الجزء الثاني والعشرون....
...................................................................
الصباح صحتني اسيه الكريها الساعه سته ونص قالت لي الباصات حتتحرك تمنيه
قلت ليها والاتنين ديل مالهم
قالت لي اسيل انا ساعه بحاول اصحي فيها حلفت ما تصحا قومي انتي
وسارا دي والله زي الميته
قمت اتسوكت وغسلت وشي وجبت قزازه مويه جريت من اسيل الغطا وفوق وشها كبيت المويه😂😂😂😂😂😂
اسيل.....فشنو بسم الله.....يارا ما ممكن ياخ والله ما اخليك ومشت جابت مويه وجرت وراي
اتخيلو الصواريخ دي كلها وسارا نايمه
وهي جاريه وراي نطيت جنب سارا واسيل جات رشت المويه فينا
سارا......شفتو والله العظيم اقوم اطقشكم الاتنين في بعض ياخ يارا انتي ثقيله زحي مني ياخ
اسيه.....العبو كويس لمن الزمن يمشي
قلت ليهم دقيقه ياخ في وحده منكم جايبه معاها طِرح(بكسر الطاء)
اسيه....انا جايبه
سارا واسيل...اييي جبنا ليه؟؟
قلت ليهم ارح الليله نلبس طرح
اسيل...الله حبيت
سارا.....هدومنا ما مناسبه لكن كله ضيق وقصير
قلت ليها بتتجازف كل وحده تجيب شنطتها ونحاول نمرق لبسات
اسيه...حبيت الفكره اي
اسيل جات جنبي قالت لي ده كله عشان غسان؟😉
قلت ليها...نننن ما بخصك
*انا انبسطت شددديييييددد عشان كلهم وافقو علي الفكره*
اسيه اول وحده لبست فينا
لبست بنطلون كحلي فضفاض معاهو بلوزه بيضا واسسعه وشاكاها جوه البنطلون لانه اساسا البنطلون واسع لبست طرحه كحليه وجزمه بيضه
بالجد كانت حلللللووةة شديدد❤❤❤❤
بعديها جات سارا
كانت لابسه سكيرتي هاي وست حلوووو شديد كان مشكل تشكيلات صغيييره
لبست معاهو بلوزه بيضه
وطرحه لونها لحمي وهيلز عالي ابيض
والحجاب فيها كان افففففف درعهههه😍😍😍
......
اسيل لبست فستان فنايلي عريان من فوق مع الجسم لونو رصاصي فااتحح لبست معاهو بلوزه قماشتها بدره باللون الابيض البلوزه قصتها قصيره من قدام ومن ورى طويله ومكتوب فيها Queen باللون زينب ولبست طرحه نفس درجه الكلمه الفي البلوزه❤❤❤❤❤❤❤❤❤
انا بعد ما شفتهم ماشاءالله بس
قمت لبست بنطلون جينز ازرق فاااااتتتحح وضيق لبست معاها طوب ابيض عريان من فوق ودخلتو جوه البنطلون فوق الطوب لبست جكت لونو خمري(اغمق درجه في الكبدي وقريب للون الكاكاوي)
الجكت طويل هو لي فوق الركبه لكن من قدلم مفتوح
لبست طرحه اوف وايت وسبورت ابيض عادي
اتمكيجنا ومرقنا
طبعا نحن نازلين من السلم لقينا رندا
الله لا وراكم البنطلون والشعر البنت صراحه سمحه😂😂😂
اسيل شافتني بعاين ليها قالت لي ما تكوني ندمتي علي فكره الطرح
قلت ليها بري يختي(اساسا كلنا لابسين طرح بدره ولافينها كده لفه خفيفه يعني ما دبابيس وكده)
مشينا الحته الواقفه فيها الباصات وانا واسيل كنا دايرين نتصور وقفنا واسيه صورتنا سوا واتصورنا كلنا
طبعا انا منتظره غسان الكريه يجي عشان دايرا اشوف ردة الفعل
