أحببت مغروراً

الجزء الأول

" عصيت الله لأجله فعاقبني الله به "

- انا عايز اتكلم معاكي في موضوع ضروري ياريت تحاولي تخليني اشوفك بكرة ....

= اول ما فتحت فوني لقيت الرسالة ده تنحت قدامها و اتصدمت

أحمد !!!! ... مش مصدقة لقيت نفسي بعيط من الفرحة رسالة بعد إختفاء شهور ومعرفش عنه اي حاجة مكنتش مصدقة معملتش اي ردة فعل غير اني بعيط كل اللي كان فارق معايا أنه رجع ... رجع بعد طول غياب وعذاب ... رجع .. رجع بجد
انت كنت فين كل ده وازاى تختفي طول المدة ده وانا معرفش عنك حاجة انت ازاى قدرت تبعد عني او ازاى سمحت لقلبك أنه يبعد كده

- حاولي تخليني اشوفك بكرة

= تجاهل كل الكلام ده ورد بكده ؟!
لقيت ظهوره اختفى زى ماكان ، حاولت اتصل عليه كتير فونه مقفول مكنش قدامي اي خيار تاني غير أنه انزل اقابله علشان أقدر الاقي إجابة على كل اسألتي طول المدة اللي فاتت ده
قفلت فوني وحاولت انام مقدرتش قعدت اتقلب شمال ويمين وبرده معرفتش انام
فضلت رايحة جايا في اوضتى لحد ما عينى راحت في النوم

صحيت الصبح واكيد انا عارفة هقابله إمتى وفين قعدت أشغل وقتي بأي حاجة علشان أضيع الوقت وعلى قد ما كنت موجوعة وقلبي مش مطمن على قد ما كانت الفرحة مش سيعاني ولا سايعة قلبي ، قبل الميعاد بربع ساعةة قومت جهزت نفسي ونزلت ....

إزيك يا ندى

إزيك يا أحمد اي الغيبة ده كلها

ندى انا جاي اقولك أنه ده آخر مرة هنشوف بعض فيها

أخر مرة يعني اي آخر مرة

زي ما بقولك ده آخر مرة هنشوف بعض فيها

أحمد لو بتهزر و مفكر أنه زعلانه منك وجايا اتخانق معاك واتعصب عليك علشان غيبت عني الفترة ده كلها صدقني مش هعمل كده

ندى انا فرحي بعد يومين

الجملة نزلت على قلبي زي الصاعقة بصتله والدموع في عينيا فرحك بعد اي

بعد يومين ... ندى انا ...

انت اي بس طب وأنا

انا آسف

بعياط : يعني اي آسف ده يعني اي أحبك كل السنين وده وفجأة تختفتى وكل وسائل الاتصال بيك تتقطع ومعرفش عنك اي حاجة وبعدين ترجع تقولى فرحي بعد يومين وآسف ... انت بتتأسف على اي .. على عياطي ليا نهار ودعايا بأنك ترجع ولا على غيابك كل الشهور والايام ده وانا لسه مستنياك ولا على عمرى اللي راح ضحيه في حب واحد زيك ولا على احلامى اللي انت حطمتها بإيديك ، ولا وجع قلبي اللي كسرته ودوست عليه ومشيت ، مش انت برده اللي فرحك بعد يومين وانت برده اللي انا عصيت ربنا علشانه 💔

انا مقصدتش أنه اجرحك

اي مقصدتش تجرحني انت معاك حق مش انت اللي قصدت تجرحني انا اللي جرحت نفسي وفعلا زي ما بيقولوا كل شئ قسمة ونصيب ...واديته ضهرى ومشيت ... مشيت وقلبي بيتقطع مليون حتى ، مشيت ووجع العالم وحزنه في قلبي مشيت وأنا حاسة بالذنب على كل لحظة عيشتها معاه وكل كلمة قولتهاله او سمعتها منه ، مشيت وانا بتحسر على نفسي وعلى وجع قلبي اللي مش هيخلص في بعده ، مشيت وانا ببكي على حالى وإني كنت مجرد سد خانة لحد ما جيه الشخص الصح ، مشيت وانا بقول أنه ميستاهلنيش ولا يستاهل حبي وانتظارى ليه ، مشيت وبتمنى ربنا يرضي عنى ويسامحنى ....

" البدايات التي لا ترضي الله نهايتها لن ترضيك ولن ترضى قلبك "💙

#يتبع
فاتن_جمال 💙