الجزء العشرون..........
............................................................... المهم اول ما وصلنا طوالي نزلت من العربيه ووقفت اعاين في الناس عشان المح البنات بس شفتهم ليك قاعدين بتصورو جريت ليهم سريع وخلعتهم من ورى وقعدت اضحك
أسيل:بسممم الله انتي مش نفس البت القبيل كانت بتبكي وقالت ما ماشيه ؟؟
قلتليها اخرسي م تعكري مزاجي تاني
اسيه:خليك من د كلوووو انا حاسه انو دي هدومي اللابساها دي!
غمزت ليعا وقلتليها عليك الله م درعه فيني؟
اسيه:لالا اصبري بنتفاهم بعدين.
اسيل:اتتي اصلا غيرتي لي؟😉
قلتليها اخرسي ما بخصك والحقيني دايرا اوريك كلام خطيييررر
سارا......سوقوني معاكم
قلت ليها اترزعي في حتتك دي ما حنتاخر اقوليها الموضوع وارجع طوالي
سارا.....تمام يا يارا
مشينا منهم بعيد قلت لي اسيل ما شففففتيييي عملت شنو وانا مبسوطه وبنطط
اسيل.....اول شي اثبتي ما تنطي زي المتخلفين واها احكي
قلت ليها بلكت غسان😉❤
اسيل....سجممي عمل شنو تاني التافه ده😱😱
قلت ليها روقي ياخ ما عمل شي وحكيت ليها لمن رسل لي واعتزر ولمن ضحك وكده
اسيل.....احييييي منك فشيتي غلي بالبلوك ده لكن برضو ما كفايه يا يارا
قلت ليها اصلا ما كفايه حببتي اصبري بس
اسيل....حتعملي شنو يعني
قلت ليها عايني غسان ده انا ما عندي معاهو مشكله وانتي عارفه الفتره الفاتت كنا بنتكلم كتير معبعض وكده لكن هو فجاءه ببقا منفسن وصراحه يا اسيل انا بزعل شديد وبتحسس لمن يقول لي الكلام ده قدام الناس فعشان كده احسن اني ما اتكلم معاهو تاني واتجنب المشاكل بس
اسيل......اها كدي خليني من الجريده القولتيها لي دي غيرتي هدومك لي؟؟؟
قلت ليها ما هناي ساي يعني
اسيل....يارا انتي من متين بتتأثري بي كلام زول
قلت ليها اقعدي كدي قعدنا وربعت ليها رجولي قلت ليها عايني
لمن مجد جا يسوقنا صلحت مكياجي وشعري وكنت مارقه فجاءه اتزكرت غسان وعصبيتو وكلامو لا اراديا قمت غيرتهم يا اسيل حتى انا استغربت شددديد من نفسي لي عملت كده؟؟؟
اسيل......لا يعني هسا انتي بتتكلمي معاهو ليك قريب للسنه وبقيتي تتاثري بي كلامو ده كلام خطير اعملي حسابك😉😉😉❤
قلت ليها اسيل انتي واطيه شديد عفكرا
بعد شويه جات سارا قالت لي اسيل ارح
اسيل...وين
سارا غمزت لي اسيل
اسيل....ااااااا اي اي قايمه
قلت ليهم وين
اسيل.....عاملين ليكم سبرااايييززز
قلت ليهم طيب نادو لي اسيه معاكم الحته دي سمحه مقادره اقوم منها
سارا....طيب
مشو وبعد شويه جات اسيه قعدت وقعدنا نتونسسسسس كنت مشتتتاقه ليها شددديييييددد لانه اول مره من جات الاردن نتونس فيها مع بعض بالطريقه دي
ما خلينا موضوع ما اتكلمنا فيه
بعد ما خلصنا قعدنا نتصور سمعنا صوت قال انتظروني اخش معاكم
اتلفت لقيتو مجد
قلت ليه تعال اي اجري
جا اتصور معانا وقعد يتونس وجا بعديهو الثقيل غسان قعدنا نحكي وكده
مجد....وين اسيل؟؟
