الجزء الواحد والعشرون.....
...................................
طبعا بعد استحمينا وقعدنا كل وحده شالت تلفونها وقعدنا نتونس
اسيه تلفونها اتصل ردت
اسيه....اي يا غسان
لالا ماف طريقه والله
فشنو لي بتسال انت
ااااا تمام بكون في كدي امشي الاستقبال
ظابط يلا
وقفلت
اسيل.....فشنو
اسيه....اتخخخيلو منو حينور ليكم الفندق
سارا....والله هو ما محتاج نور اها منو
اسيه....رنددااا😂😂😂😂😂😂
انا انتبهت للاسم قلت ليها خير جايه ليه دي كمان
اسيه....بري غسان بسألني لو عندكم حته اتخيلو
سارا.....والله دي لو جات الا تقعد براها ما بستحملها انا
اسيه...اصلا قلت ليه ماف طريقه قال حيمشي يشوف غرفه
قلت ليهم هوي قالو الليله برنامجهم قعده سمحه وشاي واغاني وكده اها حتنزلو
اسيل....انا ماشيه البس
سارا....قوميني معاك
اسيه قامت وبقت بتنكت فالشنط وقالت لي يارا ما لاقيه شي البسو انا
قلت ليها انا نازله بي لبسه كده شوفي لو عجبتك اديك اختها هم اتنين نفس الالوان
اسيه....وينها
قلت ليها فالشنطه
مرقتهم قالت لي ديل؟؟؟
قلت ليها اي مالهم😂😂😂😂
اسيه.....ما عارفه عادي يعني
قلت ليها اصبري ديل يمرقو ونجربهم
اسيل جات مارقه لابسه بنطلون كحلي مكفكفاهو من تحت وبلوزه بيضا فرو كده هاي نك(رقبتها كامله) و
Belt Bag (دي بتكون شنطه بتتلبس في الخصر)
لونها لحمي الشنطه
سارا لابسه جيمسوت ابيض حلو شديها فيه نقشه بالدهبي
اسيه.....اها بعد اللبس ده حتلبسينا ديل ؟؟
قلت ليها براحتك انا غايتو قايمه البس
شلت الهدوم ودخلت اسمحيت ومرقت
اسيل....يارا جاده؟؟
اسيه....حي عجبتني حلبس زيها
اللبسه كانت قريبه للبجامه شداد لونو اسود ومعاهو بلوزه بنفسجيه فيها ميكي ماوس في النص ولبست شرابي وشبشبي ومرقت واسيه نفسسس الشي
نزلنا لقينا الناس قاعدين وبتونسو
واحنا ماشين في زول ناداني
اتلفت لقيتو ياسين😂😂😂
مشيت وقفت معاهو هو وشلتو ظريفين كده وقعدت معاهمم مسااافههه
في بت منهم قالت لي والله انا قايلاك مفتريه ياخ طلعتي ظريفه شدييد
قلت ليهه بسم الله افتري لي كمان انتو بس بتعاينو كده وبتقررو اني مفتريه تعالو اتكلمو معاي
قالت لي بري انتي وصحبتك التانيه ديك مرات بقول اسلم عليهم بخاف ما تمدو لي يدكم
قلت ليها اسيل؟؟😱😂😂😂😂😂😂😂😂
لالا ياخ ظالمانا والله دقيقه واتلفت كوركت لي اسيل جات
قلت ليها عايني قالو ليك انتي مفتريه قعدت تضحكك
وقعدنا ونسناهم شدددديددد وقمنا
البنت حلاتها قالت لينا اسمي الاء وشالت ارقامنا وحنستنا نقعد
قلنا ليها الشله هناك ومره تانيه ومشينا
قعدنا مع شلتنا
مجد....اسيه ويارا ده شنو؟؟؟
اسيه....كيف بلاي
حاتم...كيف بلاي شنو لابسين لينا ميكي ماوس؟😂
مجد.....غسان ده اتاخر
اسيه.....وين هو؟؟
مجد...عندو صحبه كده مشا يجيبها قال وحتقعد هنا
قلت ليهم عاينو بعدين ماف اي زول يمسكني لو البنت دي فتحت خشمها وريتكم!!!!