قربت من اسيل قلت ليها غسان ما عرف يتاخر الا الليله؟؟؟
اسيل....ابردي يا زوله مالك😂😂😂
بعد شويه جا غسان ومجد وحاتم
طبعا جو وقفو وبقو عاملين كده😱😱😱😱😨😨😨😨😨😨😨😨😨😨
سارا....بسم الله مالكم فشنو
مجد....انتو منو ؟
اسيل....كيف بالله؟؟
مجد...واقسم بالله كلكم مزز خلاص طلعتو سمحين بالطرح مالكم طيب؟
غسان كان بعاين لي بس وما علق نهااائي طبعا
بعد شويه جا المشرف قال يلا على الباصات اتغظت طبعا
اول شي غسان ما علق
تاني شي رندا ماشيه معاهم حي ياخ😂😂😂
قلت لي اسيل ياخ عان رندا ماشيه معاهم
اسيل....لالا كده كتير امشي قوليهو بحبك بعد ده بالله
قلت ليها عفنه اصلا انتي ما صحبتي
واحنا ماشين علي الباص غسان ناداني
اتلفت قالي دقيقه بس
طبعا اتكركبت واقرص في اسيل
مشيت ليه
غسان.....مدام سمحه كده بالطرحه مالك طيب؟
قلت ليهو مالي
غسان....ولا شي نتفاهم بعدين
قلت ليه مناديني لي طيب😂😂
غسان....داير اخد لينا سيلفي كده
قلت ليه ارح سريع عشان الزمن
غسان....حرم الليله ما اتصور معاك طيري يلا
قلت ليه لااااا خلاص معليش بهظر😂😂😂😂😂😱
غسان....انا زاتي بهظر ارح
وقفت اتصورت معاهو كم صوره كده وقلت ليه رسلهم لي ما تنسي
واتحركت
قام هو قال يارا
اتلفت ليه
غسان....الجكت ده لو كان مقفول بكون اسمح وريتك
قلت ليه والله يا غسان هسا اقلعو واحوم بالبلوزه الجوه دي
غسان....وبببب علينا لالا خلاص😨😂😂😂😂😂😂😂😂😂😂😂😂😂
مشيت ركبت واتبسم سااااااييي
لقيت اسيل حاجزه لي جمبها
اسيل....لعلو خير دي كلها ضحكه
قلت ليها اخرسي هوي
اسيل....المهم دايرا اسالك
قلت ليها اها؟
اسيل....ملاحظه اسيه دي بقت هاديه ما زي زمان وحركاتها مع مجد خلتها فشنو؟!
قلت ليها بيني وبينك؟؟
اسيل....والله يا يارا بالجد بقيتي كعبه من متين بنخبي عن بعض حاجات كمان
قلت ليها ما تفوري فيني يختي الكلام ده من زمن عرس اخو سارا
اسيل...اها انطقي انطقي
قلت ليها متزكره لمن مجد ناداني بره وكده وحكا لي عن اهلو
اسيل....اي وده علاقتو شنو
قلت ليها ما تقاطعي مجد اصلا من الفراغ الهو حاسس فيهو قالي اول ما شفت اسيل بقيت الوقت كله بفكر فيها وهو عشان بحبك شديد وانتي ما اتجاوبتي معاهو مع انك بتعرفيهو ليك كتير قرر يخلي اسيه تساعدو وبعد ده انتي وفهمك
اسيل....ويت ويت يعني هسا الحركات الكانت بتعملها اسيه لي مجد كانت عشان انا اغير؟؟؟؟؟؟؟؟
قلت ليها اتخيلي😂😂😂😂😂
اسيل....لالا تمام والله ما اخليهم الاتنين وبالذات اسيه
اسيه سمعت اسمها قالت سجمي فشنو
اسيل....نتفاهم بعدين
قلت لي اسيل ما حاسه سارا دي مخبيه شي
اسيل....يا بت كولات كل يوم للساعه كم وكم مع حاتم
قلت ليها حاتم ده مع انه طيب واي شي لكن بحسو غااااامممضضض ما زي مجد وغسان!!!!!!
اسيل....انتي في زول عاجبك فالدنيا دي؟
قلت ليها قريب في زول حيعجبني😉
اسيل....منحطططهه😱😱😱😱
.......