قلت ليهو هي وسارا قالو ماشين يسو لينا سبرايز متخلفات البنات ديل
...بعد مساففه جو سارا واسيل ...انا واسيه بقينا فاتحين خشمنا ٧ امتار..بنات ال**جو لابسين ذي بعضضض ايشي ومسرحين ذي بعض وطالعين حلوين شديددد لابسين ترينينق رمادي مع بلوفرات بيضاااء مرسوم فيها فالنص جمجمه وسبورتات خفيقه ويعني درعه بالجد لحد م وصلونا بقينا ننبز فيهم وهم بيضحكو الجزم شكلهم متفقين
المهم جو قعدو وعملنا دايره وبقينا نتونسسسس
فجااااءءءه ومن حيث لا نعلم جو بتين ماشين من جنبنا وانا كنت ملاحظه ليهم لانهم ما تبع الجامعه
وحده فيهم لمن وصلتنا وقفت
كانت بتعاين لي غسان مسااافهه
قالت ليه غسااااننن؟؟؟؟
غسان رفع راسو وبقا بعاين ليها زي الانا عارفك لكن ما متذكر ونحن كلنا بنعاين طبعا
قالت ليه والله يا غسان ما تعرفني ما اخليك
اديت ليك اسيل قرصه لمن كوركت😂😂😂😂😂
غسان........رنداااا؟؟؟؟؟؟
لالا ما بصدددققققق
رندا.....مشتاااقيييين وين انت ياخ
غسان....انتي الوين انا قااعددد
رندا....طبعا اتغيرت ميه وتمنين درجه
غسان....تقولي شنو بس كيفك وجايه هنا ليه
(طبعا رندا دي صحبه غسان شششششدددييييددد من زمان يعني قرت معاهو الثانوي والجامعه وبعدين هي سافرت وانقطعو)
قمت انا قلت لي مجد واسيل وحاتم وديل انتبهو معاي ياخ ديل شكلهم مطولين
غسان عاين لي عين كده وقاليها تعالي نقعد هناك ومشو مننا
طبعا انا اتغظت عشان الحركه بايخه يعني لكن عملت فيها ما بهمني
قلت ليهم اسمعو كل زول فيكم يحكي لينا موقف محرج حصل معاهو يلا
كل زول حكا موقف وانا بمممموت من الضحك بالذات مجد
قال لينا مره كنت ماشي في عفراء مول وهو زحمه زحمه شددديييدههه وانا ماشي جنب المطاعم والحته كلها او معظمها بنات فجاءه اتعترت بي رباط جزمتي ووقعت والله لا وراكم البنات في البضحكو وفي البلفتو بعض وانا كمان اعجبكم لمن لقيت الموقف كده عملت فيها دايخ وجو رفعوني
والله نحن ضحكنا ضحك لمن دمعنا المشكله هو لمن بحكي ما بضحك😂😂😂😂😂😂😂😂😂😂😂😂😂😂😂😂😂😂😂😂😂😂😂😂
...................................................
جا غسان وجات معاهو البنت المايعه ديك طبعا سمحه شديد يعني قمحيه كده وجسمها حلو وما لابسه طرحه وشعرها قاصاهو لي رقبتها جاي مع وشها
المهم غسان جا لقانا بنضححك
قالينا ضحكونا معاكم فشنو
اسيه....غسان حموت والله مجد ده متخلف اقعد اقعد
غسان قعد وقعدت جنبو رندا صحبتو دي
غسان....اسيه دي رندا صحبتي زمان بتكوني عرفتيها
اسيه...معرفتها اهلين رنودد
رندا...هاي قلبي
انا واسيل طبعا ملصقين في بعض ونعلق ساي لمن البت زاتها لاحظت لينا
قمت انا قلت كأنو الجو حار يحليلي لبست تقيل قايله الجو حيكون سمح
رندا....اي والله بلوزتك حاررهه ما كان تلبسي كده
سارا...انتي لو شفتيعا قبيل كانت لابسه شنو وغمزت لي اسيل وضحكو
مجد....ما تشتغلي بيهم يا رندا عندهم سلك ضارب
رندا....لالا عادي ياخ.
