سندس عبت الحوض اميه ورقدت فيه وقطعت شرايينها هي ضعيفه ان يوجهها حد بالحقيقه بس قوية لما دارت عملتها !!! ماتت منتحره وغاضب عليها ربي وملعونه (زنا وانتحار خيانه وسحر)
هذي الفاجعه وكأن انتحارها عطي فرصه جديده لي خليل مش يتصلح لانه مش ذنبه وما وسخش ايديه ب قتلها
خليل دس المسدس ويبكي
اتصل بالاسعاف
مش عارف كيف يواجه صغاره يلي مش صغاره اساسا
خليل في دوامه ومش ح يطلع منها الا بموجهة عمر وجوري بعد عزي امهم
______
ف نفس اليوم وف نفس اللحظه
سماح اطق ف الباب
جوري: منو
سماح: افتحي
جوري فتحت: شن تبي
سماح :نبي الصلح ونبررلك موقفي
جوري شدت سماح من شعرها : شن تحسابيني مش عارفاتك انك مدايره علاقه مع راجلي قبل مانتزوجه ها يا عانس اقلبي وجهك يا خامره
وسكرت عليها الباب
وخشت تهز ف رجلها وتخمم
طق الباب مره تانيه
جوري بعصبيه : هاااا
وفجأه امتصت العصبيه هذي كلها وراحت بس بشوفة صالح
صالح سلفها الوحيد يلي حباته ولما جت امه خطبت لي ولادها الزوز احمد وصالح
سندس ام جوري بلعاني اختارت احمد هذا كله بس جوري ما تاخدش يلي تحبه !!!
صالح تزوج اخت سماح ومش متقبلها يعني كزوجه وخلاص مش اكثر ما قدرش يعطيها الحب يلي عطاه لي جوري
جوري لسانها ارتبط وعيونها لمعو
صالح: استاحشتيني
جوري ابتسمت
صالح: بنرفعكم لي مكان انتي وامي والصغار
جوري: ومرتك الشنطاء
صالح: مش لازم المهم انتي
جوري: نح...
صالح فنص فيها
جوري تلفتت لقت ولدها وراها يلي عمره سنه ونص
خشت لبست عبايتها وطلعت معاه
صالح يوشوش : اسمعي فكينا من النظرات باهي راهو امي تزيط
جوري: باهي باهي يلي يسمع
___
بعد ساعات
الكل التم ف حوش خليل قداش قلبه كبير سكت وكتم ف قلبه وماطلعش كلمة عيب فيها ولا فضحها مع خواتها
الكل يبكي ومش مستوعبين ان سندس ماتت منتحره!!
اما حوري الصدمه ع اساس ماشيه لي مكان وطلع عزي امها
راويه كانت تبكي وف نفس الوقت فرحانه
عرس ريناد ح يتأجل بس مش فرحه دائمه مؤقته
هي بودها ان ماتتزوجش بكل الغيرة توصل لي هالحد ايه
_____
بعد مرور فترة
خليل: يلي سمعتوه بوكم اسمه .....
عمر كسر الفازا؛ مستتحييييل انت تخرف امي الله يرحمها مستحيل ادير هكي
اما جوري حاطه يدها ع فمها وتبكي تفكرت اليوم يلي رفعها فيه ودار تحليل DNA
جوري: التحليل
خليل: اهو ورقة التحليل واني عقيم مانجيبش ف الصغار ومش ح نجيبهم الا بعمليه
عمر فك ورقة التحليل ويده ترعش قراها
عمر: يعني اني ولد حرام وجوري بنت حرام
خليل: اني ربيتكم وكبرتكم وحطيتكم ف عيوني ح نجمعكم ب بوكم يلي عنده حلال يسوى الدنيا كلها وحط راسه ف راسي ع خاطر شوية فلوس وانتقم مني عن طريق امكم
عمر :مش قادر نستوعب
جوري: ولا اني
خليل: استوعبو ان اني مش بوكم ونستأدنكم
____
عند ارجوان
ناديه: انتي مهبوله؟
ارجوان : ايه
ناديه: لا والله حتى المهبوله ماتاخدش شيباني اعمي
ارجوان: بناخده يا امي مدخلكش فيا
ناديه: ماتوقعتكش تتزوجي زيجه زي هي علي خاطر الفلوس
ارجوان : الفلوس تغير النفوس
وقربعت الباب
قعمزت تبكي قهر من السر الكبير يلب كاتماته ف قلبها ندمت الف ندمه انها مشت مع حسام الليله هاديكا
فقدت حياتها وفقدت خوها بسبب نزوه وكلام راويه يلي تبعاته وجي علي راسها
ارجوان قررت تتزوج شيباني واعمر بس مش تنستر عملتها
____
فاطمه: خلاص المفروض نسقدوك مرو شهرين
ريناد: ان شاء الله
راويه: امتى
فاطمه: بنتصل بيهم غدوه ان شاء الله بنقوللهم الاسبوع الجاي ياسر تاني مره يتأجل
ريناد فرحت: يارب سهل
وراويه ف قلبها غل كان تبي تقتل ريناد من غيرتها
دارت خطه انها تفركشلها العرس
بس ياريت بتبعت الصور لي يزن خطيب ريناد بس هي ح دير حاجه تانيه ومتأكدة انها ح تسبب ف قتل ريناد وتفتك منها ومن عرسها!!! شن هي ياترا وشن بيصير وصدمة ارجوان الكبيره ف الشيباني شنو!!!
