كاتبك معانا ( كل كتاب ليبيا )

حلقة 17🔥 إبراهيم رشيد ❤️

برنامج #كاتبك_معانا
إعداد و تقديم : ريان
حلقة : 17
.
مساكم خير يا حلوين و صحة فطوركم ، ماشاء الله الايام تجري اليوم و مزال الاحلي ما جاش
اليوم ضيفي كاتب شاب ، يعتبر من اوائل الكتاب الشباب يلي نشهروا و أقدمهم  ، رواياته ما نقدرش نقول عليها رومانسية و لا نقدر نقول إجتماعية و لا بوليسية لانها خليط بين الاتنين و يلي نقدر نقوله ان رواياته دائما قوية ، مضلوم في الشهرة لان الاغلب ما يعرفاش بس مش مضلوم الموهبة ابدا لان كلمة مبدع شوية عليه
.
ضيفي الكاتب الشاب #إبراهيم_رشيد خليني نعرفكم ب إبراهيم قبل ما نبدا حلقتنا
.
الاسم : إبراهيم رشيد
العمر : 2000
البدايات : 2016 ،
الاصدارات : 6 روايات تقريبآ
.
نبدا الحلقة
ريان : نبدا ابراهيم
ابراهيم : تمام
.
ريان : بداياتك في عالم الكتابة أمتى ؟
ابراهيم : سنة 2016 كانت اول رواية #يارب_تكون_نصيبي
.
ريان : افضل رواية لابراهيم ؟ من كتاباته ؟
ابراهيم : وبالنسبة ليا انا منشوفش في وحدة افضل من وحدة ، بس ممكن تكون #كتابة_قدري_ونصيبي
.
ريان : من افضل كاتب في نضر إبراهيم رشيد ؟
ابراهيم : في رأيي انا نحب انجي علاء في التشويق ، وباهر دويدار في المسلسلات البوليسية
.
ريان : من اين خيال ابراهيم رشيد في سرد الروايات ؟
ابراهيم : القصة كلها تبدا معاك بفكرة بسيطة
وبعدين تبدا تفكر كيف تربط الاحداث وكيف تجسد الشخصيات وانا في طبيعتي خيالي واسع بس في حدود المعقول
.
ريان : تعتبر نفسك كاتب موهوب او مبتدى ؟
ابراهيم : انا عمري ماقيمت نفسي وكل الي يقرا رواية ليا يقول اني موهوب
.
ريان : ابراهيم رشيد واخد حقه ؟ او لا ؟
ابراهيم : من اين ناحية يعني؟
ريان : الداعم من الصفحات الليبية الخاصة بلروايات ؟ يلي تملك عدد كبير من المتابعين ؟
ابراهيم : انا في اخر سنتين استقيلت بروحي وقعدت نكتب في صفحتي الشخصية وبالنسبة ليا النجاح اكبر من مجرد عدد لايكات وتعليقات ومع ذلك عندي روايات نزلن في صفحات كبيرة زي يارب تكون نصيبي
و كتابة قدري ونصيبي
.
ريان : تعتبر نفسك كاتب روايات رومانسية ؟ و اذا لا ما نوع روايات ابراهيم ؟
ابراهيم : اي رواية نكتبها مبنية على المجهول ونحب نضيف عنصر التشويق
واكيد ضروري من اضافة قصة حب بين البطلين
وفي رومانسية ولكن في حدود المعقول مش أوڤر بكل
.
ريان : من القصة يلي تاترت او عشت فيها و انت تقرا ؟
ابراهيم : في رواية اسمها لحبي كلمة وكانت قصة حقيقية صارت في بنغازي،زمان قريتها ولكن تأثيرها معايا الى الأن
.
ريان : هل فيه حد في عائلة ابراهيم ما يعرفش ان ابراهيم  كاتب مشهور ؟
ابراهيم : كلهم عرفوا عن طريق النت
وانا شخصيآ النجاح منشوفش فيه في الشهرة
النجاح الحقيقي في انك تكتب رواية ويكون لها تأثير كبير على الجميع
.
ريان : من المنافس لابراهيم ؟ كا كاتب شاب ؟
ابراهيم : ماعمري فكرت في منافس
نكتب في حالي وانتمنى التوفيق للجميع ونحب ندعم الجميع حتى لو شغلة معجبنش
.
ريان : افضل فنان و افضل فنانة عند ابراهيم ؟
ابراهيم : الفنان امير كرارة والفنانة إليسا
.
ريان : تخصص ابراهيم ؟
ابراهيم : نقرا في كلية الأقتصاد
.
ريان : اهم احلامك ؟
ابراهيم : طموحي نكمل في الكتابة والكورة والدراسة بدون ماشيء منهن يأثر على الثاني
.
ريان : حتكمل في مجال الكتابة في المستقبل او فترة في العمر و حتعدي ؟
ابراهيم : فكرت كم مرة نسيب ولكن مهانش عليا التعب ومهانوش عليا الناس الي يحبوني
وعشان هكي لو ربي سخر مكمل
.
ريان : تحب اللمة او تفضل الوحدة ؟
ابراهيم : لو اللمة مع تستاهل نحبها
ولكن انا في طبيعتي نفضل الوحدة اكثر
.
ريان : الحالة الاجتماعية ؟
ابراهيم : اعزب
.
ريان : طقوسك في يوم رمضان ؟
ابراهيم : قبل المغرب بساعتين رياضة وبعد المغرب نتفرج ع المسلسل وفي الليل نطلع وبعدين نصلي الفجر ونقرا قرأن على برنامج ختمة ويكمل اليوم
.
ريان : مسلسلك المفضل هذا العام ؟
ابراهيم : بدون منازع الأختيار متاع أمير كرارة ، وبرضو عندي ميول للمسلسل لأن 50‎%‎ من قصته تحكي على ليبيا
.
ريان : افضل اكلة بلنسبة لابراهيم ؟
ابراهيم : مفش شي محدد كل شي من يد امي نحبة
.
ريان : كلمة ل MBC LIBYA 🇱🇾 ؟
ابراهيم : صفحة جميلة وفيها افكار ممتازة وناسها متواضعين ويحبو يدعموا الجميع وعشان هكي نتمنالكم كل التوفيق ولكم كل الاحترام ومراهن عليكم بعد فترة من الأن ح تكون الصفحة هذي من اكبر الصفحات
.
ريان : شكرا استاذ ابراهيم و استمتعت بلحوار معاك ❤️ ، و نتمنالك كل خير ، و عيد سعيد مقدمآ
ابراهيم : شكرا لكي ريان وبارك الله فيك
.
بهذا حبايبي نكونوا وصلنا لختام حلقة الليلة ، نتمني للكاتب إبراهيم كل التميز لانه موهوب و يستاهل و نتلاقوا حبايب قلبي في حلقة جديدة و كاتب جديد و رح تكون الكاتبة #ملاك_العبيدي
.
باي باي 👋🏻