...............................................
جا بعد شويه واحد من مشرفين الرحله وزع علينا اطباق الاكل وما كان جايب لي رندا
طبعا البت اتحرجت وقالت لي غسان يلا نتلاقا بعدين
غسان لالا اقعدييي ياخ اكلي معاي وقعد يحلف عليها تقعد لمن قعدت واكلت معاهو من صحنو
اسيل.....يارا عايني قومي كفكفي لي يديني ديل مقادره اكل
قمت وبقيت بكفكف ليها في جاكيتها
ومجد وحاتم بضحكو في شكل اسيل المتخلفه😢😂😂😂😂😂😂😂
الاكل كان معجنات كده ومعاها دجاج ورز وخاتين كاتشب ومايونيز وسلطات وبتاع
انا بحاول افتح الكاتشب حقي قام اتشرط ووقع كله في البلوزه البيضا
وفجاءه اسمع ليك صرخه اسيه وهي بتقول واااااييييي بلوزتي واااي حموت والله دي ما لبستها لسا
وسارا دي ما باقي ليها الا تموت من الضحك
انا بعد شفت وش اسيه ختيت الاكل وجريت وهي بي وراي
والناس بتعاين لي كاني حراميه واسيه جاريه وراي
رندا.....غايتو
سارا....عفوا؟؟؟
رندا...لالا ما معاك انا
اسيل عاينت لي سارا ورفعت ليها حاجبها
طبعا مكان الرحله ده فيه اماكن للغيار واماكن نخت فيها شنطنا زي غرف كده واستراحت بنات
مشيت فتحت شنطتي وانا اصلا شايله معاي غيار سبير نظام لو خشيت البحر وكده
خليت نفس البنطلون بس لبست تشيرت لونو وردي مكتوب فيهو Hi بالقليتر الفضي
مرقت لقيت اسيه منتظراني قعدت احنك فيها ساعه قالت لي حتغسليها انتي ونبذتني ورجعنا
وانا ماسكه اسيه زي اصحاب اصحاب حقات زمان😂😂😂😂😂😂
لقيت اولاد من دفعتنا بلعبو كوره انا واسيه عاينا لي بعض وطوالي قلنا ليهم لاعبين معاكم
الاولاد كلهم قعدو يعاينو لينا واحد فيهم اسمو لؤى قالينا ادخلو ارح
فعلا خشينا وقعدنا نلعب ونقع ونقوم وهدومنا دي طين بس فالنهايه زهجنا قلنا مارقين
قالو لينا ما بنفع الا القيم ينتهي
تمينا معاهم القيم والفريق حقنا فاز قعدنا نكورك ونصرخ ورجعنا
اسيل...لا حولاااااا هدومكم مالها عان بنطلون اسيه
عاينت لي بنطلون اسيه لقيتو كله طين
قعدت اضحككك فيها
حاتم....انتي تضحكي شنو عان نفسك
عاينت لي نفسي وضحكت اكتر
مجد...حرم ما نصيخه
قلتا ليهم كنا بنلعب كوره واتخيلو الفريق الفيه انا واسيه فاااززز😉❤❤❤❤❤
غسان.....لعبتو الكوره وين ومع منو ؟؟
اسيه.....مع الاولاد الهناك وشاورت بي يدها
غسان....ديل من الدفعه
اسيه...اي اي
غسان.....كويس يا اسيه ويارا
انا طبعا ولا شغاله بيهو
بعاين ليهو بس
.........................................
