبي بجيبها انا معاي
اسيل.... انت ما عارفها
مجد...ياخ اركبي بس خليها علي اهم شي انتي ما تزعلي
اسيل(رفعت حاجبها)....كلام لكن
مجد....كيف بالله؟؟
اسيل....خطررر
مجد....يلا يلا امشي
اسيل مشت والناس خلاص اتحركت
........................................................
غسان.....مجد ارح عشان ما نتاخر
مجد.....ماشي اجيب يارا
غسان.....وينها هي؟؟
مجد....في الغرفه قالت ما ماشيه
غسان.....خلاص خليها
مجد....اخليها كيف يعني ما عندك عقل انت ومشا خلاهو
غسان مشا ركب العربيه وفتح صورتي الكنت خاتاها ستوري وقال(انا ما بكون قصدي ازعلك ولا انكد عليك المرقه لكن انا بضايق لمن زول يشوفك بالبس ده غيري ياخ ما بقدر امسك اعصابي لمن تهظري مع ولد بكون نفسي اقتلو لمن تضحكي بصوت عالي اخلاقي بتصل السماء)
................................................
انا كنت قاعده فالسرير ولسا ببكي الباب دق
استغربت طبعا وخفت لاني شفت الباصات اتحركت
قلت ميييين؟؟؟
مجد.....يارا ده انا مجد
قلت ليه جايه ومشيت فتحت الباب
مجد.....بدون كلام كتير ارح صلحي مكياجك وشعرك وامرقي
قلت ليه وريتكم اني ما ماشيه
مجد....انا ما حصل طلبت منك شي ما تحرجيني قومي ارح انا منتظرك من قبيل
قلت ماف داعي احرجو قلت ليه طيب جايه
مجد.....اختي الفالحه حنتظرك بره طيب
قلت ليه طيب
مشيت وقفت قدام المرايه صلحت مكياجي وشعري
ما عارفه انا لي عملت كده لكن فجاءه وانا بعاين لي لبسي جاني وش غسان قدامي انا اي ما بخاف منو ولا حصل اتأثرت بي كلام زول لكن لاول مره احس بالخوف من كلام شخص او من الشخص نفسه!!!!!
مشيت فتشت في شنطتي ما لقيت شي مناسب
مشيت فتحت شنطة اسيه شلت منها بنطلون جينز ازرق عادي فيه تشريطات لكن ما مظهره الجسم
وشلت بلوزه لونها ابيض اكمامها كامله والنوع الواااسعع وقماشتها قريبه من الفرو كده
لبست سبورت ابيض
رفعت شعري فوق ومرقت
مجد.......ساعه يا يارا
غسان اول ما شافني ضحك وغمز لي مجد
قلت ليه معليش وركبت ورى وفتحت تلفوني وساكته بس
مجد.....مالك زهجانه يا عسل؟
قلت ليه مجد اختاني
واتصلت لي اسيل
اسيل.....اها اها اها خير
قلت ليها الله ياخدك مالك
اسيل....مجد قدر ليك؟؟
قلت ليها انتي المرسلاهو يعني زابط يا وسخه
اسيل....اعمل شنو الرحله ما حلوه بدونك😢❤
قلت ليها وايييي من الكذب اقطعي وشك يلا
وقفلت
دخلت الواتس لقيت غسان مرسل لي
اسف!
ولا اتلفت طوالي بلكتو
فجاءه غسان ضحك ضحكه بي صوت عالي والله انا زاتي ضحكت معاهو
مجد...مالك؟؟
غسان....ولا شي في شافعه كده رسلت ليها بلكتني
انا طوالي قلت يا مجد اسرع بالله لاني خلاص الاكسجين حقي اختفا
غسان........اي اي اسرع قبل ما يبلكوني من باقي المواقع
قلت ليه هههه زريف شديييدد
مجد.....ممكن افهم
قلت ليه ركز في سواقتك انت
بعد نص ساعه كده وصلنا المكان كان بحر وقدامو حديقه كبيره فيها قعدات كده حلوه شدددديييدد
انا طوالي نزلت وخليتهم
#يتبع
معليش مرات بتأخر عليكم
ما تنسو التصويت
في امان الله❤❤❤❤❤❤❤
