#زوجي مليشياوي
قصة واقعية
الحلقة1
الكاتبة:رويدا القاضي
انا من ابوسليم ع23سنة كنت عايشة في تركيا حنيا مش ليبية اسمي رهف بيضاء
قصيرة عيوني كبار شعري قصير وناعم
دبدوبة شويا.
طبعا مش ح نعرفكم إلا بالشخصية الأساسية
للي معايا للي هوا سامي ع 30 سنة طويل
عريض أبيض شعره أسود لحيته سوداء.
ماما نجلاء ع55 طيبة وتخاف عليا موت
اصلا هيا من عندها غيري انا وخويا ماهر
م2003.
بابا أشرف يخدم في امن الدولة ع 60 حنين
لكن عنده الناس كلها تبيلنا الشر وطامعة فينا.
انا نقرأ في الطب مختبرات في يوم كنت مقعمزة في الكفتريا انا وصديقتي هديل
واحنا نفطرو شويا وفات قدامي شاب.
الشاب:انت ياعسل للي لابسة الأسود شوفلي هنيا .
انا:هيا ياهديل هذا شكله بيدا يتكلم ويديرلي العار مش ناقصني وجع رأس.
هديل:عندك حق هيا تعالي جنبي من هنيا ماتجيش من جيهته هوا قريب ياكلك بعيونه.
وطلعنا فتنا من جنبه من الوقاحة متعه شدني من يدي قدام الكل.
انا:اطلقني صح وجهك شن تبي مني قداش
يوم وانت تلحق فيا.
الشاب:شن نبي يعني نبيك انتى وتعرفي الشئ هذا كويس انتي.
انا:كان عندك خوات في الحوش راك تعرف تتصرف مع بنات الناس.
الشاب:اسمي خالد والإسم اهو احفظيه في رأسك كويس لأنه مازال بتشوفي مني هلبا.
أنا:ابعد عليا وبديت نعيط نبي حرس الجامعة ايجوني لكن للأسف بلا فايدة.
وانا نعيط وهوا يجبد فيا معاه من يدي لين شويا وشفت شاب طلع سلاحه وسحب
وضرب خالد برصاصة في رجله.
انا:😲 ونعيط أول مرة نشوف حد ينضرب قدامي وللي زاد خوفي انه المسافة قريبة
بيني وبين خالد.
خالد:آه يارجلي ورفعوه صحابه معاهم .
الشاب:المرة هاذي جاتك في رجلك فكر
تغلط فيها مرة ثانية تجيك في رأسك.
انا:من إنت وعلاش دافعت عليا شكرا لكن ماكانش فيه لزمة لي الرصاص والدم.
الشاب:انا اسمي سامي أولا وثانيا شئ طبيعي أي واحد عنده غيرية ع بنت بلاده
هكي يدير.
انا:اسمي رهف شكرا بجد ساعدتني هلبا لانه
ديما هوا في جرتي.
سامي:عفوا انا أول مرة انجي للجامعة نبي
موظف صاحبي عندى معاه عمل .
انا:ممكن تعطيني رقمك باش نعيطه لي بابا لو سمحت.
سامي:😏 علاش يعني بيعطيني مكفأة مثلا.