مجد....دي مالها
اسيل...حكت ليه الشكله حقت المره الفاتت
حاتم....يارا انتي والله انا بحمد ربنا اني صحبك
سارا.....اي والله😂😂😂😂
طبعا القعده دي كلها في الحديقه حقت الفندق اها بعد شويه الدي جي اشتغل والناس ديل قامو ويرقصو وطبعا اسيل دي وقت الرقص ماف زول بمسكها ماف نهائي
انا واسيه مرات نصفق مرات نعلق لانه ما بنعرف😂😂😂
اسيل وسارا جو جرونا وبي هدومنا دي وقفنا بس وهم يرقصصصوو حتتوو حتتت نضيففف بعدين قعدنا
مجد....اسيل ده شنو د
حاتم....ما شاءالله بس
......السلام عليكم شباب
مجد.....معقوله يا غسان ده كله؟؟
غسان.... اتاخرنا والله عشان جبتها وهسا مشت تدخل حاجاتها وتجي وصخبتها بكره جايه تقعد معاها ان شاءالله القعده تعدي علي خير وعاين لي انا واسيل😂😂
حاتم....ما اظن والله في زول متوعد ليها
سارا قرصتو قالت ليه البنت جات انطم
البت جات سلمت عليهم كلهم وفطتني اتخيلو بس
طبعا انا ولا هببت ليهاااا
قلت لي مجد انا نفسي في شاورما ارح نجيب
قالي المطعم حق الفندق فيه بكون
قلت ليه اي بس ارح معاي
طبعا هو استغرب قالي طيب ارح
مشينا
مجد...مالك
قلت ليهو مالي؟؟
مجد....ما تشتغلي بالعويره دي من شفتها اصلا ما حبيتها
قلت ليهو دي مايعه ساي
ومشينا جبنا السندوتشات وجينا
وبديت اوزع اديتهم كلهمممم ما عدا رندا (اي ما جعانه بس عملت الحركه عشان استد حقي)
قلت اوبسسس نسيتك يقلبي
وجريت الكرسي وقعدت اكل
غسان قام طوالي مشا جاب ليها وجا
لمن اداها السندوتش قالت ليه ثانكيو غسوني تعبت نفسك
طبعا انا بشرب في ببسي اول ما سمعت الكلمه شرقت والبنات كلهم فهموني قعدو يضحكو
حاتم.....يارا ده شنو المرسلاهو في القروب ده والله انتي بايخه كيف
مجد....النكته دي؟؟
حاتم...اي
مجد....والله لمن قريتها قربت اجي ادق يارا
رندا دايرا تتظارق قالت النكته شنو
سارا(بي صوت واطي)...واي من الحشريه
رندا....ما سمعتك
سارا.....ما معاك اصلا
غسان حاول يبرد الجو قاليها عاملين لينا قروب كده ويارا رسلت نكته كده بايخه برسلها ليك بعدين او بدخلك القروب عديل
رندا.....هههههه لالا ماف داعي يمكن وجودي ما مرحب بيهو
قلت ليها حي يادوب حسيتي
غسان...(بي صوت عالي) يارا
قلت ليهو مالك
غسان...ماف شي انتي فاهمه
اسيل....ما حيشغلو اغاني تاني
اسيه...بري بياخه وقال شنو بكره موديننا المتحف
سارا....متحف شنو كمان نمرق برانا
حاتم....تمرقي براك وين دي رحله علميه لازم تلتزمي بي قوانينها
سارا.....يارا اديني الشبشب الفي رجلك ده
حاتم....ههههههههه لالا خلاص سكت
انا لفت مجد قلت ليه شايف الحفاظه ديييككك
مجد.....اها
قلت ليهو فيها شنو
مجد....دي عصاير سودانيه عرديب وكركدي وحلو مر وكده
قلت ليه قوم جيب لي
اسيل....واييييي من يارا واي😂😂😂😂
مجد....خدامك انا يا بت
قلت ليه ما دايرا زاتو
جا ولد ماشي بي جنبي قلت ليهو عاين يا هناي انت
الولد اتلفت وهو بضحك قالي انا؟؟
قلت ليه اي ماشي وين
اسيل....سجمي يارا اسكتي😂😂😂😂
الولد...ما ماشي حته حايم ساي😂😂😂
قلت ليه الله يرضي عليك تمشي تكب لي عصير والله مضروبه في رجلي
الولد..😂😂😂😂😂😂طيب دايرا شنو
قلت ليه حلو مر
الولد يحليلو شال الكبايه ومشا
جابو لي وجا
قلت ليه والله معروفك العملتو معاي ده ما حنساهو ليك طول عمري
الولد....😂😂😂😂😂😂😂😂معقوله ياخ ما بيناتنا