بعد شويه قالو يلا الدايرين ينزلو البحر بقدرو والبنات ما مسموح ليهم بس يمشو يعني
قلت لي اسيل ما دايرين زاتو نقعد هنا احسن طيب
اسيل....اصلا ما ماشيه
غسان ومجد وحاتم مشو بعد شويه جا غسان راجع قال لي رندا امسكي لي ديل تلفونو وساعتو ونضاره وقال ليها ما تمشي العربيه معاي بوصلك لو الوقت اتاخر هي كمان تضحك ساي ومسكتهم وقالت ليه لا ما بمشي منتظراك
قعدنا نحن البنات نتونس كده
قامت رندا دي فجاءه قالت لينا اها ما وريتوني بتعرفو غسان منوين؟؟
طبعا حسستنا كانو راجلها
اسيل.....ما بنعرفو اصلا وقعدنا نضحك
اسيه....قصدها هو ود خالتي انتي عارفه وكان بجيبني الجامعه وكده بقا من شلتنا
رندا....ااااا والاتنين ديل برضو من الشله وشاورت علي انا واسيل!!!!!!!!!!!!!!
سارا....اجججيييي يا ده انتي شايفه شنو
رندا....لالا ما قصدي شي بس حبيت اسال
قلت ليها وسألتي وعرفتي تاني في شي؟؟
رندا....اتكلمي معاي بي اسلوب لو سمحتي
اسيل....هي بتتكلم بي اسلوب مع الناس العندهم اسلوب
رندا....لالا انتو زودتوها شديد يلا انا اصلا بتكلم مع اسيه دخلكم شنو انتو
قلت ليها والاتنين القاصداهم ديل كانو منو من باقي اهلك؟؟
رندا....عايني لو سمحتي ما تتجاوزي حدودك وبعدين انا اصلا بتكلم مع ناس زيكم كيف مع احترامي ليك يا اسيه لكن دي ما اشكال تصاحبيها
طبعا انا هنا فرت شددديييييددد فيها قلت ليها عان البتكلم منو من جيتي تتخاففي ساي حببتي ما تتكلمي عن اشكالنا بكون احسن ليك
سارا.....والله ده كلام جديد كمان منو انتي عشان تتكلمي معاهم كده
طبعا البت لقتنا كتار خافت شالت حاجات غسان المسكها ليها دي ومشت ونحن قعدنا
اسيل.....دي قليله ادب والله
قلت ليها شبه صاحبها اصلا
اسيه....لالا مبالغه اصلا هي من جات بترمي كلام
سارا....اي سامعاها انا زاتي متخلفه بالناقص منها ومن شوفتها
وعادي مشتغلنا بيها نحن كملنا ونستنا عادي جدا ونضحك وكده لمن المغرب اذن
والناس قالت خلاص حترجع الفندق
جا مجد ومعاهو حاتم قالو لينا يلا ارح لملمو حاجاتكم
فعلا مشينا وكل وحده شالت شنطتها فجاءه جا غسان وقف قدامي قالي دايرا اتكلم معاك
قلت ليهو للاسف انا ما عايزه
غسان.....لمن تقلي ادبك علي بنات الناس غصبا عنك لازم تتكلمي
قلت ليهو الحمدلله انا مؤدبه ومحترمه وزول ما جا جنبي ما بسالو الدور والباقي علي الجايبها لينا دي
اسيل جات قالت لي ارح يلا
لقت غسان واقف قالت فشنو
قلت ليها والله في زول جاني قالي قليتي ادبك علي بت الناس شكلها مشت بكت ليهو
غسان.....يارا اتكلمي بي اسلوب
قلت ليه لمن انت تجي تتكلم معاي باسلوب بعدين حاتكلم معاك بي طريقه كويسه
ومشيت خليتو واقف ونحن في الباص حكيت لي اسيه وسارا
اسيه...... والله ما اخليهو هو والمعاهو دي
قلت ليها هي دخلنا فيها شنو ولا تتكلمي معاهو لا شي يا بت
سارا سكتت بس ما ردت
وصلنا الفندق خشينا غرفتنا استحمينا وغيرنا وشحنا تلفوناتنا وقعدنا
#يتبع
ما تنسو التصويت
واكتبو لي اراكم في التعليقات وبشوفها
في امان الله❤❤❤❤❤❤❤❤