وصلنا المتحف ونزلنا انا واسيل طوالي جنب بعض والبنات يعني معانا
طبعا مجد وغسان طبيعي واقفين مع بعض
ورندا دي واي ما عندها زوق متلصقه في غسان شديد
طبعا دخلنا المتحف والراجل يقعد يشرح لينا ونحن ولا شغالين بيه شغله😂😂😂😂
نتونس ونضحك
بعدين خلانا وقال هسا ممكن تشوفو اي شي بي راحتكم بس ممنوع اللمس
اتلمينا كل الشله
اسيل....والله بياخه عجيبه
قلت ليها تعالي نتصور مع التمثال داك
اسيل....ما حرد ليك والله😒😒😒😒
قلت ليها عنكك
اسيه تجي معاي؟
اسيه.....دايراني اتفضح مش
مجد...ما تعايني لي ده متحف ما حديقه
غسان...هوي مالكم معاها ارح يا يارا بسوقك انا
قلت ليهم حححييينااا اصلا انا فالدنيا دي عندي منو غير غسان
حاتم....من متيييننن الكلام ده
قلت ليه من هساا😂😂😂
رندا....غسوني دقيقه سوقوني معامكم
غسان...ارحح
طبعا التمثال كبير شديد وقفت جنبو وختيت يدي فيهو وغسان بصور
جاني المشرف الكريه قالي لو سمحتي ممنوع اللمس
انا كمان ما بسكت قلت ليه الحجر الاسود هو؟؟
غسان.....قصدها معليش ما بتتكرر ان شاءالله
الراجل اداني عين كده ومشا
غسان....يارا عيب ما صح منك هو اتكلم معاك براحه
رندا....وبعدين ده متحف
قلت ليها انتي ما بخصك يا عسل
البنت لمن وشها بقا احمر وغسان مسك الضحكه بس
ورجعنا
اسيل....اها اتصورتي؟
قلت ليها اي
غسان....واتشاكلت مع المشرف
مجد....ده طبيعي حاصل يعني
ارح نمرق بره ياخ زهج جايبننا متحف شفع اساس نحن
اسيل....فعلا والله ارح
ومرقنا كلنااا بره قعدنا فالمصطبه البره جنب الباب
وجبنا ببسي وقعدنا نتونس
قلت ليهم دايرا احكي ليكم نكته
حاتم...عليك الله لا
قلت ليهم هوي بزعل بالجد النكته دي الهدف منها انكم ما تضحكو فلو ما ضحكتو معناها النكته سمحه
غسان....مع اني ما فهمت شي لكن طيب احكي
قلت ليهم في مره وبتها ماشين في الصحراء البنت طول الطريق بتقول عطشانه عطشانه المره في النهايه زهجت قالت ليها ياخ هاك غسلي وشك عشان ما تعطشي وقعدت اضحك براييييي
غسان كان بشرب ببسي تفاهو من خشمو
اسيه...لا كده اوفر والله ما اخليك
انا طوالي فكيت الجريه علي جهة المدخل وديك بي وراي وانا بعاين ليها
وهم كلهم بضحكو فينا
فجاءه طقشت ليك في ولد كده
كان طويل واسمراني لبسو سمح باين عليهو محترم*باين*
طوالي قلت ليهو معليش والله مقصدي
قالي....لالا عادي ياخ ما فيها شي
قلت ليه طيب معليش مره تانيه واتحركت من جمبو
فجاءه جا وراي قالي ما قلتي لي اسمك منو
قلت ليهو ولي اقول ليك
قالي....نتعرف يعني
قلت ليهو لا شكرا
ورجعت ليهم حكيت ليهم عن الولد
غسان....دي نهايه العواره
اسيل....غسان ما تبدا لينا عليك الله
رندا....كلامو منطقي ما صح تجرو كده
حمرت ليها وقمت دخلت جوه المتحف
وجات معاي اسيل
قعدنا نتفرج علي الحاجات وكده
فجاءه لمحت الولد الطقشت فيه واقف بعيد وبصور
انا استغربت وقلت ما اظلمو
بعد شويه لاظت انه بحرك التلفون كل ما اتحرك
قرصت اسيل قلت ليها براحه عايني ده الولد الطقشت فيه من قبيل رافع الكاميرا اتجاهنا
اسيل.....ما تظني ساي
قلت ليها خلاص انا حتحرك جنب الباب وانتي خليك هنا وشوفي
اسيل....طيب
اتحركت جنب الباب الولد توووشككك لف الكاميرا علي
اسيل جاتني ومرقنا
قلت ليها واي بصورنا لي يا اسيل
وانا اصلا بخاف من الحاجات الفيها صور وبخاف صوري تكون عند ولد او كده
قلت ليها اسمعي خليك هنا حمشي واجيك راقبيهو
قالت لي طيب
وانا مرقت مشيت للشله
وقفت وقلت....غسان دايرا اقوليك شي تعال