قلت ليه انا زاتي قلت كده اسمك منو صحي
قالي....زين
قلت ليه اتشرفنا ياااخخخ انا طبعا بتعرفني مش
قالي اي يارا وصحبتك اسيل
اسيل....سجمييي😱😱😱
قاليها لالا بس القاعه كلها عارفاكم البنات القزازهم عاليي
قعدنا نضحك كده ومشا
مجد.....يارا كده ما صح
قلت ليه بسم الله ده زين صحبي
مجد...😱😱😂😂😂😂😂صحبك من وين
اسيه......بري يا يارا انتي ما نصيحه😂😂😂
رندا فجااءهه قالت
اها يا اسيه كيف مع الجامعه
اسيه...تمام والله الحمدلله
رندا.....اي لازم تعرفي تختاري اصحابك كويس لانه مجتمع الجامعه ده مجتمع كبيررر
اسيه....لالا الحمدلله متخافي اخترتهم من زمان
غسان....اي اصلا ما بتمشي مع زول غير الشله دي وكلهم انا بعرفهم
رندا....اي والله شلتكم كويسه لكن ما كلهم
انا طوالي قمت قلت ليهم قبل ما لساني يفلت وارتكب جريمه حمشي يلا قود نايتت
اسيل... سوقيني معاك قلت ليها قومي
مجد....يارا اقعدي ياخ
قلت ليه لو دقيت زول بتمسكني
غسان....دايرا تدقي منو وانتي طولك شبرين
رندا....احييييي براحه يا غسان😂😂😂😂😂
قلت ليه عشان انا مربيه ما حرد عليك يا غسان وانتي يا عسل ضحكتك قدر ده؟؟
غسان حس انه كلامو كان غلط وما كان مفروض يقولو
المهم انا مشيت ولحقوني كل البنات ومجد وحاتم زاتهم قامو معانا
رندا....مالهم؟؟
غسان....لالا بس نعسو بكونو يلا انا زاتي ماشي
ومشا خلاها
رندا شالت تلفونها واتصلت علي صحبتها اسمها مروة
قعدت تحكي ليها وتضحك
قالت ليها لالا يا بت غسان واضح انه بحبني لكن انا البنت دي غايظاني شددديييييددد ياخ
لكن شافعه ساي انا هسا بس بحاول اقرب من بت خالتو اسيه
يا زوله برجع ليك بعدين يلا وقفلت الخط
....................................................................
#في غرفتنا
اسيل.....اها يا جماعه الحنك شنو
سارا....عندي خطه
اسيه...اها
سارا..... البنت دي نحن نقعد نحقرها في الكلام وخصوصا انتي يا اسيه لانها بتحاول تتكلم معاك وكده ولمن تتكلم زول يرد ليها ماف لمن تحس براها
اسيه....اصلا ماف حل غير كده
اسيل....يارا اها رايك شنو
قلت ليهم انا اصلا لو قلت ادبها تاني بدقها
اسيل...لالا ماف داعي للدق😂😂😂
قلت ليها خلاص كل وحده تترزع تنوم
كل وحده رقدت في سريرها واشتغلت بالتلفون
بعد شويه جاتني رساله من اسيه...كاتبه لي غسان قاليك فكي البلوك
قلت ليها اختيني بلا غسان بلا بطيخ
اسيه.....يارا كدي شوفيهو بس شكلو جدي والله
قلت ليها مع نفسو
الحيوانه خشت القروب الفيه نحن الاربعه وقعدت تقول ليهم خلوها تفكو وكده
اسيل جاتني في الخاص قالت لي يا قلب
قلت ليها اسكتي متزكره زمان لمن احنسك تتكلمي مع مجد افصليها
اسيل.....عايني انتي عارفاني بكره غسان قدر شنو لكن نشوفو بس حيقول شنو فالنهايه انتي بتعرفيهو ليك سنه عشان العشره بس
قلت ليها ظابط😒😒
مشيت فكيت البلوك وما رسلت
فجاءه قالي داير اتكلم معاك
قلت ليه اتكلم
غسان.....لا انزلي لي الحديقه
قلت ليهم ما بقدر نعسانه خليها لي بكره
غسان....يارا ما تتعذري انا ما حصل طلبت منك شي اصلا كلها خمسه دقايق
قلت ليه اف ياخ طيب
عمل سكرين شوت للمحادثه وعامل لي دائره علي كلمه اف قالي بنتحاسب في الكلام ده
ما رديت لبست جكتي وفتحت النور قلت ليهم انا ماشيه
كلهم قامو وينن؟؟
قلت ليهم اشوف البش مهندس غسان داير شنو!
