علي فكره الكلام دا للناس الدايما يكونو عاملين حسابهم للناس اكتر من هم عاملين حساب ل نفسهم..
وللصراحه انا كنت واحده من الناس ديل كنت دايما بعمل للناس قيمه اكتر من الازم وكنت دايما بعمل الف حساب للناس وحتى طريقه كلامي معاهم.. الكلام دا م غلط انك تعمل حسابك ف تصرفاتك وكلامك وكل شي بس م اكتر من نفسك...
وكمان للصراحه انا لقيت نفسي ولا شي بالنسبه للناس..
خلي كل تصرفاتك معقوله واعمل قيمه لنفسك قبل الناس..
كنت ماشه سااي وهبله وعبيطه واي شي لدرجه انو انا كنت بتجاهل حاجات كتيره انا كنت محتاجاها بس عشان الناس انا اتخلت عنها..
وف نوع انا كمان كنت منهم مرات بكون بعمل ف حاجه مجرد م اي زول عايز مني حاجه او عايزني اساعد كنت بوقف كل شي عندي أو حتى لو كانت مهمه بالنسبه لي.. بعمل حاجات الناس اول بعدين برجع ل الحاجه الكنت بعمل فيها لاني م كنت بقدر اقول لا اول اقول بس اخلص واعمل ليك..
غلط وغلط كبير كمان اعمل اول شي ل نفسك وبعدين ل الناس..
وع فكره الناس الزي كدا هم دايما الناس البكونو طيبين شدييد..
بعيد وب كرر خلي قيمه نفسك عاليه..
لي م تخلي الناس تعمل ليك حساب واحترمك وتعمل ليك قيمه..
ليه م تخلي الناس تختك فوق رأسه..
م كل الناس بتكون فوق لانو ف ناس كتيره مجرد م انت ترفعه بتكون م شايفاك....
ياخ ف ناس استغلاليه بتشتغلك لأنك أنت طيب وعارفه انك م ح ترفض ليها طلب حتى لو م كان ف مصلحتك..
لا كمان دا غلط خليها تعرف انك ممكن ترفض وكمان تفكر قبل م تطلب منك اي شي..
ف النهايه حابه اقول انك م تتغير لكن غير من تصرفاتك..
وغير اسلوبك اعمل خط ل الطيبه الانت فيها دي وم تعديها.. لانو انت كذا بتكون غلط ف حق نفسك وبس..
مع السلامه..
خلي بالكم من نفسكم يااخ 💜..