غسان...فشنو؟؟
قلت ليه تعال سريع ياخ
غسلن قام وجا وراي
اتحركنا بعيد منهم
قلت ليه غسان عاين بدون كواريك ومشاكل شفت الولد القبيل طقشت فيه من دخلت المتحف ملاحظه ليه بصور فيني ولمن لفت اسيل قالت لي ما تظني ساي
عملنا حركه وفعلا طلع بصور فيني
غسان....وينو هسا
قلت ليه جوه المتحف بتفرج
غسان....خلينا هنا اول ما يطلع وريني
وقفنا قريب للربع ساعه طبعا قلت لو فتحت خشمي بكفتوني سكت سااايييي ما اتكلمت نهائي
اول ما الناس بدات تمرق جا هو مارق
قلت ليهو غسان ده هو اللابس قميص كحلي
غسان طوالي اتحرك ووقف قدامو قاليهو كيف يا ابو الشباب
بس عندي شويه حاجات في تلفونك تخصني
الولد....حاجات شنو
غسان...افتح التلفون وانا اوريك حاجات شنو
الولد....عاين اختاني عليك الله تلفون شنو البفتحو ليك
غسان....ده متحف ومكان عام تعال اطلع لي بره خلاص
الولد خاف طبعا...قاليهو ما بطلع انت ما عندك معاي شي
غسان....البنت الكنت بتصور فيها جوه دي حببتي اها؟؟
الولد..انا وريتك ما صورت زول انا
غسان خت يدو في وشو قاليهو يا شاب لا اله الا الله افتح التلفون لو ما لقيت شي انا بعتذر ليك
بعد شويه جا مجد ومعاهو حاتم ووقفو كلهم
الولد حسا انه براهو فتح التلفون واداهو لي غسان
غسان خش المعرض فتح ملف الكاميرا لقاهو مصورنا وفيديو كمان اتخيلو
مسح الفيدو وقاليه ارجل لو ما عندك اخوات حيبقا عندك بنات ومشا خلاهو
ونحن مشينا ورا غسان وطبعا انا خشمي ما فتحتو
واسيل بتحكي للجماعه الشكله😂😂😂😂
رندا....انتو كل طلعه بكون عندكم قصه كده غايتو درامات عجيبه
غسان.... ما درامات ولا شي وكويس انها جات ورتني عشان النوعيه دي بتمشي تنشرو في النت هسا وبجيبو ليهم خبر من راسهم وطول الرحله دي اذا يارا او اسيل او اسيه او سارا حصل ليهم شي دايراهم يورو منو يعني؟؟
طبعا رندااا دي وشهاا بقا بمبي بي برتقالي كده😂😂
وانا اتبسم سااايييي
المهم رجعنا الفندق استحمينا وغيرنا وقعدنا
شلت تلفوني ورسلت لي غسان رسل لي الصور
قعد يتعاور كده فالنهايه رسلهم لي
اسيل...يارا الاء دي خاته صورتك ستوري كده كيف؟؟
قلت ليها الاء منو؟
اسيل....يا غبيه صحبه ناس ياسين
قلت ليها دقيقه اشوف مشيت لقيتها خاته الصوره حقتي(لمن كنت لابسه قصير واتشاكلت مع غسان الغريبه هي سرقتها من ستوري اسيل لانه اسيل كانت خاتاها )
قلت لي اسيل بري لكن مسكينه خليها وعملت سكرين شوت وختيتها ستوري عندي كتبت ليها لفيو
سارا....النوعيه دي بتكون دايرا تقشر بيك ما اكتر
بعد نص ساعه كده غسان رسل لي قالي منو الخاتيها ستوري ؟؟
قلت ليه بت كده مسكينه
غسان...وانتي بترسلي صورك دي كده الاتفاق حقنا خلاص؟
قلت ليه عاين ما تعمل لي موضوع هسا ده حخليها تمسحها مشيت قلت ليها امسحيها عشان اللبسه وكده وصورت لي غسان
غسان....احاااا تربيتي والله😂😂
قلت ليه كريه ده اصلا ما عارفه بسمع كلامك ليه
غسان...عشان بخاف عليك😏❤
قلت ليهو...واااااووو خوف لكن😉
غسان...ما تغمزي لي بخجل
قعدت اضحكك ضحككك
قلت ليهو بالمناسبه انا من متين حبيبتك
غسان...في مانع
قلت ليهو انت قايلاني رندا ولا شنو اي في مانع
غسان....يارا انا اكبر منك ما تهرشيني كده
قعددتتتتت اضحككك شديد
فجاء زول جرا مني البطانيه لقيتها اسيل
قلت ليها فشنو؟؟؟؟؟ طيري مني
اسيل...زحي لي اقعد جنبك دار اقول ليك كلام
قلت ليها في سريري مضايقاني تعالي اها
قعدت
والبارت الجاي نشوف اسيل مالها
#يتبع
ما تنسو التصويت
في امان الله❤❤❤❤❤❤❤