اسيل....واي حشتاق ليك
رميتها بالمخده قلت ليها كله بسببك اصلا
سارا....واي عان وش يارا عامل كيف😂😂😂😂
اسيه.....حرام عليك مالها حلاتها امشي ساي عشان لو داير يعترف بحبو يتراجع من هسا
قلت ليهم ما حرد ليكم والله وانتي يا اسيل يا واطيه انا سامعه الكول حق قبل شويه كله احسن تخرسي
اسيل....واي واي معليش😂😂
مشيت وقفلت الباب لقيتو واقفف طبعا لي زمن ما اتكلمت معاهو والله واصلا كان نفسي اتكلم معاهو لكن عامله فيها ما بهمني😂😂😂
مشيت لقيتو قاعد في التربيزه
جيت قعدت قلت ليه اها
غسان... يارا انا دايرك تسمعيني للنهايه
قلت ليه طيب
غسان.....اول شي اسف
قلت ليه علي شنو بالظبط من كترة الحاجات العملتها الفتره دي ما عارفه حتعتزر علي شنو بالضبط😂
غسان....مسح وشو بي يدينو وقالي شايفه من هسا بديتي تقاطعي
يارا اسمعي انتي عارفه انه انا عمري فحياتي ما صاحبت زول غير رندا ومجد وانتي بس
يارا انا ما بحب الناس وما بحب الجوطه واللمه لكن عشان اقدر اقعد معاك بجي بقعد مع الشله حقتكم
اما بالنسبه للكلام القلتو ليك عن لبسك اخر مره
هسا يا يارا في كم بت في الجامعه دي بلبسو كعب انا بسألهم لا طبعا
انا بسالك انتي بس لانك بتهميني يا يارا
لاني عارف الاولاد وفاهمهم ما صح تلبسي كده حتى قدامي انا ومجد وحاتم الزول ما عارف النفوس دي فيها شنو صح
هسا اسيه وسارا واسيل اي ما محجبات لكن لبسهم ما كعب
انتي هدومك كلها نص كم وقصير كده ما صح
تاني نقطه اي انا عارفك اجتماعيه وبتحبي تهظري لكن الاولاد بعدين بقولو يارا جات اتظارفت معانا وبطلعو عن كلام وانا نا برضاها ليك لو انتي بترضيها لي نفسك وانا بقول ليك كلام حار عشان تستوعبي
قلت ليه خلصت؟؟
غسان....لا ما خلصت يارا خليك عارفه انك بتهميني وما تساليني لي؟؟ هسا ما عندي شي اكتر من كده اقولو
قلت ليه طيب يا غسان تصبح علي خير
وقمت مشيت
كنت مببببسسسسسوووططههه شديد من كلام غسان
دخلت الغرفه وقلت للبنات انا حتنقب
اسيل من شده الضحك وقعت من السرير
اسيه....بركاتك يا شيخ غسان والله
قلت ليهم اتخيلو قال انا بهمو😣❤❤❤❤
سارا....وين الجديد اصلا واضح يعني
قلت ليها واي لي ما وريتيني
سارا.....الحاجه واضحه يعني
المهم حكيت ليهم كلامو بالتفصيل
اسيل....واي يا يارا ظلمناهو اها انتي قلتي ليهو شنو
قلت ليها قلت ليه تصبح علي خير
اسيل.... واييييي من يارا واي😨😨😨
قلت ليها ياخ اقول شنو يعني ما عرفت ارد يا اسيل وانا اصلا بتوتر لمن اتكلم مع زول كلام جادي
اسيل....اي والله الصراحه الكلام بوتر الزول
*اتناقشنا مسافه بعدين قفلنا النور ورقدنا*
دخلت الواتس لقيتو كاتب لي
اها!!!
قلت ليهو شنو
غسان.....كلامي ده فهمتيهو
قلت ليهو ياسس
غسان....يعني حنحاول نغير حاجات بسيطه فينا
قلت ليهو بشووفف
غسان....انتي لي عنيده
وتاني شي والله البلوك ده تاني يتعاد اكسر ليك التلفون سامعه
قلت ليهو واييي خفت ياخ
غسان....حيوانه😂😂😂😂😂
اها ادخل ليكم رنود في القروب
قلت ليهو مالي ومالك دخلها وانا بمرق
غسان.....والله هي ظريفه بس شكلها كده ما حبتك
قلت ليهو بي زيتها منقوليه خلاص
غسان....لالا انتي حقارا والله المره الفاتت ما صح منك تقولي ليها قاعده معانا ليه!
قلت ليه غسان انت صدقت اني قلت ليها كده!!!!
قرا الرساله وطوالي دق لي
قلت ليهو اها
غسان...اظن اني لمن هي حكت لي جيت عشان اسمع منك الكلام لكن انتي ابيتي تتكلمي😒
قلت ليهو اسمع القصه طيب وحكيت ليهو الكلام كله ما نقصت شي ولا زودت شي وقلت ليه لو ما مصدقني اسال اسيه واسيل وسارا
غسان.....كيف يعني ما مصدقك بس انا مستغرب لي تعمل كده
قلت ليه واضح انها بتحبك
غسان...تحبني شنو يا زوله
قلت ليه بري ده الانا شايفا
غسان....لالا ياخ رندا ما بتاعت كده المهم خلاص نومي بعد ده عشان بكره حيودوكم المتحف من تمنيه صباحا
قلت ليه طيب يلا قود نايت
وقفلت
قبل ما انوم شلت تلفوني كتبت
*ليتني استطيع رؤيتك الان*
#يتبع
ما تنسو التصويت
في امان الله❤❤❤❤❤❤❤❤❤
